Антигуа және Барбуда

	Антигуа және Барбуда; ағылш. Antigua and Barbuda
Байрақ	Елтаңба
	Ұран: «Each Endeavouring, All Achieving»; «Талпынатын, барлығына қол жеткізетін»
	Әнұран: «Fair Antigua, We Salute Thee» (тыңдау (ақп.))
Тарихы
Тәуелсіздік күні	1 қараша 1981 жыл (Британ империясынан)
Мемлекеттік құрылымы
Ресми тілі	ағылшын тілі
Елорда	Сент-Джонс
Ірі қаласы	Сент-Джонс
Үкімет түрі	Унитарлы парламенттік конституциялық монархия
Патшасы; Генерал-губернаторы; Премьер-министрі	III Чарльз; Родни Уильямс; Гастон Браун
Мемлекеттік діні	зайырлы мемлекет
Географиясы
Жер аумағы; • Барлығы	Әлем бойынша 182 орын; 440 км²
Жұрты; • Сарап (2016); • Санақ (2011); • Тығыздығы	; 100 963 адам (199); 81 799 адам; 186 адам/км²
Экономикасы
ЖІӨ (АҚТ); • Қорытынды (2019) ; • Жан басына шаққанда	; 2,731 млрд. $; 29,298 $
ЖІӨ (номинал); • Қорытынды (2019); • Жан басына шаққанда	; 1,717 млрд. $; 18,416 $
АДИ (2018)	▲ 0,780 (жоғары) (70)
Этнохороним	Мемлекет және Антигуа аралы туралы болса антигуалықтар, Барбуда аралы туралы болса барбудалықтар
Валютасы	Шығыс кариб доллары
Қосымша мәліметтер
Интернет үйшігі	.ag
ISO коды	ATG
ХОК коды	ANT
Телефон коды	+1-268
Уақыт белдеулері	-4

Координаттар: 17°05′00″ с. е. 61°48′00″ б. б. / 17.08333° с. е. 61.80000° б. б. ^(G) ^(O) ^(Я)

Антигуа және Барбуда (ағылш. Antigua and Barbuda [ænˌtiː.ɡə ænd bɑːˈbjuː.də]) — Орталық Америкадағы мемлекет. Аумағы Кариб теңізінің шығыс бөлігіндегі Кіші Антиль архипелагының Антигуа, Барбуда және Редонда аралдарын қамтиды. Жер көлемі 442,6 км², халқы 81,4 мың адам (1994).

Мемлекеттік құрылысы — британ үлгісіндегі парламенті бар конституциялық монархия. Үкімет басшысы — премьер-министр. БҰҰ-ның және Ұлттар Достастығының мүшесі. Астанасы және негізгі порты — Сент-Джонс, онда 36 мың адам (1994) тұрады. Антигуа және Барбуда халқы негізінен арғы тегі африкалық зәңгілерден құралған.

Діни сенімі жағынан көпшілігі — протестанттар. Ресми тілі — ағылшын тілі.

Аралдардың климаты тропиктік, пассаттық. Жауын-шашынның орташа жылдық мөлшері 1000-1500 мм. Ұлттық табыс көзі — қант құрағы мен мақта өсіру және туризм. Оңтүстігінде жиһаз, тоқыма, тұрмысқа қажетті электротехникалық бұйымдарын шығару ісі дамыған.

Тарихы

Антигуа аралын 1493 ж. Х.Колумб ашып, әуелі Испанияның, 1632 жылдан бастап Ұлыбританияның отарына айналды.

1940 ж. Англия аралдардың біраз бөлігін әскери-әуе және әскери-теңіз базасы етіп пайдалану үшін 99 жыл мерзімге АҚШ-қа берді. 1977 ж. Антигуа және Барбуда елдегі соғыс базаларын сақтау туралы АҚШ-пен келісімге қол қойды.

1967 ж. “Ұлыбританиямен ассоциацияланған мемлекет” статусын алды. 1974 жылдан Кариб қоғамдастығына мүше. 1981 ж. қарашаның 1-інде Антигуа және Барбуда тәуелсіз мемл. болып жарияланды.

Экономикасы

Антигуа және Барбудада қант құрағы мен мақта өсіріліп, шетке шығарылады. Ұлттық табыстың негізгі көзі — туризм. Басты порты Сент-Джонс ел экон-сының кәсіпкершілік орталығы болып саналады.