Չենինգ Թաթում

Չենինգ Թաթում; անգլ.՝ Channing Tatum
Ծնվել է	ապրիլի 26, 1980[…] (44 տարեկան)
Ծննդավայր	Քուլման, Ալաբամա, ԱՄՆ
Կրթություն	Գեյզեր ավագ դպրոց, Գլենվիլի նահանգային քոլեջ և Տամպայի կաթոլիկ ավագ դպրոց (1998)
Քաղաքացիություն	ԱՄՆ
Մասնագիտություն	դերասան, կինոպրոդյուսեր, պարող, մոդել, կինոդերասան, հեռուստատեսային դերասան, հնչյունավորող և կինոռեժիսոր
Ընտրանի	Սմոլֆութ, Կյանքի գիրք, Սա վերջն է (ֆիլմ, 2013), 21 Jump Street, Սպիտակ տան գրոհը, A Guide to Recognizing Your Saints?, Երդում, Սուպեր Մայք և Թանկագին Ջոն
Ամուսին(ներ)	Ջեննա Դևան
Համատեղ ապրող(ներ)	Ջեսսի Ջեյ և Զոի Քրավից
Երեխա(ներ)	1 երեխա
Պարգևներ և մրցանակներ	Թայմ 100
	channingtatumunwrapped.com

Չաննինգ Մեթյու Տատում (անգլ.՝ Channing Matthew Tatum, ապրիլի 26, 1980(1980-04-26)^[1]^[2]^[3]^[…], Քուլման, Ալաբամա, ԱՄՆ), ամերիկացի դերասան, կինոպրոդյուսեր, պարող և մոդել։ Հայտնի է «Քայլ առաջ» (2006), «Կոբրայի վերածնունդը» (2009), «Թանկագին Ջոն» (2010), «Երդում» (2012), «Ջամփ Սթրիթ 21» (2012) և «Մեջիք Մայք» (2012) ֆիլմերում մարմնավորած դերերի համար։ Նկարահանվել է նաև «Նա տղամարդ է » (2006), «Մարտական ակումբ» (2009), «Արծիվը» (2011) և այլ ֆիլմերում։

Կենսագրություն

Տատումը ծնվել է Կուլլմանում, Ալաբամա, Կեյ և Գլենն Տատումների ընտանիքում։ Նա սերում է անգլիացի, շոտլանդացի-իռլանդացի, ֆրանսիացի, գերմանացի և հնարավոր է նաև բնիկ ամերիկացի նախահայրերից։ Նրա ընտանիքը տեղափոխվել է Միսիսիպի, երբ Տատումը 6 տարեկան էր։ Նրա մանկությունը անցել է Միսիսիպի գետի շուրջ։ Տատումը մարզական վիճակում էր գտնվում դեռևս մանկությունից։ Խաղում էր ֆուտբոլ, բեյսբոլ և այլ խաղեր։ Զբաղվում էր ռազմական մարտարվեստով։ Մանուկ ժամանակ զբաղվել է վուզուքուան քունգ ֆույով։ Տատումը իր դեռահասության տարիները մեծ մասամբ անցկացրել է Տամպայի շրջանում, և հաճախել է Գեյթըր ավագ դպրոցը։ Այնուհետև ծնողները նրան հնարավորություն են ընձեռում ընտրել մասնավոր դպրոց կամ հաճախել ռազմական դպրոց. նա ընտրում է Տամպայի կաթոլիկական ավագ դպրոցը։ Դպրոցը նա ավարտում է 1998 թվականին։ Որից հետո ընդունվում է Գլենվիլի պետական քոլեջը(Արևմտյան Վիրջինիա)՝ ֆուտբոլիստի մասնագիտություն ստանալու նպատակով, բայց շուտող թողնում է այն։ Վերադառնում է տուն և սկսում է զբաղվել պատահական գործերով։

"ՅուԷս Ուիկլին" գրում է, որ այս ընթացքում Տատումը թողնելով տանիքագործի իր աշխատանքը սկսում է աշխատել որպես մերկապարող տեղի գիշերային ակումբներից մեկում։ 2010 թվականին Ավստրալիական թերթին տված իր հարցազրույցում նա ասում է, որ ցանկացել է ֆիլմ նկարահանել մերկապարողի իր կարիերայի մասին։ Այս գաղափարը ծնեց «Մեջիք Մայք» ֆիլմը։ Ավելի ուշ նա տեղափոխվում է Մայամի, որտեղ էլ նրան նկատում է մի մոդել։

Կարիերա

2000 թվականին նա ընտրվում է որպես պարող և նկարահանվում է Ռիկի Մարտինի "Նա պայթեցնում է" երաժշտական տեսահոլովակում՝ Օռլանդոյում (Ֆլորիդա) անցկացրած լսումներից հետո։ Նրան վճարում են 400 դոլլար։ Նրա մոդելի կարիերան սկսվել է այնպիսի նորաձևության տների ցուց��դրություններին մասնակցելով, ինչպիսիք են Արմանին և Աբերկրոմբի Ընդ Ֆիտչ։ Այնուհետև Տատումը սկսում է աշխատել հեռուստատեսային գողվազդներում նկարահանվելով (Պեպսիի գովազդ, 2002 թվական)։ Ապա նա մոդելի պայմանագիր է կնքում Մայամիում գտնվող մի մոդելային գործակալության հետ (Պեյջ 305), սակայն ավելի ուշ հաջողություն է ունենում՝ ընտրվելով Վոգ ամսագրի համար և շուտով հայտնվում է Աբերկրոմբի Ընդ Ֆիտչի, Դոլչե ընդ Գաբբանայի, Արմանիի և այլ հայտնի բրենդների նորաձևության արշավներում։ "Թիըր Շիթ" ամսագիրը 2001 թվականի հոկտեմբերին նրան ընդգրկում է "50 ամենագեղեցիկ դեմքեր" շարքում։ Նա նաև պայմանագիր է կնքում Միլանում գործող "Բեատրիչէ" մոդելային գործակալության, Իտալիայում և "Ֆորդ Մոդելներ" Նյու Յորքում գործող գործակալությունների հետ։

2008 թվականից առ այսօր

2008 թվականին Տատումը նկարահանվում է Կիմբերլի Պիրսի "Վերջ կորուստներին" (Stop-Loss) ֆիլմում, որը մի զինվորականի մասին է, ով վերադառնում է Իրաքի պատերազմից, և Ստյուարտ Թաունսենդի "Պատերազմ Սիեթլում" ֆիլմում, որը 1999 թվականի Սիեթլում տեղի ունեցող Առևտրի համաշխարհային կազմակերպության բողոքի մասին է։ Նա նաև խաղացել է կարճամետրաժ "Ծուղակ" ֆիլմում. ռեժիսոր Ռիտա Վիլսոն։

Տատումը և Դիտո Մոնտիելը, որոնք միասին նկարահանվել են "Ինչպես ճանաչել սեփական սրբերիդ" ֆիլմում, նորից վերամիավորվում են "Մարտական ակումբ" ֆիլմում։ Ավելի ուշ Տատումը երևում է Մայքլ Մանի 2009 թվականին նկարահանված "Հասարակության թշնամիները" ֆիլմում՝ մարմնավորելով 1930-ականների գանգստեր Բոյ Ֆլոյդին։ Նույն տարվա ընթացքում նա նկարահանվում է "Կոբրայի վերածնունդը" ֆիլմում։ Նա սկզբում դժկամությամբ ընդունեց դերը, քանի որ վախենում էր, որ ֆիլմը կարող է փառաբանել պատերազմը։ Սակայն սցենարը ընթերցելուց հետո, նա իր միտքը փոխում է։ Զինվորականի դեր է խաղացել "Թանկագին Ջոն" ֆիլմում։

"Դիթեյլս" ամսագրի հարցազրույցում նա ասել է, որ ցանկանում է արտադրել այն բոլոր ֆիլմերը, որտեղ կնկարահանվի. ես այլևս չեմ ցանկանում լինել այն ֆիլմերում, որոնք ես չեմ արտադրելու։ Բացի այն տաս ռեժիսորների ֆիլմերից, որոնց ես իրականում ցանկանում եմ աշխատել "։ Տատումը, իր կինը՝ Ջեննա Դյուանը և նրանց գործընկեր Ռեյդ Քերըլինը 2010 թվականին 2 տարվա պայմանագիր են կնքում "Ռելատիվիտի Մեդիայի" հետ, այդ ընթացքում միասին աշխատելու նորաստեղծ ֆիլմերի վրա։

2012 թվականին Տատումը հյուրընկալվեց "Սեթըրդի Նայթ Լայվ"-ին (Saturday Night Live) և հայտնվեց 4 ֆիլմերում։ Նա նկարահանվեց Ստիվեն Սոդերբերգի "Խորտակիչ հարված", "Երդում"՝ Ռաշել Մքադամսի հետ և "Մաչոն և բոտանը" ֆիլմերում։ Նա նաև նկարահանվեց «Մեջիք Մայք» ֆիլմում, որը պատմում է Տատումի 8 տարվա մերկապարողի կարիերային մասին։ 2012 թվականի նոյեմբերին Տատումին "Փիփլ" ամսագիրը անվանեց "Տարվա ամենասեքսուալ տղամարդը"։

2013 թվականի նախագծեր

Տատումը նկարահանվել է "Սիրո հակառակ կողմը" ֆիլմում՝ Ռունի Մարայի և Ջուդ Լոի հետ միասին։ Տատումը Ստիվ Կարելլիի հետ նկարահանվում է "Աղվեսների որսորդը" ֆիլմում, որը Ջոն դյու Պոնտի մասին է, ով տառապում է պարանոյիկ շիզոֆրենիայից և սպանել է Օլիմպիական ըմբշամարտի չեմպիոն՝ Դեյվ Շուլցին։ Նա նաև կնկարահանվի "Մաչոն և բոտանը 2"-ում, որը լույս կտեսնի 2014 թվականի հունիսի 13-ին։ Նա նաև "Իքս Մարդիկ" ֆիլմում կմարմնավորի Գամբիթի կերպարը։

33ԸնդԱութ Պրոդաքշըն

Մի քանի ընկերների և իր կնոջ՝ Ջեննա Դյուանի հետ հիմնել է երկու ֆիլմարտադրության ընկերություններ՝ 33ԸնդԱութ Պրոդաքշըն և Այրն Հորս Ինթերթեյնմընթ։ Նրանց առաջին ֆիլմը վավերագրական ժանրի ֆիլմ էր՝ "Ապակե երկիրը", որը պատմում է Ռուանդայի նախագահ Պոլ Կագամի և ցեղասպանություն վերապրած Ժան Պիեռ Սագահութու մասին։ Ֆիլմն ընտրվել է 2010 թվականին Տրիբեկա կինոփառատոնի բացման համար։

Անձնական կյանք

2006 թվականին Չայնինգ Տատումը հանդիպում է Ջեննա Դյուանին՝ "Քայլ առաջ" ֆիլմի նկարահանումների ժամանակ։ Ֆիլմի ավարտից անմիջապես հետո նրանք սկսում են հանդիպել։ 2008 թվականին Մայամիում նշանադրվում են, իսկ արդեն 2009 թվականի հուլիսի 11-ին տեղի է ունենում նրանց ամուսնությունը Մալիբույում (Կալիֆոռնիա)։ Նրանց միակ երեխան՝ Էվերլին ծնվել է 2013 թվականի մայիսին Լոնդոնում։ Տատումը խոսել է իր ուշադրության պակասի խանգարման և դիսլեքսիայի մասին։ 2014 թվականի մայիսին նա "ՋիՔյու" ամսագրին խոստովանել է, որ շատ է օգտագործում ալկոհոլ և որ ինքն իրեն համարում է հարբեցող։

Ֆիլմագրություն

Թիվ	Տեսակը	Հայերեն անվանումը	Բնօրինակ անվանումը	Դերը
2004	ֆիլմ	CSI. Մայամի	CSI: Miami	Բոբ Դեվենպորտ
2005	ֆիլմ	Քարտեր մարզիչը	Coach Carter	Ջեյսոն Լայլ
2005	ֆիլմ	Սուպերքրոս	Supercross	Ռոուդի Սփարքս
2005	ֆիլմ	Աշխարհների պատերազմը	War of the Worlds	տղա եկեղեցում
2005	ֆիլմ	Կործանում	Havoc	Նիք
2006	ֆիլմ	Նա տղամարդ է	She’s the Man	Ձյուկ Օրսինո
2006	ֆիլմ	Քայլ առաջ	Step Up	Թայլեր Գեյջ
2006	ֆիլմ	Ինչպես ընտրել մեր սրբերին	A Guide to Recognizing Your Saints	Անտոնիոն երիտասարդ տարիքում
2007	ֆիլմ	Ճակատամարտ Սիետլում	Battle in Seattle	Ջոնսոն
2008	ֆիլմ	Քայլ առաջ 2. Փողոցներ	Step Up 2: The Streets	Թայլեր Գեյջ
2008	ֆիլմ	Կանգ-Պարտություն	Stop-Loss	սերժանտ Սթիվ Շրայվեր
2009	ֆիլմ	Մարտ առանց կանոնների	Fighting	Շոն Մակարթուր
2009	ֆիլմ	Ջոննի Դ.	Public Enemies	Գեղեցիկ Ֆլոյդ
2009	ֆիլմ	G.I. Joe. Կոբրայի վերելքը	G.I. Joe: The Rise of Cobra	Կոնդրատ Հաուզեր/ Ձյուկ
2010	ֆիլմ	Թանկագին Ջոն	Dear John	Ջոն Թայրի
2011	ֆիլմ	Դիլեմմա	The Dilemma	Զիփ
2011	ֆիլմ	Վտանգավոր թաղամասը	Son of No One	Ջոնաթան Ուայտ
2011	ֆիլմ	Արծիվը	The Eagle	Մարկ Ֆլավի Ակվիլա
2011	ֆիլմ	10 տարի անց	Ten Years	Ջեյք Բիլս
2011	ֆիլմ	Նոկաուտ	Haywire	Աարոն
2012	ֆիլմ	Երդում	The Vow	Լեո Քոլինզ
2012	ֆիլմ	Ջամփ սթրիթ 21	21 Jump Street	Գրեգ Ջենքո
2012	ֆիլմ	Մեջիք Մայք	Magic Mike	Մեջիք Մայք
2013	ֆիլմ	Դոն Ժուանի մտահոգությունները	Don Jon	կիոաստղ Կոնոր
2013	ֆիլմ	Կողմնակի ազդեցություններ	Side Effects	Մարտին Թեյլոր
2013	ֆիլմ	G.I. Joe. Փոխհատուցում	G.I. Joe: Retaliation	Կոնդրատ Հաուզեր/ Ձյուկ
2013	ֆիլմ	Սա վերջն է	This is The End	Իր իսկ դերում
2013	ֆիլմ	Սպիտակ Տան փոթորիկը	White House Down	Ջոն Քեյլ
2014	ֆիլմ	Լեգո. ֆիլմ	The Lego Movie	Սուպերմեն
2014	ֆիլմ	Աղվեսի որսորդը	Foxcatcher	Մարկ Շուլց
2014	ֆիլմ	Ջամփ սթրիթ 22	22 Jump Street	Գրեգ Ջենքո
2014	ֆիլմ	Կյանքի գիրքը	The Book of Life	Հոակին Մոնդրագոն
2015	ֆիլմ	Յուպիտերի վերելքը	Jupiter Ascending	Քեյն Ուայզ
2015	ֆիլմ	Մեջիք Մայք XXL	Magic Mike XXL	Մեջիք Մայք
2015	ֆիլմ	Նողկալի ութը	The Hateful Eight	Չեստր Չարլզ Սմիտերս
2016	ֆիլմ	Ավե, Կեսար	Hail, Caesar!	Մանիքսի դերասան-հաճախորդը
2016	ֆիլմ	Իքս Մարդիկ. Ապոկալիպսիս	X-Men: Apocalypse
2016	ֆիլմ	Գամբիտ	Gambit	Ռեմի Լեբո/Գամբիտ

Ծանոթագրություններ

↑ ^1,0 ^1,1 http://www.tvrage.com/person/id-27897/Channing+Tatum
↑ ^2,0 ^2,1 filmportal.de — 2005.
↑ ^3,0 ^3,1 GeneaStar
↑ https://time.com/collection/100-most-influential-people-2022/6177792/channing-tatum/

Արտաքին հղումներ

Վիքիպահեստն ունի նյութեր, որոնք վերաբերում են «Չենինգ Թաթում» հոդվածին։

[_a945fb8d5e0f04af-1] 1,0 ^1,1 http://www.tvrage.com/person/id-27897/Channing+Tatum

[_c82be91e5f3a8dc6-2] 2,0 ^2,1 filmportal.de — 2005.

[_37b35cc0e2162cc8-3] 3,0 ^3,1 GeneaStar

[_9e2a049abda9d2ed-4] ttps://time.com/collection/100-most-influential-people-2022/6177792/channing-tatum/

[1]