Հելսինգբորգ
| Բնակավայր | ||
|---|---|---|
| Հելսինգբորգ | ||
| շվեդ.՝ Helsingborg[1] | ||
 | ||
| Երկիր |  Շվեդիա | |
| Համայնք | Հելսինգբորգ | |
| Հիմնադրված է | 1085 թ. | |
| Մակերես | 4095±0,5 հեկտար | |
| Բնակչություն | ▲113 816 մարդ (դեկտեմբերի 31, 2020)[2] | |
| Ժամային գոտի | UTC+1, UTC+2 և Կենտրոնական եվրոպական ժամանակ | |
| Հեռախոսային կոդ | 042 | |
| Փոստային դասիչ | 25X XX | |
| Պաշտոնական կայք | helsingborg.se(շվեդ.) | |
| ||
Հելսինգբորգ (նաև՝ Հելսինբորգ կամ Գելսինգբորգ, շվեդ.՝ Helsingborg, ['hɛlsiŋ'bɔrj]), քաղաք Շվեդիայի հարավում՝ Սկոնե գավառում, համանուն կոմունայի կենտրոնը։ 2017 թվականի դրությամբ բնակչությունը կազմել է 108334 մարդ[3]։
Աշխարհագրություն
[խմբագրել | խմբագրել կոդը]Հելսինգբորգը նավահանգիստ է Էրեսուն նեղուցի ամենանեղ կետի (մոտ 5 կմ) արևելյան ափին, Դանիայի Հելսինգյոր քաղաքի դիմաց։ Քաղաքը տեսանելի է Դանիայի ափերից։ Այն կապված է Հելսինգյորի հետ ավտոմոբիլային լաստանավով, որը ուղերթեր է կատարում ամեն 20 րոպեն մեկ։ Քաղաքում ավարտվում են E04 և E55 եվրոպական ավտոմոբիլային երթուղիները (որոնք չեն միավորվում միայն նշանների փոխարինման բարձր արժեքի պատճառով)։
Կլիման
[խմբագրել | խմբագրել կոդը]Հելսինգբորգի կլիման բարեխառն է, տարեկան միջին տեղումները կազմում են 500-600 մմ, հունվար ամսվա միջին ջերմաստիճանը կազմում է 0,1 °C, հուլիսինը՝ 16.8 °C[4]:
Արդյունաբերություն
[խմբագրել | խմբագրել կոդը]Հելսինգբորգում զարգացած են նավաշինությունը, էլեկտրատեխնիկական, ռետինա-քիմիական, տեքստիլ, կերամիկական, սննդի արդյունաբերությունը, գունավոր մետալուրգիան (պղնձաձուլություն)։ Հելսինգբորգը համարվում է տրանսպորտային, առևտրային և բիզնեսի կարևորագույն կենտրոն։
Բնակչություն
[խմբագրել | խմբագրել կոդը]Թվաքանակ
[խմբագրել | խմբագրել կոդը]Մինչև 19-րդ դարի կեսերը Հելսինգբորգը փոքր քաղաք էր, որի բնակչությունը կազմում էր շուրջ 1000 մարդ։ Բայց 19-րդ դարի երկրորդ կեսին, մասամբ արդյունաբերության զարգացման շնորհիվ, քաղաքի բնակչությունը սկսեց արագ աճել և մինչև 1900 թվականը այստեղ ապրում էր շուրջ 25 հազար մարդ։ Սակայն, հաջորդ տասնամյակների ընթացքում բնակչության աճը կտրուկ անկում է ապրել։ 2010 թվականին 97 հազար մարդ ունեցող Հելսինգբորգը բնակչության թվով Շվեդիայի ութերորդ քաղաքն էր։
Ազգային կազմ
[խմբագրել | խմբագրել կոդը]Բնակչության մեծ մասը շվեդներ են։ Օտարերկրացիները (այսինքն՝ նրանք, ովքեր կա՛մ ծնվել են Շվեդիայի սահմաններց դուրս, կա՛մ նրանց ծնողները երկուսն էլ ծնվել են Շվեդիայի սահմաններից դուրս) կազմում են քաղաքի բնակչության 23,2%-ը։ Օտարերկրացիների թվում կան հատկապես դանիացիներ, սերբեր, արաբներ (հիմնականում Իրաքից, Լիբանանից և Պաղեստինից) և բոսնիացիներ։ Քաղաքում ապրում են նաև լեհեր, իրանցիներ, վիետնամցիներ և այլն։ Ընդհանրապես, Հելսինգբորգում ապրում են ավելի քան 160 ազգությունների ներկայացուցիչներ[5]։
Տեսարժան վայրեր
[խմբագրել | խմբագրել կոդը]Հելսինգբորգի պատմական մասը բաղկացած է նեղուցի ափին գտնվող բազմաթիվ հին տներից։ Առանձնահատուկ հետաքրքրություն են ներկայացնում քաղաքապետարանի շենքը, Չերնանի աշտարակը (շվեդ.՝ Kärnan), աղյուսով գոթական ճարտարապետության ոճով աղյուսից պատրաստված Սուրբ Մարիայի տաճարը, Ֆրեդրիկսդալ բացօթյա թանգարանը և Հենրի Դունկեր մշակութային կենտրոնը։
ԵՆթաշրջաններ
[խմբագրել | խմբագրել կոդը]Հելսինգբորգ քաղաքը բաժանված է 31 շրջանների՝
| Հելսինգբորգի շրջանները (2006 թվականի հունվարի 9-ի դասակարգում և մարդահամար) | ||||||
|---|---|---|---|---|---|---|
| 1 | Նորր (3600) | 12 | Ցենտրում (3347) | 22 | Նորլունդա (1125) | 
|
| 2 | Մարիաստադեն (2302) | 13 | Էնեբորգ (3816) | 23 | Էսկիլսմին (1835) | |
| 3 | Ռինգստորպ (2802) | 14 | Ուիլսոն պարկ (1988) | 24 | Գուստավսլունդ (2772) | |
| 4 | Բերգա (1720) | 15 | Ռոզենգարդեն (4388) | 25 | Պլանտերինգեն (2663) | |
| 5 | Դրոտտնինգհյոգ (2708) | 16 | Հուսենսյո(1564) | 26 | Էլինեբերգ (2115) | |
| 6 | Դալհեմ (4530) | 17 | Սոֆիեբերգ (1606) | 27 | Ռամլյոսա (4593) | |
| 7* | Տոգաբորգ (7113) | 18 | Ադոլֆսբերգ (4319) | 28 | Միատորպ (2406) | |
| 8 | Ստատտենա (2549) | 19 | Սյոդեր] (3665) | 29 | Հյոգաստեն (1034) | |
| 9 | Ֆրեդրիկսդալ (4202) | 20 | Հյոգաբորգ (4017) | 30 | Էտենկուլլա (3274) | |
| 10 | Սլոտսհյդեն (3621) | 21 | Ֆոլտաբակեն (930) | 31 | Ռոո (3021) | |
| 11 | Օլիմպիա (1843) | |||||
Ժամանակագրություն
[խմբագրել | խմբագրել կոդը]- 1085 – քաղաքի մասին առաջին հիշատակումը (21 մայիսի)
- 1300 - կառուցվել է Չեռնանի աշտարակը
- 1400-ական թվականներին կառուցվել է Սուրբ Մարիայի տաճարը
- 1641 - կառուցվել է Յակոբ Հանսենի տունը, որը ներկայումս ամենահին բնակելի շենքն է
- 1707 - հայտնաբերել են Ռամլեսի հանքային ջրի աղբյուրները
- 1710 - Հելսինգբորգի ճակատամարտում շվեդները հաղթեցին դանիացիներին
- 1810 - Ժան-Բապտիստ Բեռնադոտտը իջևանեց քաղաքում՝ Շվեդիայի ապագա թագավոր Կարլ XIV
- 1891 - Հենրի Դյունկերը հիմնում է ռետինե իրերի արտադրության գործարան
- 1892 - Հելսինգբորգի և Հելսինգորի միջև սկսում է գործել առաջին լաստանավը
- 1897 - բացվեց քաղաքապետարանը
- 1903 - քաղաքում բացվեց տրամվայի ծառայությունը (մինչև 1967 թվական)
- 1921 թվականը բացվեց երկրում առաջին Հելսինգբորգի քաղաքային թատրոնը
- 2002 - բացվեց Հենրի Դյունկեր մշակութային կենտրոնը
Պատկերասրահ
[խմբագրել | խմբագրել կոդը]-
Հելսինգբորգի տեսքը -
Քաղաքի ամրություններ -
Ռատուշա -
Չեռնանի աշտարակ -
Մագնուս Ստենբոկի հուշարձանը -
Քաղաքի տեսքը ծովից -
Յակոբ Հանսենի տունը -
«Կոտրված գլուխ» քանդակը
Ծանոթագրություններ
[խմբագրել | խմբագրել կոդը]- ↑ Statistiska tätorter 2018 – befolkning, landareal, befolkningstäthet — Statistics Sweden, 2019.
- ↑ Statistiska tätorter 2018 – befolkning, landareal, befolkningstäthet — Statistics Sweden, 2021.
- ↑ Sidan kunde inte hittas
- ↑ «Архивированная копия». Արխիվացված է օրիգինալից 2007 թ․ հոկտեմբերի 22-ին. Վերցված է 2015 թ․ հունվարի 15-ին.
- ↑ «Sidan kan inte hittas — Helsingborgs stad» (PDF). Արխիվացված է օրիգինալից (PDF) 2007 թ․ սեպտեմբերի 28-ին. Վերցված է 2009 թ․ մարտի 28-ին.
Արտաքին հղումներ
[խմբագրել | խմբագրել կոդը]- Քաղաքաի պաշտոնական կայք
- Աղբից քանդակներ Հելսինգբորգում Արխիվացված 2021-10-11 Wayback Machine
- Քաղաքի նկարագրություն և լուսանկարներ(չաշխատող հղում)
 | Վիքիպահեստն ունի նյութեր, որոնք վերաբերում են «Հելսինգբորգ» հոդվածին։ |
| ||||||||||||||||
