Ջուլիանո Բուջարդինի

Ջուլիանո Բուջարդինի
Ծնվել է	հունվարի 29, 1475
Ծննդավայր	Ֆլորենցիա, Ֆլորենցիայի Հանրապետություն
Վախճանվել է	փետրվարի 17, 1554 (79 տարեկան) կամ փետրվարի 17, 1555 (80 տարեկան)
Մահվան վայր	Ֆլորենցիա, Ֆլորենցիայի դքսություն
Քաղաքացիություն	Ֆլորենցիայի Հանրապետություն և Ֆլորենցիայի դքսություն
Մասնագիտություն	նկարիչ
Ուսուցիչ	Դոմենիկո Գիրլանդայո և Պիերո դի Կոզիմո
Աշակերտներ	Ֆրանչեսկո Սալվիատի
	Giuliano Bugiardini Վիքիպահեստում

Ջուլիանո Բուջարդինի (իտալ.՝ Giuliano Bugiardini, հայտնի է նաև Ջուլիանո դի Պիերո դի Սիմոնե (իտալ.՝ Giuliano di Piero di Simone անունով, հունվարի 29, 1475(1475-01-29)^[1]^[2], Ֆլորենցիա, Ֆլորենցիայի Հանրապետություն - փետրվարի 17, 1554(1554-02-17) կամ փետրվարի 17, 1555(1555-02-17), Ֆլորենցիա, Ֆլորենցիայի դքսություն), ուշ Վերածննդի դարաշրջանի իտալացի գեղանկարիչ և գծանկարիչ, որ ստեղծագործել է մաներիզմի ոճով։ Ծնվել և հիմնականում ապրել ու ստեղծագործել է Ֆլորենցիայում^[3]։

Կենսագրություն

Ենթադրվում է, որ Ջուլիանոն սկզբում աշակերտել է քանդակագործ Բերտոլդոյին, հետո դարձել է նկարիչ Դոմենիկո Գիրլանդայոյի աշակերտը^[4]։ Գիրլանդայոյի արվեստանոցում ծանոթացել է Միքելանջելոյի հետ, որը նույնպես սովորում էր այդ վարպետի մոտ^[5]։ Կարճ ժամանակում Բուջարդինին հ��սել է հաջողությունների ու ճանաչման, 1503 թվականին անդամագրվել է նկարիչների՝ Սուրբ Ղուկասի անունը կրող գիլդիային, որտեղ ծանոթացել և սկսել է համագործակցել նկարիչ Մարիոտո Ալբերտինելիի հետ^[4]։ Այդ համագործակցությունը շարունակվել է մինչև 1509 թվականը, երբ վերջինս աշխատանքի է անցել Ֆրա Բարտոլոմեոյի արվեստանոցում։ Ֆրա Բարտոլոմեոյի վախճանվելուց հետո նրանք ավարտին են հասցրել վարպետի կիսատ թողած որոշ աշխատանքներ^[5]։

Ջորջո Վազարիի վկայությամբ՝ Ջուլիանո Բուջարդինին մի կարճ ժամանակաշրջան համագործակցել է նաև Միքելանջելոյի հետ՝ Սիքստինյան կապելլայի որմնանկարների վրա վերջինիս աշխատելու ընթացքում։ Հետագայում Միքելանջելոյի գծանկարների հիման վրա Ֆլորենցիայի Սանտա Մարիա Նովելլա տաճարում Բուջարդինին նկարել է «Սուրբ Եկատերինայի չարչարանքները»։ 1526–1530 թվականներին նա ապրել ու ստեղծագործել է Բոլոնյայում։

Ստեղծագործություններ

Բուջարդինիի վաղ շրջանի գործերում, որոնք, ըստ ամենայնի, ստեղծվել են 1495-1500 թվականներին, կերպարվեստի պատմության մասնագետները նկատել են իր վարպետի՝ Գիրլադայոյի, ապա նաև Ֆրա Բարտոլոմեոյի և Մարիոտո Ալբերտինելիի ազդեցությունը^[3]։

Իտալական բարձր Վերածննդի խոշոր վարպետները՝ Ռաֆայելը, Պերուջինոն, Լեոնարդոն, Միքելանջելոն, մշակել, զարգացրել, կատարելության են հասցրել 16-րդ դարասկզբի ֆլորենտական կերպարվեստի ոճը։ Արվեստի որոշ պատմաբանների կարծիքով՝ Բուջարդինին անհրաժեշտ չափով չի ըմբռնել այդ մեծ նկարիչների ստեղծագործական սկզբունքները և ունակ չի եղել ինքնարտահայտվելու, ինքնադրսևորվելու նրանց բնորոշ դասական հոյակապ, հիասքանչ ձևերով ու մակարդակով։ Այդ արվեստագետները Ջուլիանոյի ստեղծագործությունները համարում են բարձր Վերածննդի մոտիվների ոչ ճարտար թարգմանություն-նմանակումներ՝ իրականացված ժամանակավրեպ, հնացած ձևերով^[5]։ Արվեստի այլ պատմաբաններ էլ Բուջարդինիի աշխատանքներում լուսավոր, խիտ գուներանգների առկայությունը համարում են Միքելանջելոյի և Անյոլո Բրոնձինոյի ազդեցության արտահայտություն։

Նկարչի ստեղծագործական ուշ շրջանի՝ մեզ հասած աշխատանքներից լայն ճանաչման է արժանացել հատկապես «Սուրբ կույսն ու Մարիամ Մագդաղենացին Հովհաննես Մկրտչի հետ» կտավը (մոտավորապես 1540 թվական), որտեղ Բուջարդինիին հաջողվել է վարպետորեն միաձուլել Ֆրա Բարտոլոմեոյի ոճը և Միքելանջելոյի արվեստի շունչը^[3]։

Ջուլիանոյի մեկ այլ աշխատանք՝ «Կնոջ դիմանկար»-ը, վկայում է, որ նա օժտված է եղել դեմքեր պատկերելու նուրբ տաղանդով^[4]։

Սակայն, հարկ է նաև նշել, որ նախկինում Բուջարդինիին վերագրված որոշ կտավների՝ նրա հեղինակ լինելու հանգամանքը կերպարվեստի մի շարք պատմաբանների կողմից ներկայումս կասկածի տակ է դրվում^[3]։

Գրականություն

Freedberg, Sydney J. (1993). Pelican History of Art (ed.). Painting in Italy, 1500-1600. Penguin Books Ltd. էջ 238.
Land, Norman. "Michelangelo's Shadow: Giuliano Bugiardini". Explorations in Renaissance Culture 31, 1 (Summer 2005), 1–18.
Pagnotta, Laura. Giuliano Bugiardini. Turin: Umberto Allemandi, 1987.
Wilk [Blake McHam], Sarah. "Bugiardini's Holy Family with the Young St. John the Baptist". Perceptions 2 (1982): 7-16.
«Буджардини, Джулио». Բրոքհաուզի և Եֆրոնի հանրագիտական բառարան: 86 հատոր (82 հատոր և 4 լրացուցիչ հատորներ). Սանկտ Պետերբու��գ. 1890–1907.{{cite book}}: CS1 սպաս․ location missing publisher (link)

Պատկերասրահ

Միքելանջելոյի դիմանկարը
Կնոջ դիմանկար (1506-1510)
Սուրբ Եկատերինայի չարչարանքները (1530-1540)
Լեոնարդո դի Ջինորիի դիմանկարը
Երիտասարդի դիմանկար
Աղջկա դիմանկար (1525)
Հովհաննես Մկրտիչ (1523-1525)
Թոբիասի պատմությունը, 1-ին մաս (1500)
Թոբիասի պատմությունը, 2-րդ մաս (1500)
Բոլոնիացու դիմանկար
Սուրբ ընտանիք (1520)
Սուրբ կույսը Մարիամ Մագդաղենացու և Հովհաննես Մկրտչի հետ
Երիտասարդ կնոջ դիմանկար

Ծանոթագրություններ

↑ ^1,0 ^1,1 RKDartists (նիդերլ.)
↑ ^2,0 ^2,1 Բրոքհաուզի հանրագիտարան (գերմ.)
↑ ^3,0 ^3,1 ^3,2 ^3,3 "Bugiardini, Giuliano." Grove Art Online. Oxford Art Online. Oxford University Press. Web. 1 Jun. 2016
↑ ^4,0 ^4,1 ^4,2 Giuliano Bugiardini at the Uffizi website
↑ ^5,0 ^5,1 ^5,2 Federico Zeri and Elizabeth E Gardner, Italian Paintings: Florentine School, a collection catalog, Metropolitan Museum of Art Publications, 1971, pages 189-191

Արտաքին հղումներ

Մեդիաֆայլեր Giuliano Bugiardini թեմայով Վիքիպահեստում:

Վիքիպահեստն ունի նյութեր, որոնք վերաբերում են «Ջուլիանո Բուջարդինի» հոդվածին։

[_aeb872860b91c3e9-1] 1,0 ^1,1 RKDartists (նիդերլ.)

[_b46581075ad1f331-2] 2,0 ^2,1 Բրոքհաուզի հանրագիտարան (գերմ.)

[ox-3] 3,0 ^3,1 ^3,2 ^3,3 "Bugiardini, Giuliano." Grove Art Online. Oxford Art Online. Oxford University Press. Web. 1 Jun. 2016

[uf-4] 4,0 ^4,1 ^4,2 Giuliano Bugiardini at the Uffizi website

[met-5] 5,0 ^5,1 ^5,2 Federico Zeri and Elizabeth E Gardner, Italian Paintings: Florentine School, a collection catalog, Metropolitan Museum of Art Publications, 1971, pages 189-191

[1]