Փոլ Ջամատի

Փոլ Ջամատի; անգլ.՝ Paul Giamatti
Ծնվել է	հունիսի 6, 1967 (57 տարեկան)
Ծննդավայր	Նյու Հեյվեն
Կրթություն	Եյլի դրամայի դպրոց, Չոութ Ռոզմարի Հոլ, Բրիտանաամերիկյան դրամատիկական ակադեմիա և Pierson College?
Քաղաքացիություն	ԱՄՆ
Կրոն	աթեիզմ
Մասնագիտություն	կինոդերասան, բնավորության դերասան, թատրոնի դերասան, հեռուստատեսային դերասան և հնչյունավորող
Ծնողներ	հայր՝ A. Bartlett Giamatti?
Ամուսին(ներ)	Elizabeth Giamatti?
Երեխա(ներ)	Sam Giamatti?
Պարգևներ և մրցանակներ	Indiana Film Journalists Association Award for Best Actor? Էմմի մրցանակ մինի-սերիալում կամ ֆիլմում լավագույն տղամարդու դերակատարման համար և «Ոսկե գլոբուս» լավագույն դերասանի համար (կատակերգություն կամ մյուզիքլ)

Փոլ Էդուարդ Վալենտայն Ջամատի (անգլ.՝ Paul Edward Valentine Giamatti, հունիսի 6, 1967(1967-06-06)^[1]^[2]^[3], Նյու Հեյվեն), ամերիկացի դերասան, պրոդյուսեր։ Հանդիսատեսին հայտնի է «Մեծ մայրիկի տունը», «Իլյուզիանիստը» և «Ֆրեդ Կլաուս՝ Սանտայի եղբայրը» ֆիլմերից։

Վաղ տարիներ

Ջամատին ծնվել է Ամերիկայի Միացյալ Նահանգների Կոնեկտիկուտ նահանգի Նյու-Հեյվեն քաղաքում։ Նրա հայրը՝ Անժելո Բարտլեթ Ջամատին, Յեյլի համալսարանի պրոֆեսոր էր, այնուհետև դարձել է Բեյսբոլի բարձրագույն լիգայի նախագահ և անդամ։ Մայրը` Թոնի Մերիլին (ծնվել է Սմիթում), եղել է տնային տնտեսուհի և անգլերենի ուսուցիչ Հոպկինսի համալսարանում^[5]։ Ջամատտիի մայրը Իռլանդիայի ներգաղթյալների ընտանիքից է, նրա հորական պապն ունի իտալական արմատներ, իսկ հորական տատի` Մարիա Քլեյբո Ուոլտոնի ընտանիքը եղել է Նոր Անգլիայից^[6]։

Ջամատին իր ընտանիքի երեք երեխաներից ամենակրտսերն է։ Նրա եղբայրը` Մարկուսը, նույնպես դերասան է, իսկ քույրը Ելենան՝ դիզայներ։ Նա սովորել է «Ֆութ» դպրոցում և 1985 թվականին ավարտել է Շոեք Ռոզմարերի դպրոցը։ Նա սովորել է Եյլի համալսարանում, որտեղ ընտրվել է «Գանգ և ոսկորներ» գաղտնի հասարակական կազմակերպության անդամ, բացի այդ՝ ակտիվ մասնակցություն է ունեցել համալսարանի թատրոնում՝ խաղալով Եյլի այլ ուսանողների՝ այժմ հայտնի դերասաններ Ռոն Լիվինգթոնի և Էդվարդ Նորտոնի հետ։ Ավարտել է Եյլի համալսարանը՝ ստանալով անգլերենի բակալավրի աստիճան 1989 թվականին։ Դրանից հետո Ջամատին ընդունվել է Եյլի թատերական դպրոց, որտեղ ստացել է մագիստրոսի աստիճան։ Խաղացել է տարբեր թատերական ներկայացումներում (այդ թվում նաև Բրոդվեյում) նախքան սկսելը կատարել փոքր դերեր ֆիլմերում և թատրերական ներկայացումներում 1990-ական թվականներին։

Կարիերա

Առաջին իսկապես մեծ դերը Ջամատին ստացել է Հովարդ Սթերնի գրքի հիման վրա նկարահանված «Մարմնի մասերը» ֆիլմում, որտեղ նա հանդես է եկել Սթրենի գլխավոր հակառակորդ և WNBC-ի ծրագրերի ղեկավար Քեննի Ռաշտոնի դերում։ Սթերնը բարձր է գնահատել իր խաղը՝ կոչ անելով Ջամատիին առաջադրել Օսկարի Լավագույն դերասան անվանակարգում։ Նա հանդես է եկել երկրորդական դերերով այնպիսի ֆիլմերում, ինչպիսիք են՝ «Թրումանի շոուն», «Փրկել շարքային Ռայանին» և «Բանակցողը» (բոլորը՝ 1998): 1999 թվականին նա մարմնավորել է Բոբ Զմուդին և Թոնի Քլիթթոնին Անդե Կաուֆմանի մասին պատմող «Լուսնի մարդը» ֆիլմում։ Ջամատին շարունակում է մասնակցել կինոստուդիայի հիմնական թողարկումներին, այդ թվում` «Մեծ մայրիկի տունը» (2000), «Կապիկների մոլորակը» (2001) և «Մեծ ճարպոտ ստախոսը» ֆիլմերը։

Առաջին անգամ կինոքննադատները նկատել են Ջամատին 2003 թվականի «Ամերիկյան շքեղություն» ֆիլմում գլխավոր դերը կատարելուց հետո, սակայն 2004 թվականին համընդհանուր ճանաչում է ստացել քննադատների, հանդիսատեսի և դերասանների շրջանում «Ճամփեզրին» ողբերգական ֆիլմից հետո։ Կալիֆոռնիայի գինեգործական շրջաններով ճանապարհորդության մեկնած դեպրեսիայի մեջ ընկած գրողի դերի համար նա ստացել է «Ոսկե գլոբուս» և «Անկախ Հոգի» մրցանակ։ «Ճամփեզրին» ֆիլմի հաջողությունից հետո Ջամատին նկարահանվել է «Մոխրոտիկ տղամարդ» սպորտային դրամայում, որի համար նա ստացել է «Օսկար» մրցանակ «Երկրորդ պլանի տղամարդու լավագույն դերակատարում» անվանակարգում։ Այս դերի համար նա նույնպես առաջադրվել է «Ոսկե գլոբուսի» և արժանացել «Երկրորդ պլանի տղամարդու լավագույն դերակատարում» անվանակարգում Միացյալ Նահանգների կինոդերասանների գիլդիայի մրցանակին։

Ծանոթագրություններ

↑ ^1,0 ^1,1 Internet Broadway Database — 2000.
↑ ^2,0 ^2,1 Discogs — 2000.
↑ ^3,0 ^3,1 Munzinger Personen (գերմ.)
↑ Moreau J. Golden Globes 2024 Complete Winners List: ‘Oppenheimer’ Leads With Five Wins, ‘Succession’ Tops TV With Four — 2024.
↑ Pringle, Gill (2007 թ․ նոյեմբերի 27). «Paul Giamatti: Mr Potato face». London: The Independent. Արխիվացված է օրիգինալից 2007 թ․ նոյեմբերի 28-ին. Վերցված է 2007 թ․ նոյեմբերի 27-ին.
↑ Reston, James (1997). Collision at Home Plate: The Lives of Pete Rose and Bart Giamatti. Nebraska: U of Nebraska Press. էջեր 15–16. ISBN 0803289642.

Վիքիպահեստն ունի նյութեր, որոնք վերաբերում են «Փոլ Ջամատի» հոդվածին։

[_ef6b146a79a485de-1] 1,0 ^1,1 Internet Broadway Database — 2000.

[_f5b4b3d263e96a40-2] 2,0 ^2,1 Discogs — 2000.

[_36f3c2ae69ae5bf1-3] 3,0 ^3,1 Munzinger Personen (գերմ.)

[_1654611017fcd7e5-4] Moreau J. Golden Globes 2024 Complete Winners List: ‘Oppenheimer’ Leads With Five Wins, ‘Succession’ Tops TV With Four — 2024.

[mother-5] Pringle, Gill (2007 թ․ նոյեմբերի 27). «Paul Giamatti: Mr Potato face». London: The Independent. Արխիվացված է օրիգինալից 2007 թ․ նոյեմբերի 28-ին. Վերցված է 2007 թ․ նոյեմբերի 27-ին.

[Giamatti1-6] Reston, James (1997). Collision at Home Plate: The Lives of Pete Rose and Bart Giamatti. Nebraska: U of Nebraska Press. էջեր 15–16. ISBN 0803289642.

[1]