Sigurður Ingi Jóhannsson

Sigurður Ingi Jóhannsson (f. 20. apríl 1962) er þingmaður og formaður Framsóknarflokksins. Hann er leiðtogi Framsóknarmanna í Suðurkjördæmi. Hann var sjávarútvegs- og landbúnaðarráðherra frá 2013 til 2016, umhverfisráðherra frá 2013 til 2014, forsætisráðherra Íslands frá 2016 til 2017 og innviðaráðherra frá 2017 til 2024.^[1]

Sigurður Ingi Jóhannsson
Sigurður Ingi árið 2021.
Fjármálaráðherra Íslands
Í embætti 10. apríl 2024 – 21. desember 2024
Forsætisráðherra	Bjarni Benediktsson
Forveri	Þórdís Kolbrún Reykfjörð Gylfadóttir
Eftirmaður	Daði Már Kristófersson
Innviðaráðherra
Í embætti 16. október 2024 – 21. desember 2024
Forsætisráðherra	Bjarni Benediktsson
Forveri	Svandís Svavarsdóttir
Eftirmaður	Eyjólfur Ármannsson (samgöngu- og sveitarstjórnarráðherra)
Í embætti 28. nóvember 2021 – 10. apríl 2024
Forsætisráðherra	Katrín Jakobsdóttir
Forveri	Hann sjálfur (samgöngu- og sveitarstjórnarráðherra)
Eftirmaður	Svandís Svavarsdóttir
Samgöngu- og sveitarstjórnarráðherra
Í embætti 30. nóvember 2017 – 28. nóvember 2021
Forsætisráðherra	Katrín Jakobsdóttir
Forveri	Jón Gunnarsson
Eftirmaður	Hann sjálfur (innviðaráðherra)
Forsætisráðherra Íslands
Í embætti 7. apríl 2016 – 11. janúar 2017
Forseti	Ólafur Ragnar Grímsson Guðni Th. Jóhannesson
Forveri	Sigmundur Davíð Gunnlaugsson
Eftirmaður	Bjarni Benediktsson
Sjávarútvegs- og landbúnaðarráðherra
Í embætti 23. maí 2013 – 7. apríl 2016
Forsætisráðherra	Sigmundur Davíð Gunnlaugsson
Forveri	Steingrímur J. Sigfússon
Eftirmaður	Gunnar Bragi Sveinsson
Umhverfis- og auðlindaráðherra
Í embætti 23. maí 2013 – 31. desember 2014
Forsætisráðherra	Sigmundur Davíð Gunnlaugsson
Forveri	Svandís Svavarsdóttir
Eftirmaður	Sigrún Magnúsdóttir
Formaður Framsóknarflokksins
Núverandi
Tók við embætti 2. október 2016
Forveri	Sigmundur Davíð Gunnlaugsson
Alþingismaður
frá  kjördæmi    þingflokkur 2009  Suður  Framsóknarfl.
Persónulegar upplýsingar
Fæddur	20. apríl 1962 (1962-04-20) (62 ára) Selfossi, Íslandi
Stjórnmálaflokkur	Framsóknarflokkurinn
Maki	Ingibjörg Elsa Ingjaldsdóttir
Börn	5
Háskóli	Konunglegi dýralækna- og landbúnaðarháskólinn í Kaupmannahöfn
Starf	Dýralæknir, bóndi, stjórnmálamaður
Æviágrip á vef Alþingis

Sigurður Ingi lauk stúdentsprófi frá Menntaskólanum að Laugarvatni árið 1982 og tók embættispróf í dýralækningum frá Konunglega dýralækna- og landbúnaðarháskólanum í Kaupmannahöfn. Hann fékk almennt dýralæknaleyfi í Danmörku árið 1989 og á Íslandi árið1990.

Sigurður Ingi var varaformaður Framsóknarflokksins frá 2013 til 2016. Sigurður Ingi var landbúnaðar- og sjávarútvegsráðherra 2013-2016, umhverfisráðherra 2013-2014 og gegnd embætti forsætisráðherra frá apríl 2016, er hann tók við embættinu við afsögn Sigmundar Davíðs Gunnlaugssonar eftir Wintris-málið svonefnda, eftir birtingu Panama-skjalanna fram yfir alþingiskosningar 2016 og baðst lausnar fyrir sig og ráðuneyti sitt 30. október 2016 en gengdi embættinu til 11. janúar 2017.

Sigurður Ingi var kjörinn formaður Framsóknarflokksins 2. október 2016 með 52,6% atkvæða í baráttunni um embættið við Sigmund Davíð.

Sigurður Ingi sat í þingmannanefnd sem fjallaði um skýrslu Rannsóknarnefndar Alþingis 2009-2010.