Халберштат

Халберштат бил епископско седиште во 814 и бил популарно трговска место во XIII и XIV век. Халберштатската Архиепископија била секуларизирана во 1648 година, според Вестфалскиот мир и станала Кнежевство Халберштат, во рамките на Бранденбург-Прусија.

Халберштат станал дел од Кралството Прусија во 1701, но станало дел од Кралството Вестфалија, земја под влијание на Наполеон во 1807. По поразот на Наполеон, градот бил вратен на Прусија, а потоа администриран во рамките на Провинцијата Саксонија. Градот станал дел од Саксонија-Анхалт од 1945 до 1952, потоа бил во рамките на Округ Магдебург во Источна Германија. По повторното обединување на Германија, Халберштат станал дел од обновената Саксонија-Анхалт.

Изведбата на музичкиот дел за оргули As Slow As Possible на Џон Кејџ започна во Бурхардикирхе во Халберштат во септември 2001; изведбата се очекува да трае 639 години. Концертот започнал на 5 септември 2001 година со пауза во изминативе 17 месеци. Во деновите кога се менуваат звуците, црквата обично е многу посетена.

Во 17 век, Халберштат ја имал една од најголемите еврејски заедници во Средна Европа. Во тоа време, скоро една дваесеттина од градските жители, скоро 700 луѓе, биле Евреи. Познат меѓу нив бил Беренд Леман.

Еден пример од работата на Леман е импресивната синагога, која ја финансирал во Бакенштрасе, која е завршена во 1712 година. Во 1938, по кристалната ноќ, повеќето згради биле уништени од нападот, а оние што преостанале биле во опасност од колабирање.

На кратко растојание од синагогата, во алеата Розенвинкел, Леман исто така изградил куќа за студентите по Јудаизам, со збирка на теолошки текстови. Оваа зграда, позната како „Клаус“, била местото каде што многу важни студенти на Талмуд и како рабини биле подучувани. „Клаус“ му дал Халберштат углед на важен центар во изучувањето на Тората. Денес, Академијата Мозес Менделсон е основана тука; се организираат изложби, конгреси и презентации и обезбедува широк опсег на информации околу еврејската култура и начин на живот.

• Каспар Абел - теолог, историчар и поет
• Јохан Кристијан Јозеф Абс - учител и училиштен раководител
• Мартин Борман - приватен секретар на Адолф Хитлер
• Лили Браун - феминистичка писателка
• Вибке Брунс - новинар и автор, автор на „Земјата на мојот татко“
• Готфрид Август Биргер - поет
• Јохан Августус Еберхард - теолог и филозоф
• Јохан Вилхелм Лудвиг Глајм - поет
• Адалберт Хамбу��шки - архиепископ на Хамбург-Бремен
• Фердинанд Хајне - орнитологист
• Азриел Хилдесхајмер - рабин
• Густаф Едуард фон Хиндерзин - генерал
• Јохан Георг Јакоби - поет
• Израел Јакобсон - филантропист и татко на Реформираниот Јудаизам
• Александер Клуге - филмски режисер и автор
• Исахар Беренд Леман - банкар
• Паул Лорентиус - теолог
• Џорџ Милер - христијански евангелист и администратор на сиропиталиште
• Адолф Ројбке - градител
• Јирген Шпарвасер - фудбалер и менаџер
• Адолф Штекер - теолог и политичар
• Валтер Вислиценус - астроном

Халберштат е збратимен со:

•   Банска Бистрица, Словачка
•   Волфсбург, Германија
•   Наход, Чешка
•   Вилар, Лоара, Франција

•  
  Поглед кон Халберштат
•  
  Стариот град 1985 година, куќите биле оставени да се распаднат за време на ерата на ГДР
•  
  Музеј во Халберштат

• Академија Мозез Менделсон Архивирано на 26 март 2013 г.
• Службена страница