Պոմ Կլեմենտիեֆ

Պոմ Կլեմենտիեֆ; ֆր.՝ Pom Klementieff
Ծնվել է	մայիսի 3, 1986 (38 տարեկան) կամ 1986
Ծննդավայր	Քվեբեկ քաղաք, Կանադա
Կրթություն	Ֆլորան դասընթացներ
Քաղաքացիություն	Ֆրանսիա
Մասնագիտություն	դերասանուհի

Պոմ Կլեմենտիեֆ (անգլ.՝ Pom Klementieff, մայիսի 3, 1986(1986-05-03) կամ 1986^[1], Քվեբեկ քաղաք, Կանադա^[2]), ֆրանսիացի կինոդերասանուհի։ Նա սովորել է Փարիզի Cours Florent դրամատիկական դպրոցում և նկարահանվել է «Գայլ» (2009), «Անքուն գիշեր» (2011), «Hacker's Game» (2015) ֆիլմերում։ Առավել հայտնի է «Գալակտիկայի պահապանները։ 2-րդ մաս» (2017) ֆիլմի Մանտիսի դերով։

Վաղ տարիներ

Պոմ Կլեմենտիեֆը ծնվել է 1986 թվականին Կանադայի Քվեբեկ քաղաքում։ Մայրը կորեացի է, իսկ հայրը ֆրանսիացի, ով աշխատել է Ֆրանսիայի կառավարությունում^[3]։ Նրան կոչել են «Պոմ», որովհետև այդ անունը նման է երկու կորեական բառերի՝ «գարուն»(봄) և «վագր»(범)^[4]: Նա ունի ավագ եղբայր։ Կլեմենտիեֆը ապրել է Կանադայում ընդամենը մեկ տարի։ Նրա հոր աշխատանքի պատճառով նրանք ստիպված են եղել մի քանի անգամ քաղաքից քաղաք տեղափոխվել^[5]։ Նրանք ապրել են Ճապոնիայում, Ֆրանսիայում, Կանադայում։ Կլեմենտիեֆն ասել է, որ վաղ տարիքում ճանապարհորդելը նրան տվել է «գնչուական ոգի»։

Կլեմենտիեֆի հայրը մահացել է քաղցկեղից, երբ նա հինգ տարեկան էր, իսկ մայրը խելագար էր և չէր կարողանում խնամել երեխաներին, այդ պատճառով Կլեմենտիեֆին խնամում էին հորեղբայրը և հորաքույրը։ Նրա հորեղբայրը մահացել է, երբ Կլեմենտիեֆը 18 տարեկան էր, իսկ եղբայրը ինքանասպան է եղել 25 տարեկան հասակում։ Կլեմենտիեֆն իր հորեղբոր մահից հետո սկսեց հաճախել իրավաբանական դպրոց, որպեսզի հանգստացնի իր հորաքրոջը, բայց դա նրան չգրավեց։ Նա աշխատել է նաև մատուցողուհի և վաճառողուհի Ֆրանսիայում։ Նա 19 տարեկան հասակում սկսեց ելույթ ունենալ Փարիզի Cours Florent թատերական դպրոցում։ Մի քանի ամիս առաջ մինչ իր սովորելը նա հաղթել է թատերական մրցույթում և շահել է երկու տարվա թատերական ուսուցում դպրոցի լավագույն ուսուցիչների հետ։

Կարիերա

Առաջին մեծ դեր ունեցել է «Կյանքը նրանից հետո» (2007) ֆրանսիական ֆիլմում, որտեղ խաղացել է Կատրին Դենյովի մարմնավորած գլխավոր հերոսուհու խորթ աղջկա դերը։ Նրա նկարահանումները տևել են 3 օր։ Նկարահանման մի տեսարանի ժամանակ Կլեմենտիեֆը պետք է հրեր մեկին աստիճաններից, սակայն պատահաբար ինքն է ընկել աստիճաններից։ Ռեժիսորն այդ կադրը պահել է և օգտագործել ֆիլմի վերջում։ Նրա առաջին գլխավոր դերը եղավ «Գայլ» ֆիլմում։ Նկարահանումների ժամանակ Կլեմենտիեֆը մնացել էր ճամբարում, որտեղ ջերմությունը իջել էր 0-ից։ Նկարահանումնների ժամանակ նա ընկերացել է քոչվորների հետ, ովքեր այնտեղ էին ապրում, աշխատում գայլերի հետ, ծովում լողանում ձիերի հետ։

Կլեմենտիեֆը կատարել է իր նորամուտը Հոլլիվուդում և զբաղեցրել է ամենաբարձր տեղը Սպայկ Լիի «Օլդբոյ» ֆիլմում, որը համանուն հարավկորեական ֆիլմի ռեմեյքն է։ Նա խաղացել է հակամարտիկի թիկնապահի՝ Հենկ-Բոկի դերը։

Կլեմենտիեֆը վերադարձել է Լոս Անջելես, երբ «Օլդբոյ» նկարահանված է եղել։ Նա շարունակում էր զբաղվել թեկվոնդոյով ֆիլմից հետո, և ուներ մանուշակագույն գոտի՝ 2014 թվականի ամառվանից։ Նրա հաջորդ ֆիլմը եղավ «Hacker's Game» (2015), որտեղ նա խաղում էր հաքեր։ Կլեմենտիեֆը օգտագործում էր բռնցքամարտիկի իր կարողությունները և փոքր բյուջեյի պատճառով նա ստիպված էր ինքը գնել իր շորերը և այն ամենը, ինչը պետք էր նրան ֆիլմի նկարահանումնների ժամանակ։ Նրա միտքն էր մազերը մանուշակագույն ներկելը, որին ռեժիսորները դեմ էին, սակայն հետո համակերպվեցին։ Նա նկարահանվել է նաև «Գալակտիկայի հսկողները։ 2-րդ մաս» ֆիլմում Մանտիի դերում^[6]։

Ֆիլմագրություն

Թվական	Անվանում	Դեր
2007	Կյանքը նրանից հետո	Էմիլի
2008	Առանց չարիքի, առանց արյան, առանց հրանոթի
2009	Գայլ	Նաստասյա
2009	Գիշերային Պիգալ	Սանդրա
2011	Անքուն գիշեր	Լյուսի
2011	Նրբություն	Մատուցաղուհի
2011	Սերը ապրում է երեք տարի	Ջուլիա
2011	Ստվերանկարներ	Վալերի
2012	Ռադիոաստղեր	Պիցցա սպասարկող
2012	Խառնաշփոթ շրջանում	Թիա
2012	Պալմայի ստվերի տակ	Մոդել
2013	Փարիզ ամեն գնով	Jess
2013	Օլդբոյ	Հենթ-Բոկ
2015	Hacker's Game	Լուիս
2017	Ինգրիդ գնում ենք Արևմուտք	Հարլի Չանգ
2017	Գալակտիկայի հսկողները։ 2-րդ մաս	Մանտիս
2018	Վրիժառուներ․ Անվերջ կռիվ	Մանտիս
2019	Վրիժառուներ 4	Մանտիս

Ծանոթագրություններ

↑ ^1,0 ^1,1 Չեխիայի ազգային գրադարանի կատալոգ
↑ ^2,0 ^2,1 ^2,2 Freebase տվյալների վերբեռնում — Google.
↑ «Actress Pom Klementieff from Spike Lee's Oldboy». Filler Magazine. Vol. 2, no. 5. Summer 2014. Արխիվացված է օրիգինալից 2013 թ․ դեկտեմբերի 6-ին. Վերցված է 2014 թ․ հուլիսի 2-ին.
↑ Han, Steve (November 2013). «Korean French Actress Pom Klementieff Makes US Debut in 'Oldboy' Remake». KoreAm Magazine. Արխիվացված է օրիգինալից 2014 թ․ հուլիսի 14-ին. Վերցված է 2014 թ․ հուլիսի 5-ին.
↑ Chang, Mina (2013 թ․ հուլիսի 2). «Q&A with Pom Klementieff». Anthem Magazine. Արխիվացված է օրիգինալից 2014 թ․ հունվարի 7-ին. Վերցված է 2014 թ․ հուլիսի 5-ին.
↑ Romano, Nick (2017 թ․ հունվարի 28). «Avengers: Infinity War adds Mantis from Guardians of the Galaxy 2». Entertainment Weekly. Արխիվացված օրիգինալից 2017 թ․ հունվարի 29-ին. Վերցված է 2017 թ․ հունվարի 28-ին.

Վիքիպահեստն ունի նյութեր, որոնք վերաբերում են «Պոմ Կլեմենտիեֆ» հոդվածին։

[_9533d40ae9e0b70b-1] 1,0 ^1,1 Չեխիայի ազգային գրադարանի կատալոգ

[_94bb76f3e94539e8-2] 2,0 ^2,1 ^2,2 Freebase տվյալների վերբեռնում — Google.

[Filler-3] «Actress Pom Klementieff from Spike Lee's Oldboy». Filler Magazine. Vol. 2, no. 5. Summer 2014. Արխիվացված է օրիգինալից 2013 թ․ դեկտեմբերի 6-ին. Վերցված է 2014 թ․ հուլիսի 2-ին.

[KoreAm-4] Han, Steve (November 2013). «Korean French Actress Pom Klementieff Makes US Debut in 'Oldboy' Remake». KoreAm Magazine. Արխիվացված է օրիգինալից 2014 թ․ հուլիսի 14-ին. Վերցված է 2014 թ․ հուլիսի 5-ին.

[Anthem-5] Chang, Mina (2013 թ․ հուլիսի 2). «Q&A with Pom Klementieff». Anthem Magazine. Արխիվացված է օրիգինալից 2014 թ․ հունվարի 7-ին. Վերցված է 2014 թ․ հուլիսի 5-ին.

[Klementieff-6] Romano, Nick (2017 թ․ հունվարի 28). «Avengers: Infinity War adds Mantis from Guardians of the Galaxy 2». Entertainment Weekly. Արխիվացված օրիգինալից 2017 թ․ հունվարի 29-ին. Վերցված է 2017 թ․ հունվարի 28-ին.

[1]