Տահիր Ռահիմ

Տահիր Ռահիմ; ֆր.՝ Tahar Rahim; արաբ․՝ طاهر رحيم‎‎
Ծնվել է	հուլիսի 4, 1981 (43 տարեկան)
Ծննդավայր	Բելֆոր
Կրթություն	Մոնպելիե III - Պոլ Վալերիի անվան համալսարան
Քաղաքացիություն	Ֆրանսիա
Կրոն	իսլամ
Մասնագիտություն	դերասան, թատրոնի դերասան, կինոդերասան և հեռուստատեսային դերասան
Ամուսին(ներ)	Լեյլա Բեխտի
Պարգևներ և մրցանակներ	«Սեզար» մրցանակ՝ ամենախոստումնալի դերասանի համար «Սեզար» մրցանակ՝ տղամարդու լավագույն դերի համար և Եվրոպական կինոակադեմիայի մրցանակ լավագույն դերասանին

Տահար Ռահիմ (ֆր.՝ Tahar Rahim, հուլիսի 4, 1981(1981-07-04)^[1]^[2]^[3], Բելֆոր^[4]^[5]^[3]), ֆրանսիացի դերասան ալժիրյան արմատներով։ 2010 թվականից «Սեզար» կինոմրցանակի դափնեկիր է, որպես տղամարդու լավագույն դերասան «Մարգարե» ֆիլմի համար։

Կենսագրություն

Տահիր Ռահիմը ծնվել է ալժիրցի փախստականների ընտանիքում, ովքեր Ֆրանսիա են գաղթել Ալժիրի Օրան քաղաքից։ Պատանեկան տարիքում Ռահիմը ամեն օր մի քանի ֆիլմ էր դիտում։ Սկսել է հետաքրքրվել սպորտով, հետո ծրագրավորմամբ։ Բայց մի շարք ոլորտներ փորձելուց հետո, վերջնականապես իրեն նվիրում է կինոյին։

Մոնպելիեի Պոլ Վալերի համալսարանում ուսանելու տարիներին Տահիր Ռահիմը դարձավ «Տահիր, ուսանող» փաստագրական ֆիլմի գլխավոր դերակատարը, որը ցուցադրվում էր «France 5» հեռուստատեսության եթերով։

2005 թվականին Տահիրը տեղափոխվում է Փարիզ և որոշ ժամանակ սկսում է ուսումնասիրել դրամատիկական արվեստ Էլեն Զիդի Շերյուի ղեկավարությամբ գործող Դերասանական լաբորատորիայում։ Զուգահեռաբար նա աշխատում էր ֆաբրիկայում և գումար էր վաստակում գիշերային ակումբում, որպեսզի ծայրը ծայրին հասցնի։

2006 թվականի կեսերին Տահիր Ռահիմը գործարք է կնքում և շուտով հրավիրվում նկարահանվելու «Համայնք» հայտնի հեռուստասերիալում, որի սցենարի հեղինակն էր Աբդել Ռաուֆ Դաֆրին։

Անկիրթ արաբ պատանու դերը, ով աղքատ ընտանիքից էր, ու հանգամանքների բերումով ազատազրկվում է և սովորում գոյատևել բանտային օրենքներով, տրվում է Ռահիմին։ Այդ դերը Տահիրին հեշտ չի տրվում։ Երեք ամիս անընդմեջ տարբեր դերասաններ են փորձում այդ կերպարը խաղալ, սակայն, ի վերջո, դերը հանձնվում է Ռահիմին։

Ֆիլմագրություն

Թվական	Ֆիլմ	Դեր
2006	Տահիր, ուսանող	Տահիր
2007	Չծնվածի վրեժը	Ոստիկան
2007	Համայնք (մինի-սերիալ)	Յազիդ Ֆիքրի
2009	Մարգարե	Մալիկ Էլ Ջեբենա
2011	Իներորդ լեգիոնի արծիվը	Առաջնորդի որդին
2011	Ազատ մարդիկ	Յունես
2011	Սեր և քերվածքներ	Մաթիո
2011	Սև ոսկի	Արքայազն Աուդա
2012	Սիրուց հետո	Մունիր
2013	Անցյալի գաղտնիքները	Սամիր
2013	Գրանդ Ցենտրալ	Հարի
2013	Լրտեսը
2014	Սպի	Նազարեթ Մանուկյան
2014	Սամբա	Վիլսոն
2014	Իմ ընկերը Ձմեռ պապ է	Սանտա Կլաուս
2015	Անարխիստները	Ժան Ալբերտինի

Ծանոթագրություններ

Արտաքին հղումներ

Տահիր Ռահիմ КиноПоиск.Ru կայքում

Վիքիպահեստն ունի նյութեր, որոնք վերաբերում են «Տահիր Ռահիմ» հոդվածին։

[_febac4bf91b099ed-1] 1,0 ^1,1 Internet Movie Database — 1990.

[_7eb56a98ee1dad66-2] 2,0 ^2,1 filmportal.de — 2005.

[_2f962a24ef6314a9-3] 3,0 ^3,1 ^3,2 ^3,3 ^3,4 Who's Who in France (ֆր.) — Paris: 1953. — ISSN 0083-9531; 2275-0908

[_d87e32ae0a0b2fc5-4] 4,0 ^4,1 ^4,2 http://english.al-akhbar.com/node/2311

[_0659a7b79d2aaeab-5] 5,0 ^5,1 ^5,2 http://www.kustendorf-filmandmusicfestival.org/2012/great-acting-achievements/61-tahar-rahim/

[_d084f6b89a6a2483-6] ttp://www.culture.gouv.fr/Nous-connaitre/Organisation/Conseil-de-l-Ordre-des-Arts-et-des-Lettres/Arretes-de-Nominations-dans-l-ordre-des-Arts-et-des-Lettres/Nomination-dans-l-ordre-des-Arts-et-des-Lettres-hiver-2017

[_a1df2a23d6bfc123-7] ttps://web.archive.org/web/20190718184615/https://www.europeanfilmacademy.org/European-Film-Awards-Winners-2009.64.0.html

[1]