സെറിബ്രൽ പാൾസി
| സെറിബ്രൽ പാൾസി | |
|---|---|
 | |
| സെറിബ്രൽ പാൾസി ബാധിച്ച കുട്ടിയും ഡോക്ടറും | |
| സ്പെഷ്യാലിറ്റി | പീഡിയാട്രിക്സ്, ന്യൂറോളജി, ഫിസിയാട്രി |
| ലക്ഷണങ്ങൾ | സ്വാധീനക്കുറവ്, പേശി വലിവ്, പേശി ബലക്കുറവ്, അപസ്മാരം, വിറയൽ[1] |
| സങ്കീർണത | അപസ്മാരം, ബൗദ്ധികവളർച്ച കുറവ്[1] |
| സാധാരണ തുടക്കം | ശൈശവത്തിൽ[1] |
| കാലാവധി | ജീവിതകാലം മുഴുവൻ[1] |
| കാരണങ്ങൾ | അജ്ഞാതം[1] |
| അപകടസാധ്യത ഘടകങ്ങൾ | തികയാതെയുള്ള പ്രസവം, ഇരട്ടക്കുട്ടികളുള്ള ഗർഭധാരണം, ഗർഭകാലത്തെ ഇൻഫെക്ഷനുകൾ, പ്രയാസപൂർണ്ണമായ പ്രസവം[1] |
| ഡയഗ്നോസ്റ്റിക് രീതി | വളർച്ച വിലയിരുത്തിക്കൊണ്ട്[1] |
| Treatment | ഫിസിക്കൽ തെറാപ്പി, ഒക്യുപേഷണൽ തെറാപ്പി, സ്പീച്ച് തെറാപ്പി, ഓർത്തോടിക്സ്, ശസ്ത്രക്രിയ[1] |
| മരുന്ന് | ഡയസെപാം, ബാക്ലോഫെൻ, ബോടുലിനം ടോക്സിൻ[1] |
| ആവൃത്തി | 2.1 per 1,000[2] |
ചെറുപ്പകാലത്ത് കാണപ്പെട്ട് തുടങ്ങുന്ന ഒരു ചലനവൈകല്യമാണ് സെറിബ്രൽ പാൾസി (സി.പി). ഇതിൻറെ ലക്ഷണങ്ങളും അടയാളങ്ങളും വ്യക്തികൾക്കും പഴക്കത്തിനുമനുസരിച്ച് വ്യത്യസ്ഥമായി കാണപ്പെടുന്നു[1][3]. സ്വാധീനക്കുറവ്, പേശികൾ മുറുകൽ, ബലക്കുറവ്, വിറയൽ എന്നിവയൊക്കെ സാധാരണയായി കാണപ്പെട്ടുവരുന്നു. സ്പർശനം, കാഴ്ച, കേൾവി, സംസാരം, വിഴുങ്ങൽ എന്നീ കഴിവുകളിലും സെറിബ്രൽ പാൾസി പ്രശ്നങ്ങൾ സൃഷ്ടിച്ചേക്കാം[1]. സമ പ്രായത്തിലുള്ള മറ്റു കുട്ടികളെ അപേക്ഷിച്ച് ഇഴയാനും ഇരിക്കാനും നടക്കാനും ഈ രോഗമുള്ള കുട്ടികൾക്ക് പ്രയാസമാണ്. യുക്തിപരമായി ചിന്തിക്കാനും പ്രവർത്തിക്കാനും ചില രോഗികൾക്ക് സാധിക്കാതെ വരുന്നു. അപസ്മാരവും കാണപ്പെടാറുണ്ട്[1].
കാരണങ്ങൾ
[തിരുത്തുക]ചലനം, സന്തുലനം, ശരീരഭാവം എന്നിവയെ നിയന്ത്രിക്കുന്ന തലച്ചോറിന്റെ ഭാഗങ്ങളിലെ തകരാറ് മൂലമാണ് സെറിബ്രൽ പാൾസി ഉണ്ടാവുന്നത്[1] [4]. ഗർഭസ്ഥശിശുവായിരിക്കെ തന്നെയോ ജനിച്ചയുടനെയോ ഇവയുടെ തുടക്കം കാണുന്നത്[1]. ഇത്തരം പ്രശ്നങ്ങളുടെ മൂലകാരണം ഇപ്പോഴും അവ്യക്തമായി തുടരുന്നു[1]. ഇരട്ടക്കുട്ടികളുള്ള ഗർഭധാരണം, മാസം തികയാതെയോ പ്രയാസകരമോ ഉള്ള പ്രസവം എന്നിവയും ടോക്സോപ്ലാസ്മോസിസ്, റുബെല്ല എന്നീ അണുബാധകളും സെറിബ്രൽ പാൾസിക്ക് സാധ്യത കൂട്ടുന്നു. മീഥൈൽമെർക്കുറി പോലുള്ള രാസവസ്തുക്കളുമായുള്ള സമ്പർക്കവും കുഞ്ഞായിരിക്കുമ്പോൾ തലക്കേൽക്കുന്ന ആഘാതങ്ങളും മറ്റു കാരണങ്ങളാണ്[1]. ജനിതക കാരണങ്ങളും ചെറിയതോതിൽ ഉണ്ടാവാറുണ്ട്[5].
വിവിധതരം സെറിബ്രൽ പാൾസികൾ
[തിരുത്തുക]അനുഭവപ്പെടുന്ന ബുദ്ധിമുട്ടുകൾക്കനുസരിച്ച് ഈ രോഗത്തെ ചില ഉപവിഭാഗങ്ങളായും കണക്കാക്കുന്നുണ്ട്. അറ്റാക്സിക് സെറിബ്രൽ പാൾസി (സ്വാധീനക്കുറവ് പ്രധാന ലക്ഷണമായുള്ളവ), സ്പാസ്റ്റിക് സെറിബ്രൽ പാൾസി (പേശികൾ മുറുകൽ പ്രധാന ലക്ഷണമായവ) എന്നിങ്ങനെ തരംതിരിക്കാറുണ്ട്[1].
രോഗനിർണ്ണയം
[തിരുത്തുക]കുട്ടികളുടെ വളർച്ച വിലയിരുത്തിയാണ് രോഗത്തെ തിരിച്ചറിയുന്നത്. തുടർന്ന് രോഗകാരണങ്ങളെ കണ്ടെത്താനായി രക്തപരിശോധനകളും മെഡിക്കൽ ഇമേജിങ്ങുകളും ഉപയോഗപ്പെടുത്തുന്നു[1].
പ്രതിരോധമാർഗ്ഗങ്ങൾ
[തിരുത്തുക]അമ്മക്ക് നൽകപ്പെടുന്ന പ്രതിരോധ കുത്തിവെപ്പുകളിലൂടെയും തലക്ക് ആഘാതമേൽക്കാതിരിക്കാനുള്ള കരുതലിലൂടെയും ഒരു പരിധിവരെ സി.പി യെ പ്രതിരോധിക്കാനാവും[1].
ചികിത്സ
[തിരുത്തുക]ചികിത്സകളൊന്നും തന്നെ രോഗത്തെ മാറ്റാനായി നിലവിലില്ല. എന്നാൽ ലക്ഷണങ്ങളെ ചികിത്സിക്കാനുള്ള മരുന്നുകളും സർജറികളും മറ്റു സംവിധാനങ്ങളും (ഫിസിക്കൽ തെറാപ്പി, ഒക്യുപേഷണൽ തെറാപ്പി, സ്പീച്ച് തെറാപ്പി എന്നിവയൊക്കെ) പ്രശ്നം രൂക്ഷമാകാതിരിക്കാനായി ഉപയോഗിക്കപ്പെടുന്നു[1]. ഡയസെപാം, ബാക്ലോഫെൻ, ബോട്ടുലിനം ടോക്സിൻ തുടങ്ങിയ മരുന്നുകൾ പേശികൾ മുറുകുന്നത് അയവ് വരുത്താൻ സഹായിക്കും[1]. പേശികൾ നീട്ടാനും, ഞരമ്പുകൾ ക്രമപ്പെടുത്താനും സർജറികൾ ഉപയോഗിക്കപ്പെടുന്നു. പുറമേയുള്ള ബലപ്പെടുത്താനും മറ്റുമായുള്ള ബ്രേസിങ്, തുടങ്ങിയ സംവിധാനങ്ങളും ഇവരുടെ ജീവിതം എളുപ്പമാക്കാനായി ഉപയോഗിക്കുന്നു. ബദൽ ചികിത്സകളും പലരും പരീക്ഷിക്കുന്നുണ്ടെങ്കിലും ശാസ്ത്രീയമായി അവ തെളിയിക്കപ്പെട്ടിട്ടില്ല.
ചരിത്രം
[തിരുത്തുക]കുട്ടികളിലെ ഏറ്റവും സാധാരണമായ ചലന വൈകല്യമാണ് സെറിബ്രൽ പാൾസി.[6] 10,000 ജനനങ്ങളിൽ 21 കുട്ടികളിൽ സി.പി വരുന്നതായാണ് കണക്കുകൾ കാണിക്കുന്നത്[2]. ബി.സി. അഞ്ചാം നൂറ്റാണ്ടിലെ ഹിപ്പോക്രാറ്റസിന്റെ കൃതികളിലാണ് കണ്ടെത്തിയതിൽ ആദ്യത്തെ സെറിബ്രൽ പാൾസിയെക്കുറിച്ചുള്ള വിവരണങ്ങൾ രേഖപ്പെടുത്തിയിട്ടുള്ളത്[7]. 19-ആം നൂറ്റാണ്ടിൽ വില്യം ജോൺ ലിറ്റിൽ ഈ അവസ്ഥയെക്കുറിച്ചുള്ള വിപുലമായ പഠനം ആരംഭിക്കുകയും, അന്ന് "ലിറ്റിൽസ് രോഗം" എന്ന് ഈ രോഗം വിളിക്കപ്പെടുകയും ചെയ്തു. [7] വില്യം ഓസ്ലർ ആണ് ഇതിന് ആദ്യം "സെറിബ്രൽ പാൾസി" എന്ന് പേരിട്ടത്. ജർമ്മൻ ഭാഷയിൽ നിന്നാണ് ഈ പേര് വന്നത്[8]. സ്റ്റെം സെൽ തെറാപ്പി ഉൾപ്പെടെ നിരവധി ചികിത്സാരീതികൾ ഇന്നും പരീക്ഷണ ഘട്ടത്തിലാണ്[1].
അവലംബം
[തിരുത്തുക]- ↑ 1.00 1.01 1.02 1.03 1.04 1.05 1.06 1.07 1.08 1.09 1.10 1.11 1.12 1.13 1.14 1.15 1.16 1.17 1.18 1.19 1.20 1.21 "Cerebral Palsy: Hope Through Research". National Institute of Neurological Disorders and Stroke. July 2013. Archived from the original on 21 February 2017. Retrieved 21 February 2017.
- ↑ 2.0 2.1 Oskoui, M; Coutinho, F; Dykeman, J; Jetté, N; Pringsheim, T (Jun 2013). "An update on the prevalence of cerebral palsy: a systematic review and meta-analysis". Developmental Medicine & Child Neurology. 55 (6): 509–19. doi:10.1111/dmcn.12080. PMID 23346889.
- ↑ Haak, Peterson; Lenski, Madeleine; Hidecker, Mary Jo Cooley; Li, Min; Paneth, Nigel (October 2009). "Cerebral palsy and aging". Developmental Medicine & Child Neurology (in ഇംഗ്ലീഷ്). 51: 16–23. doi:10.1111/j.1469-8749.2009.03428.x. PMC 4183123. PMID 19740206.
- ↑ "Cerebral Palsy: Overview". National Institutes of Health. Archived from the original on 15 February 2017. Retrieved 21 February 2017.
- ↑ "CEREBRAL PALSY, SPASTIC QUADRIPLEGIC, 1; CPSQ1". Online Mendelian Inheritance in Man. 28 June 2016. Archived from the original on 1 October 2019. Retrieved 26 January 2018.
- ↑ "How many people are affected?". National Institutes of Health. 5 September 2014. Archived from the original on 2 April 2015. Retrieved 4 March 2015.
- ↑ 7.0 7.1 Panteliadis, C; Panteliadis, P; Vassilyadi, F (Apr 2013). "Hallmarks in the history of cerebral palsy: from antiquity to mid-20th century". Brain & Development. 35 (4): 285–92. doi:10.1016/j.braindev.2012.05.003. PMID 22658818.
- ↑ "What is cerebral palsy?". The Cerebral Palsied Association of the Philippines Inc. Archived from the original on 20 December 2016. Retrieved 4 December 2016.