Եվ մարում է լույսը...
 անգլ.՝ Lights Out | |
|---|---|
 | |
| Երկիր |  ԱՄՆ |
| Ժանր | սարսափ ֆիլմ, թրիլեր և ֆիլմ ուրվականների մասին |
| Թվական | օգոստոսի 4, 2016[1][2], հուլիսի 21, 2016[3] և 2016 |
| Լեզու | անգլերեն |
| Ռեժիսոր | Դեյվիդ Սանդբերգ |
| Պրոդյուսեր | Ջեյմս Վան և Էրիկ Հայսերեր |
| Սցենարի հեղինակ | Էրիկ Հայսերեր |
| Դերակատարներ | Թերեզա Փալմեր, Մարիա Բելո, Բիլլի Բյորք[4], Էմիլի Էլին Լինդ[4], Գաբրիել Բեյթման[4] և Էնդի Օշո |
| Երաժշտություն | Բենջամին Ուոլֆիշ |
| Մոնտաժ | Միշել Ալլեր և Քիրք Մ. Մորի |
| Կինոընկերություն | New Line Cinema, RatPac-Dune Entertainment, Atomic Monster Productions և Grey Matter Productions |
| Տևողություն | 81 րոպե |
| Բյուջե | 4 900 000 $ |
| Շահույթ | 148 000 000 $[5][6] |
| Պաշտոնական կայքէջ | |
Եվ մարում է լույսը... (անգլ.՝ Lights out), ամերիկյան սարսափ ֆիլմ, որը ստեղծվել է 2013 թվականին։ Ռեժիսորը Դևիդ Ֆ. Սանդբերգն է, սցենարի հեղինակներն են Էրիկ Հայսերերը, Թերեզա Պալմերը և Գաբրիել Բեյթմանը։ Ֆիլմի համաշխարհային պրեմիերան տեղի է ունեցել 2016 թվականի հունիսի 8-ին Լոս Անջելեսում կայացած կինոփառատոնում։ Ամերիկյան վարձույթում ֆիլմը թողարկվել է 2016 թվականի հուլիսի 22-ին։
Սյուժե
[խմբագրել | խմբագրել կոդը]Ֆիլմը սկսվում է Մարտին Գաբրիել Բեյթմանի և նրա հոր` Փոլի երկխոսությամբ, որտեղ Մարտինը պատմում է, որ իր մայրը խոսում է իր հետ։ Հայրը երեխային խոստանում է մի քանի ժամվա ընթացքում տուն վերադառնալ և քննարկել ամեն ինչ։ Միևնույն ժամանակ, Էսթերը (Լոտտա Լոստեն), Փոլի քարտուղարուհին, քայլում է պահեստի շուրջը, միացնում է լույսը ծառայողական սենյակում և անջատում սենյակի լույսը։ Նկատելով տարօրինակ կնոջը` միացնում է սենյակի լույսը, և կինը անհետանում է։ Էսթերը մի քանի անգամ միացնում և անջատում է լույսը, մինչև որ կինը մոտենում է նրան։ Քարտուղարուհին վախեցած փախչում է Փոլի գրասենյակ, զգուշացնում է նրան վտանգի մասին, ապա գնում է տուն։ Փոլը գնում է պահեստ,որտեղ էլ տեսնում է ուրվական։ Նա կանչում է ուրվականին` մտածելով որ դա Էսթերն է, բայց լույսը միանում է և Փոլը խելագարվում է։ Ուրվականը գնում է դեպի լույսը և Փոլը նկատում է, որ նրա ոտքը պոկված է և չի կարող դուրս գալ խավարից։ Փոլը գիտակցում է վտանգը և անցնում է առանձնասենյակ, միացնում է լույսը և կողպում է դուռը։ Ուրվականը այրում է լամպը, բացում է դուռը և սպանում է նրան։ Հաջորդ տեսարանում մարդու հաշմված մարմինն ընկնում է լուսավոր տեղ։ Որոշ ժամանակ անց ֆիլմի տեսարանը տեղապոխվում է Ռեբեկայի բնակարան։ Այնտեղ նրա ընկերը` Բեթը, փորձում է համոզել աղջկան գիշերել նրա տանը, բայց աղջիկը մերժում է նրան։ Բեթը դուրս է գալիս տանից` պահարանում թողնելով իր կեղտոտ զուգագուլպաները։ Աղջիկը նկատում է և պատուհանից նետում տղայի վրա` խոստովանելով իր համակրանքը տղայի հանդեպ։ Այնուհետև տեսարանը կրկին տեղափոխվում է Սոֆիի բնակարան։ Մարտինը գտնվում է իր անկողնու վրա և մտածում է իր և մոր խոսակցության մասին։ Նա դուրս է գալիս սենյակից և գնում մոր մոտ։ Մայրը հավաստիացնում է նրան, որ ամեն ինչ լավ է և խնդրում է վերադառնալ ննջարան։ Մարտինը նկատում է մայրիկի ետևում նույն հյուծված կնոջը և վազում է դեպի իր ննջարան, մտնում է ներս միացնում լույսը և կողպում է դուռը։ Դրանից հետո ուրվականը փորձում է բացել դուռը, բայց չկարողանալով հեռանում է։ Հաջորդ առավոտ,Մարտինը գնում է դպրոց և քնում է դասարանում։ Ուսուցիչը կանչում է Ռեբեկային` Մարտինի քույրիկին, որպեսզի նա տանի Մարտինին, բայց Մարտինը չի ցանկանում գնալ տուն։ Ուսուցիչը Ռեբեկային պատմում է, որ Մարտինը պարբերաբար քնում է դասարանում։ Ռեբեկան Մարտինին տանում է տուն, բայց նա փորձում է քրոջը համոզել, որ մնա նրա մոտ։ Ռեբեկան խոսում է մոր հետ, բայց մայրն իրեն անհասկանալի է պահում, և Ռեբեկան հասկանում է, որ մայրը դեղերի կարիք ունի։ Ռեբեկան և Մարտինը հեռանում են, իսկ մայրը հեկեկալով մտնում է տուն։ Հասնելով տուն` Ռեբեկան Մարտինին ցույց է տալիս իր ննջասենյակը։ Երեկոն անցնում է հանգիստ, և քույր ու եղբայր գնում են քնելու։ Գիշերը Ռեբեկան անհանգիստ է լինում։ Բացելով աչքերը` դռան մոտ Ռեբեկան տեսնում է հյուծված կնոջը։ Ռեբեկաըի սենյակի լույսը մի քանի անգամ անջատվում և միանում է, և լույսի միանալու հետ միասին անհետանում է նաև կինը։ Մի քանի անգամ լույսը անջատվել միանալուց հետո կինը հարձակվում է աղջկա վրա։ Ռեբեկան խուճապի մատնվելով փնտրում է Մարտինին, և նրան գտնում լոգարանում` լամպը ձեռքին քնած։ Հաջորդ առավոտ Ռեբեկան Մարտինին տանում է դպրոց, և վերադառնում այնտեղ, որտեղ տեսել էր ուրվականին։ Այնուհետև եղբայրը և քույրը պարզում են, որ ուրվականը երևում է միայն լույսի բացակայության ժամանակ։ Ֆիլմը ավարտվում է տեսարանով, որտեղ Բրետը, Ռեբեկան ու Մարտինը նստած են շտապօգնության մեջ և քննարկում են ապագան։ Բրետը խոստանում է, որ նա միշտ կլինի նրանց հետ։ Խցիկը հեռանում է, հնչում է անհանգիստ երաժշտություն, և ֆիլմն ավարտվում է։
Քաստինգ
[խմբագրել | խմբագրել կոդը]2015 թվականի հունիսի 16-ին Գաբրիել Բեյթմանն ստանում է ֆիլմի ��լխավոր դերերից մեկը[7]։ Ֆիլմի պրոդյուսերի հետ հարցազրույցում Լոուրենս Գրեյը 2016 թ. ապրիլին հայտնել է, որ ֆիլմը «մի բանի մասին է, որը ստիպում է մեզ վախենալ մութից»։
Նկարահանումներ
[խմբագրել | խմբագրել կոդը]2015 թվականի հունիսի 29-ին սկսեցին ֆիլմի նկարահանումները[8] և շարունակվեցին մինչև 2015 թվականի օգոստոսի 5[9]-ը։
Ծանոթագրություններ
[խմբագրել | խմբագրել կոդը]- ↑ Kinopolis (գերմ.) — 1905.
- ↑ Internet Movie Database — 1990.
- ↑ http://nmhh.hu/dokumentum/198182/terjesztett_filmalkotasok_art_filmek_nyilvantartasa.xlsx
- ↑ 4,0 4,1 4,2 ČSFD (չեխերեն) — 2001.
- ↑ https://archive.li/20170214114900/http://www.boxofficemojo.com/movies/?id=newline0116.htm
- ↑ https://archive.li/20170214115227/http://www.the-numbers.com/movie/Lights-Out-(2016)%23tab=summary
- ↑ Gabriel Bateman to Star in James Wan’s ‘Lights Out’
- ↑ On the Set for 6/29/15: Justin Lin Rolls Cameras on ‘Star Trek Beyond’, Emilia Clarke Wraps ‘Me Before You’ Արխիվացված 2015-06-30 Wayback Machine
- ↑ «James Wan on Instagram»
| ||||||
