Анастас Иванович Микоян

Анастас Микоян Иванович (Mikoyan Anastas Ivanovich) (25 қараша 1895, Санаин, Армения – 25 қазан 1978, Мәскеу) — кеңестік партия және мемлекет, қоғам қайраткері. 1915 жылы РСДЖП-на кіреді, большевик^[1]. Кавказда революция жүргізуге қатысқан. 1923 жылы И. В. Сталиннің қолдауымен БКП (б) ОК мүшесі болады. 1926 жылы КСРО-ның ішкі және сыртқы саудасының халық комиссары, 1930 жылдан бастап Халық комиссариатының жабдықтаушысы, 1934-1938 жылдары халық комиссиариатының тамақ өнеркәсібінің комиссары болады. 1935 жылы ЦК саяси бюросының мүшесі, 1937-1955 жылдары КСРО ХКК төрағасының орынбасары (1946 жылдан бастап министрлер кеңесінің), ал 1938-1949 жылдары халық комиссары, кейін cыртқы сауда министрі қызметін атқарады. Н.С.Хрущевті қолдап, оның жақын кеңесшісі болады.

1955-1965 жылдары КСРО совет министрінің төрағасының бірінші орынбасары, 1964-1965 жылдары КСРО Жоғарғы Совет президиумының төрағасы болады. 1923-1966 жылдары КОКП ОК мүшесі (1922 жылдан кандидат). 1966 жылы КОКП ОК саяси бюросынан шығарылады (1935‐1966 жылдары Саяси бюро мүшесі болған, 1926 жылдан кандидат)^[2]. 1—8 сайл. СССР Жоғ. Советінің депутаты.

Микоян 1931 ж. қаңтардың бас кезінде Қазақстанда болды. 21 январьда Алматыда «Жеті жыл Ленин жолымен» деген тақырыпқа баяндама жасады. 1946 жылы болып Микоян Қазақстанда ауыл шаруашылығын өрге бастыру мәселерімен шұғылданды. 5 рет Ленин орденімен т. б. орден, медальдармен марапатталған. Мәскеуде Новодевичий зиратында жерленген^[3].