Էժեն Դելակրուա

Էժեն Դելակրուա; ֆր.՝ Eugène Delacroix
Ի ծնե	Ferdinand Victor Eugène Delacroix
Ծնվել է	ապրիլի 26, 1798[…]
Ծննդավայր	Սեն Մորիս, Առաջին ֆրանսիական հանրապետություն
Վախճանվել է	օգոստոսի 13, 1863[…] (65 տարեկան)
Մահվան վայր	Փարիզ, Ֆրանսիական երկրորդ կայսրություն
Քաղաքացիություն	Ֆրանսիա
Կրթություն	Փարիզի Գեղեցիկ արվեստների ազգային բարձրագույն դպրոց, Լյուդովիկոս Մեծի լիցեյ և Պիեռ Կոռնելի դպրոց
Մասնագիտություն	նկարիչ, օրագրի հեղինակ, վիմագրող, լուսանկարիչ, գծանկարիչ, muralist, գծագրող, պաստելիստ և վիզուալ արտիստ
Ոճ	ռոմանտիզմ
Ժանր	պատմական գեղանկարչություն, բնանկար, նատյուրմորտ և մարտանկարչություն
Թեմաներ	գեղանկարչություն
Ուշագրավ աշխատանքներ	Մոր հետ խաղացող երիտասարդ վագրը, Ժողովրդին առաջնորդող Ազատությւնը, Բաբելոնյան գերություն և The Massacre at Chios?
Ուսուցիչ	Պիեր Նարցիս Գերեն
Աշակերտներ	Ժոզեֆ Գույչարդ, Charles Cournault?, Էտիեն-Ֆրանսուա Հարո, Pierre Grivolas?, Մորիս Սանդ, Gustave Lassalle-Bordes? և Charles Jean Richardot?
Պարգևներ
Անդամակցություն	Գեղեցիկ արվեստների ակադեմիա և Գեղեցիկ արվեստների ազգային ընկերություն
Հայր	Շարլ-Ֆրանսուա Դելակրուա
Ազգականներ	Ֆեհբ Ահֆեգէֆ Ռիզեներ և Léon Riesener?
	ստորագրություն;
	Eugène Delacroix Վիքիպահեստում

Ֆերդինանդ Վիկտոր Էժեն Դելակրուա (ֆր.՝ Ferdinand Victor Eugène Delacroix, ապրիլի 26, 1798(1798-04-26)^[1]^[2]^[3]^[…], Սեն Մորիս, Առաջին ֆրանսիական հանրապետություն^[4] - օգոստոսի 13, 1863(1863-08-13)^[5]^[1]^[2]^[…], Փարիզ, Ֆրանսիական երկրորդ կայսրություն^[4]), ֆրանսիացի աշխարհահռչակ գեղանկարիչ։ Համարվում է ռոմանտիզմի ուղղության հիմնադիրը եվրոպական կերպարվեստում։

Կենսագրություն

1816-1822 թվականներին սովորել է կլասիցիստ Պ․ Ն․ Գերենի մոտ։ Դելակրուան առաջին քայլերից համակվել է ռոմանտիզմի ոգով, դարձել նրա առաջադիմական, որոշ գործերով՝ նաև հեղափոխական միտումների արտահայտիչը։ «Քիոսի կոտորածը» (1823–1824, Լուվր, Փարիզ) և «Հունաստանը Միսսոլունգիի փլատակների վրա» (1827, Գեղեցիկ արվեստների թանգարան, Բորդո) նկարներում պատկերել է հույների տառապանքը թուրքական լծից, նրանց պայքարը ազգային անկախության համար։

Պաշտոնական ակադեմիզմին Դելակրուան հակադրել է հուզախռով, պայքարող արվեստ։ Առնական, վեհանձն, խոր և կրքոտ կերպարներ ստեղծելու նպատակով Դելակրուան դիմել է Շեքսպիրի, Գյոթեի, Բայրոնի, Սքոթի ստեղծագործություններին։ «Ֆաուստի» (1827–1828) և «Համլետի» (1834–1843) վիմագրություններն արժանացել են Գյոթեի գովեստին։

1830 թվականին, Հուլիսյան հեղափոխության անմիջական տպավորության տակ, Դելակրուան ստեղծել է «Ազատությունը բարիկադների վրա» (Լուվր) կտավը։

Ֆրանսիական մեծ հեղափոխությանն են նվիրված 1831 թվականի նրա երկու նկարները՝ «Բուասսի դ'Անգլան Կոնվենտում» (Գեղեցիկ արվեստների թանգարան, Բորդո) և «Միրաբոն ու Դրյո–Բրեզեն» (Նոր Կարլսբերգյան գլիպտոդարան, Կոպենհագեն)։

1832 թվականին ճանապարհորդել է Ալժիրում և Մարոկկոյում, ստեղծևլ Արևելքը պատկերող կտավներ («Ալժիրի կանայք», 1833–1834, Լուվր, և այլն)։

Դելակրուայի արվեստի ռեալիստական միտումները վառ կերպով արտահայտվել են դիմանկարներում («Ինքնանկար», 1829, «Ֆ․ Շոպեն», 1838, երկուսն էլ՝ Լուվրում), բնանկարներում, նատյուրմորտներում, որմնանկարներում (Բուրբոնյան, 1833–1847, Լյուքսեմբուրգյան, 1845–1847, պալատներում և այլուր)։

Դելակրուայի ստեղծագործությունը XIX դարի համաշխարհային արվեստի բարձունքներից է։ Նա առաջիններից էր․ որ կիրառեց գույնի տարրալուծման սկզբունքը, լրացուցիչ տոների, երանգավորված ստվերների ու արտացոլումների համակարգը՝ մասամբ կանխելով իմպրեսիոնիստների հայտնագործումները։

Պատկերասրահ

Ժողովրդին առաջնորդող ազատությունը, 1830, Լուվր
Սերդանապալի մահը
Դելակրուայի որմնանկարներից

Տես նաև

Էժեն Դելակրուայի թանգարան

Ծանոթագրություններ

↑ ^1,0 ^1,1 ^1,2 ^1,3 ^1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
↑ ^2,0 ^2,1 ^2,2 ^2,3 ^2,4 Eugène Delacroix (նիդերլ.)
↑ ^3,0 ^3,1 Ferdinand Victor Eugène Delacroix (ֆր.) — ministère de la Culture.
↑ ^4,00 ^4,01 ^4,02 ^4,03 ^4,04 ^4,05 ^4,06 ^4,07 ^4,08 ^4,09 RKDartists (նիդերլ.)
↑ ^5,0 ^5,1 ^5,2 L'Humanité, l'humanité, لومانيتي (ֆր.) — RF: 1998. — ISSN 0242-6870; 2496-8617
↑ https://www.nga.gov/collection/artist-info.1221.html
↑ https://wepa.unima.org/en/maurice-sand/
↑ https://urresearch.rochester.edu/institutionalPublicationPublicView.action?institutionalItemId=3588

Երկեր

Мысли об искусстве, о знаменитых художниках, пер․ с франц․, М․, 1960
Дневник Делакруа, пер․ с франц․, т․ 1–2, М․, 1961

Գրականություն

Гастев А․ А․, Делакруа, М․, 1966․

Արտաքին հղումներ

Էժեն Դելակրուա - Միքելանջելո

Վիքիպահեստն ունի նյութեր, որոնք վերաբերում են «Էժեն Դելակրուա» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 3, էջ 325)։

[_e0726238967ee384-1] 1,0 ^1,1 ^1,2 ^1,3 ^1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.

[_ec63574bb12550b6-2] 2,0 ^2,1 ^2,2 ^2,3 ^2,4 Eugène Delacroix (նիդերլ.)

[_0420206efb034a90-3] 3,0 ^3,1 Ferdinand Victor Eugène Delacroix (ֆր.) — ministère de la Culture.

[_82caa955d69ee8c1-4] 4,00 ^4,01 ^4,02 ^4,03 ^4,04 ^4,05 ^4,06 ^4,07 ^4,08 ^4,09 RKDartists (նիդերլ.)

[_342ed22234312ac1-5] 5,0 ^5,1 ^5,2 L'Humanité, l'humanité, لومانيتي (ֆր.) — RF: 1998. — ISSN 0242-6870; 2496-8617

[_dce45aca1c434405-6] ttps://www.nga.gov/collection/artist-info.1221.html

[_26b22731a42089cf-7] ttps://wepa.unima.org/en/maurice-sand/

[_e688dea7f3e1b34f-8] ttps://urresearch.rochester.edu/institutionalPublicationPublicView.action?institutionalItemId=3588

[1]