തളിപ്പറമ്പ്
| തളിപ്പറമ്പ് | |
  തളിപ്പറമ്പ്
| |
| 12°02′06″N 75°21′40″E / 12.0351°N 75.3611°E | |
| ഭൂമിശാസ്ത്ര പ്രാധാന്യം | പട്ടണം |
| രാജ്യം | ഇന്ത്യ |
| സംസ്ഥാനം | കേരളം |
| ജില്ല | കണ്ണൂർ |
| ഭരണസ്ഥാപനം(ങ്ങൾ) | നഗരസഭ |
| ചെയർപഴ്സൺ | മുർഷിദ കൊങ്ങായി |
| ' | |
| ' | |
| വിസ്തീർണ്ണം | 18.96ചതുരശ്ര കിലോമീറ്റർ |
| ജനസംഖ്യ | 44,247 |
| ജനസാന്ദ്രത | 2334/ച.കി.മീ |
| കോഡുകൾ • തപാൽ • ടെലിഫോൺ |
670141 +91 460 |
| സമയമേഖല | UTC +5:30 |
| പ്രധാന ആകർഷണങ്ങൾ | തളിപ്പറമ്പ് രാജരാജേശ്വരക്ഷേത്രം, തൃച്ചംബരം ശ്രീകൃഷ്ണ ക്ഷേത്രം, വിസ്മയ പാർക്ക് |
കേരളത്തിൽ കണ്ണൂർ ജില്ലയിലെ ഒരു പ്രധാന പട്ടണമാണ് തളിപ്പറമ്പ. തളിപ്പറമ്പ താലൂക്കിന്റെയും, തളിപ്പറമ്പ റവന്യൂ ഡിവിഷൻ്റെയും, തളിപ്പറമ്പ ബ്ലോക്ക് പഞ്ചായത്തിൻ്റെയും ആസ്ഥാനം കൂടിയാണ് ഈ പട്ടണം. ദേശീയപാത 66 ഈ പട്ടണത്തിലൂടെ കടന്നുപോകുന്നു.
സ്ഥലനാമ ചരിത്രം
[തിരുത്തുക]നമ്പൂതിരിമാർ നിർമ്മിച്ച ക്ഷേത്രങ്ങളാണ് തളി. ഇത്തരത്തിലുള്ള ധാരാളം ക്ഷേത്രങ്ങളുള്ളതിനാലാണ്‌ തളിപ്പറമ്പ് എന്ന പേരു വന്നത്. കേരളോല്പത്തി പ്രകാരമുള്ള ഐതിഹ്യമാലയിൽ പരശുരാമൻ മഴുവെറിഞ്ഞാണ് കേരളം രൂപീകരിച്ചതെന്നും ഗോകർണം മുതൽ കന്യാകുമാരി വരെയുള്ള ഭൂപ്രദേശങ്ങൾ ബ്രാഹ്മണർക്ക് ദാനമായി നൽകിയെന്നും തുടർന്ന് 64 ബ്രാഹ്മണ ഗ്രാമങ്ങളാക്കി തിരിച്ചുവെന്നുമാണ് കരുതപ്പെടുന്നത്. ഇതിൽ 32 തുളു ഗ്രാമങ്ങളും 32 മലയാള ഗ്രാമങ്ങളുമാണ് ഉണ്ടായിരുന്നത്. പെരിഞ്ചെല്ലൂർ 32 മലയാള ഗ്രാമങ്ങളിൽ ഒന്നായിരുന്നു. ബ്രാഹ്മണരുടെ ഏറ്റവും പ്രാചീന ഗ്രാമങ്ങളിലൊന്നായിരുന്ന പെരിഞ്ചെല്ലൂർ മുൻ കോലത്തുനാട്ടിലാണ് ഉൾപ്പെട്ടിരുന്നത്. തളിപ്പറമ്പിന്റെ ആരംഭം പെരിഞ്ചല്ലൂർ ബ്രാഹ്മണ കുടിയേറ്റത്തിൽ നിന്നുമാണ്. ഇവിടെ ആദ്യം കുടിയേറി പാർത്ത 2,000-ത്തോളം ബ്രാഹ്മണ കുടുംബങ്ങളിൽ ഇന്ന് 45 കുടുംബങ്ങളേ ബാക്കിയുള്ളൂ. സമ്പത്സ‌മൃദ്ധിയുടെ കേദാരമായിരുന്ന തളിപ്പറമ്പിന്റെ പഴയ പേര് ‘ലക്ഷ്മിപുരം‘ എന്നായിരുന്നു. ഈ താലൂക്കിൽ ഉൾപ്പെടുന്ന മോറാഴ തുടങ്ങിയ സ്ഥലങ്ങൾക്ക് സ്വാതന്ത്ര്യസമര ചരിത്രത്തിൽ അവിസ്മരണീയമായ സ്ഥാനമാണുള്ളത്.
പ്രധാന ആകർഷണങ്ങൾ
[തിരുത്തുക]ചുറ്റുമുള്ള പട്ടുവം, കുറ്റിക്കോൽ, കരിമ്പം എന്നീ ഗ്രാമങ്ങൾ സുന്ദരമായ നെൽ‌വയലുകളും ചെറിയ കുന്നുകളും നിറഞ്ഞതാണ്. കുപ്പം നദി, വളപട്ടണം നദി എന്നിവ പട്ടണത്തെ നാലു വശത്തുനിന്നും വളയുന്നു. അറബിക്കടൽ പടിഞ്ഞാറ് 14 കിലോമീറ്റർ അകലെയാണ്. കുറ്റ്യേരിയിലെ തൂക്കുപാലവും പറശ്ശിനിക്കടവിലെ നദിക്കരയിലെ സുന്ദരമായ ക്ഷേത്രവും ഒരുപാട് വിനോദസഞ്ചാരികളെ ഇങ്ങോട്ട് ആകർഷിക്കുന്നു. ‘രാജരാജേശ്വര ക്ഷേത്രം‘, തൃച്ചംബരം ക്ഷേത്രം എന്നിവ പ്രശസ്തമായ ആരാധനാലയങ്ങളാണ്. ഇന്ന് തളിപ്പറമ്പിൽ ധാരാളം മുസ്ലീം, ക്രിസ്ത്യൻ മത വിശ്വാസികളും താമസിക്കുന്നുണ്ട്. കണ്ണൂർ സർവ്വകലാശാല, പരിയാരം മെഡിക്കൽ കോളേജ്, സർ സയ്യദ് കോളേജ്, നാഷണൽ ഇൻസ്റ്റിറ്റ്യൂട്ട് ഓഫ് ഫാഷൻ ടെക്നോളജി കണ്ണൂർ(nift) എന്നിവ തളിപ്പറമ്പിനു ചുറ്റുമുള്ള ചില പ്രശസ്ത കലാലയങ്ങളാണ്.
ഗതാഗതം
[തിരുത്തുക]പ്രധാന പാതയായ ദേശീയപാത 66 തളിപ്പറമ്പിനെ വടക്ക് മംഗലാപുരമായും, മുംബൈയുമായും തെക്ക് കൊച്ചിയുമായും തിരുവനന്തപുരമായും ബന്ധിപ്പിച്ചിരിക്കുന്നു. സംസ്ഥാനപാത 36 തളിപ്പറമ്പിനെ മറ്റൊരു പട്ടണമായ ഇരിട്ടിയുമായി ബന്ധിപ്പിക്കുന്നു. ആലക്കോട്, ചപ്പാരപ്പടവ് റോഡുകൾ വഴി കിഴക്കൻ മലയോര പ്രദേശങ്ങളെയും ബന്ധിപ്പിച്ചിരിക്കുന്നു.
തളിപ്പറമ്പ് റെയിൽമാർഗമില്ല. ഏറ്റവും അടുത്തുള്ള റെയിൽവേ സ്റ്റേഷനുകൾ യഥാക്രമം 12, 14 കിലോമീറ്റർ അകലെയുള്ള കണ്ണപുരം, പഴയങ്ങാടി എന്നിവയാണ്. 22 കിലോമീറ്റർ അകലെയുള്ള കണ്ണൂരാണ് സമീപമുള്ള പ്രധാന റെയിൽവേ സ്റ്റേഷൻ.
37 കിലോമീറ്റർ അകലെയുള്ള കണ്ണൂർ വിമാനത്താവളമാണ് ഏറ്റവും അടുത്തുള്ള അന്താരാഷ്ട്ര വിമാനത്താവളം.
ആരാധനാലയങ്ങൾ
[തിരുത്തുക]തളിപ്പറമ്പിൽ ധാരാളം ക്രിസ്ത്യൻ പള്ളികളും മോസ്കുകളും ക്ഷേത്രങ്ങളും ഉണ്ട്.
രാജരാജേശ്വര ക്ഷേത്രം
[തിരുത്തുക]തളിപ്പറമ്പിലെ ഒരു പ്രധാന ക്ഷേത്രമാണ് രാജരാജേശ്വര ക്ഷേത്രം. ശിവനാണ് ഇവിടത്തെ പ്രധാന പ്രതിഷ്ഠ. ഈ പുരാതനക്ഷേത്രം പുനരുദ്ധരിച്ചത് പരശുരാമനാണെന്നാണ് ഐതിഹ്യം. ക്ഷേത്രത്തിനു തൊട്ടടുത്തായി നൂറ്റാണ്ടുകൾ പഴക്കമുള്ള തൃച്ചംബരം ശ്രീകൃഷ്ണ ക്ഷേത്രവുമുണ്ട്. രാജരാജേശ്വര ക്ഷേത്രത്തിലെ ഒരു മാസം നീണ്ടു നിൽക്കുന്ന ഉത്സവത്തിന് ആയിരക്കണക്കിനു ഭക്തജനങ്ങൾ ഒത്തുചേരുന്നു. ചെല്ലൂർനാഥൻ എന്നുകൂടി പേരുള്ള ഇവിടെത്തെ ദേവനെപ്പറ്റിയുള്ളതാണ് ചെല്ലൂർ നാഥോദയം ചമ്പു.
തൃച്ചംബരം ക്ഷേത്രം
[തിരുത്തുക]തളിപ്പറമ്പ് പട്ടണത്തിൽ നിന്ന് 1 കിലോമീറ്റർ അകലെയാണ് തൃച്ചംബരം ശ്രീകൃഷ്ണ ക്ഷേത്രം. ഇവിടത്തെ പ്രതിഷ്ഠ ശ്രീകൃഷ്ണനാണ്. ഈ ക്ഷേത്രത്തിന്റെ മതിലുകളെ അലങ്കരിക്കുന്ന വിഗ്രഹങ്ങളും കൽ‌പ്രതിമകളും പുരാതനവും മനോഹരവുമാണ്. ക്ഷേത്രത്തിലെ എല്ലാ വർഷവുമുള്ള ഉത്സവവും പ്രശസ്തമാണ്. രണ്ട് ആഴ്ച നീണ്ടുനിൽക്കുന്ന ഉത്സവം കുംഭമാസം 22-നു ആണ്. (സാധാരണയായി മാർച്ച് 6-നു). ഉത്സവം കൊടിയേറ്റത്തോടെ തുടങ്ങുന്നു. മീനം 6-നു (സാധാരണയായി മാർച്ച് 20-നു) കൂടിപ്പിരിയലോടെ ഉത്സവം സമാപിക്കുന്നു. ഇതിനിടയ്ക്കുള്ള 11 ദിവസങ്ങളിൽ ശ്രീകൃഷ്ണന്റെയും ബലരാമന്റെയും തിടമ്പുകളേന്തിയ തിടമ്പു നൃത്തം തൃച്ചംബരം ക്ഷേത്രത്തിനു 1 കി.മീ അകലെയുള്ള പൂക്കോത്ത് നടയിലും ക്ഷേത്ര തിരുമുററത്തുമായി നടക്കുന്നു.
തളിപ്പറമ്പ് ജുമാ മസ്ജിദ്
[തിരുത്തുക]തളിപ്പറമ്പ് പട്ടണത്തിൽ തന്നെയാണ് ഈ പുരാതനമായ മുസ്ലിം ആരാധനാലയം തളിപ്പറമ്പിലെ തന്നെ ഏറ്റവും വലിയ പുരാതന മായാ മസ്ജിദ് കൂടിയാണ് ഇത്.
പെരിഞ്ചലുർ' എന്നാണ് തളിപ്പറമ്പിന്റെ പഴയകലാ പേര്. കണ്ടെടുത്ത കൃതികളിലും രേഖകളിലും കാണപ്പെടുന്നത് അങ്ങനെയാണ്. ചെല്ലൂർ. ലക്ഷ്മിപുരം, കോട്ടംപുരം എന്നി പേരിലും അറിയപ്പെട്ടിരുന്നു.
മലയാള ബ്രാഹ്മണരുടെ ആരൂഢമായി കണക്കാക്കുന്ന പെരിഞ്ചലുരിൽ ശിവ ഭക്തരായ ബ്രാഹ്മണർ മാത്രമായിരുന്നു ആദ്യകാല നിവാസികൾ.
അങ്ങനെയിരിക്കെ 1320 - ൽ ചിങ്ങം മാസം ആരംഭത്തിൽ പെരിഞ്ചലുർ നാട്ടുരാജ്യത്ത് മാരകമായ പകർച്ചവ്യാധി പടർന്ന് പിടിക്കുകയും അന്നത്തെ രാജാവിന്റെ അടുത്ത ബന്ധുമിത്രാദികളിൽ പെട്ട പലരും മരിക്കുകയും ചെയ്തു. പലവിധ ചികിത്സാ രീതികൾ പ്രയോഗിച്ചിട്ടും രോഗമശമനം ഉണ്ടായില്ല. ഇതിനെ തുടർന്ന് മംഗലപുരത്തിൽ നിന്നും കൊണ്ടുവന്ന ദോഷപരിഹാര അംഗം പ്രശ്‌നം വെക്കുകയും പ്രശ്നാപരിഹാരത്തിനായി സൂഫി പാരമ്പര്യം ഉള്ള കലന്തരുമായി ( സൈനുദ്ദീൻ മഖ്ദുമിന്റെ ശിഷ്യന്മാരെയായിരുന്നു 'കലന്തൻ' എന്ന പേർഷ്യൻ നാമത്തിൽ അറിയപ്പെട്ടിരുന്നത്. വൈദ്യവും അതുഭുത സിദ്ധിയും കൊണ്ട് പ്രശസ്തരായവരാണ് കലന്തൻമാര് ) വേരുള്ള മുഹമ്മദിയരെയുടെ അഥവാ മുസ്ലിങ്ങളുടെ
സഹായം തേടണം എന്ന നിർദേശം വെക്കുകയും ചെയ്തു. അത് അനുസരിച്ചു രാജാവിന്റെ അനുയായികൾ ധർമ്മടത്ത് നിന്നും നാല് മുസ്ലിം കുടുംബങ്ങളെ ധരാളം പണവും ഭൂമിയും മറ്റുഎല്ലാവിധ സഹായങ്ങളും ചെയിതു കൊടുത്ത് കൊണ്ടുവരികയും ചെയിതു. ഇതിൽ യമനിൽ നിന്നും വന്നിരുന്ന തങ്ങൾ കുടുബവും ഉണ്ടായിരുന്നു. കലന്തരുടെ പാരമ്പര്യത്തിൽ വേരുള്ള ഈ കുടുംബങ്ങലാണത്രെ പെരിഞ്ചലുർ ഗ്രാമത്തെ മാറാവ്യാദിയിൽ നിന്നും രക്ഷിച്ചത്. പെരിഞ്ചലുരിന്റെ എല്ലാവിധ ഐശ്വര്യത്തിനും നിമിത്തമായത് ധർമ്മടത്ത് നിന്നും കൊണ്ടുവന്ന മുസ്ലിങ്ങളാണ് എന്ന് ഹൈന്ദവസമൂഹം ഉറച്ചു വിശ്വസിക്കുകയും അവരുമായി നല്ല ബന്ധം കാത്തുസൂക്ഷിക്കുകയൂം ചെയിതു പോരുന്നു.
ധർമ്മടത്ത് നിന്നും വന്ന നാല് കുടുംബങ്ങൾ നിർമിച്ചതാണ് തളിപ്പറമ്പ് ജുമാ മസ്ജിദ്
തളിപ്പറമ്പ് പ്രദേശവാസികളുടെ മക്കയാണ് തളിപ്പറമ്പ വലിയ ജമാഹത്ത് പള്ളി
ഇ പള്ളിയുടെ ചുറ്റുമായാണ് തളിപ്പറമ്പ നഗരം വളർന്ന് പന്തലിച്ചത്.
ഏതാണ്ട് 1302 കാലഘട്ടത്തിൽ തന്നെയാണ് പള്ളി നിർമിച്ചിരിക്കുന്നത്. അതിന്റെ ചുറ്റുമായാണ് നാല് കുടുംബങ്ങൾ താമസിച്ചതും ഉപജീവനമാർഗം കണ്ടെത്തിയതും. പിന്നീട് വർഷങ്ങൾ കഴിഞ്ഞു ആണ് 1817 -ൽ പള്ളി പഴയ ശൈലിയി തന്നെ നിലനിർത്തി പുതുക്കി പണിതു. നാല് തറവാട്ട് കാരണവർമാരാണ് 1932 വരെ പള്ളി ഭരിച്ചിരുന്നത്.
വിദ്യാഭ്യാസ സ്ഥാപനങ്ങൾ
[തിരുത്തുക]- അൽ മഖർ ഇംഗ്ലീഷ് മീഡിയം സ്കൂൾ
- ഗവൺമെന്റ് മാപ്പിള യു.പി സ്കൂൾ
- കണ്ണൂർ സർവ്വകലാശാല
- ഗവൺമെന്റ് എഞ്ചിനീയറിംഗ് കോളേജ്, കണ്ണൂർ
- നാഷണൽ ഇൻസ്റ്റിറ്റ്യൂട്ട് ഓഫ് ഫാഷൻ ടെക്നോളജി കണ്ണൂർ
- പരിയാരം മെഡിക്കൽ കോളേജ്
- പരിയാരം ആയുർവേദ മെഡിക്കൽ കോളെജ്
- എംവിആർ ആയുർവേദ മെഡിക്കൽ കോളെജ്, പറശ്ശിനിക്കടവ്
- സീതി സാഹിബ് ഹയർ സെക്കണ്ടറി സ്കൂൾ തളിപ്പറമ്പ
- സർ സയ്യിദ് കോളേജ്, തളിപ്പറമ്പ്
- കേന്ദ്രീയ വിദ്യാലയം, കെൽട്രോൺ നഗർ
- ചിന്മയ വിദ്യാലയ, തളിപ്പറമ്പ്
- ഡയമണ്ട് റേയ്സ് ഇംഗ്ലീഷ് മീഡിയം ഹൈസ്കൂൾ, മുരിയത്തോട്
- മൂത്തേടത്ത് ഹൈസ്കൂൾ, തളിപ്പറമ്പ്
- ടാഗോർ വിദ്യാനികേതൻ ഹയ്യർ സെക്കന്ററി സ്കൂൾ, തളിപ്പറമ്പ്
- കുറുമാത്തൂർ വൊക്കേഷണൽ ഹയർ സെക്കൻററി സ്കൂൾ
- അക്കിപ്പറമ്പ U P സ്കൂൾ
- അൽ ഹിദായ അറബിക് കോളേജ് മന്ന
ഗവേഷണ സ്ഥാപനങ്ങൾ
[തിരുത്തുക]1905-ൽ സ്ഥാപിതമായ കാർഷിക ഗവേഷണ കേന്ദ്രം തളിപ്പറമ്പിനടുത്തുള്ള പന്നിയൂരിൽ സ്ഥിതി ചെയ്യുന്നു.
ചിത്രശാല
[തിരുത്തുക]-
കാഞ്ഞിരങ്ങാട് വൈദ്യനാഥ ക്ഷേത്രം, തളിപ്പറമ്പ് -
തളിപ്പറമ്പ് മാർക്കറ്റിനടുത്തുള്ള ജുമാമസ്ജിദ് -
തൃച്ചംബരത്തെ ആൽമരം -
തളിപ്പറമ്പ് മാർക്കറ്റ് -
സീതി സാഹിബ് ഹയർ സെക്കന്ററി സ്കൂൾ, മാർക്കറ്റ് റോഡ്
ഇതും കാണുക
[തിരുത്തുക]തിരുവിതാംകൂറിൽനിന്ന് കുടിയേറിയവർ താലൂക്കിലെ മലയോരപ്രദേശങ്ങളിലെ കാടുകൾ ഒന്നാംതരം കൃഷിഭൂമിയാക്കി മാറ്റി. കൃഷിയാണ് പ്രധാനപ്പെട്ട ജീവിതവൃത്തി. റബ്ബർ, കുരുമുളക്, ഇഞ്ചിപ്പുല്ല്, ഇഞ്ചി, കശുവണ്ടി, നെല്ല്, നാളികേരം, അടയ്ക്ക എന്നിവയാണ് മുഖ്യ കാർഷികോത്പന്നങ്ങൾ
- ചെമ്പന്തൊട്ടി
- രാജരാജേശ്വര ക്ഷേത്രം
- പറശ്ശിനിക്കടവ്
- പറശ്ശിനിക്കടവ് ക��ഷേത്രം
- പടവിൽ ശ്രീ മുത്തപ്പൻ മടപ്പുര
- മുത്തപ്പൻ ക്ഷേത്രം
- കുന്നത്തൂർ പാടി
- ഉദയഗിരി
- കുപ്പം പുഴ
- ചെങ്ങളായി
- ചപ്പാരപ്പടവ്
- തൃച്ചംബരം ക്ഷേത്രം
- കുണ്ടത്തിൽ കാവ് പുതിയ ഭഗവതി ക്ഷേത്രം കരിമ്പം
പുറത്തുനിന്നുള്ള കണ്ണികൾ
[തിരുത്തുക]
|
കണ്ണൂർ ജില്ലയുടെ ഭൂമിശാസ്ത്രവുമായി ബന്ധപ്പെട്ട ഈ ലേഖനം അപൂർണ്ണമാണ്‌. ഇതു വികസിപ്പിക്കുവാൻ സഹായിക്കുക. |