Վիքիպեդիայից՝ ազատ հանրագիտարանից
Գումբո կամ Գամբո (անգլ.՝ gumbo), ամերիկյան խոհանոցի ուտեստ՝ տարածված Լուիզիանա նահանգում։ Ուտեստը համեմունքներով թանձր ապուր է, որի խտությունը նման է ռագուին։ Ուտեստը համարվում է քաջունովների խոհանոցի ժառանգությունը, ովքեր 18-րդ դարում Կանադա արտագաղթած ֆրանսիացիներն են։ Նոր աշխարհի ուտեստների մեծ մասը հայտնվել է աֆրիկացի ստրուկների շնորհիվ, ովքեր իրենց հետ բերել էին ապուրի գլխավոր բաղադրիչը՝ բամիան[1]։ Իրականում բույսի մեկ այլ անվանումից էլ (գոմբո) ուտեստը ստացել է ներկայիս անվանումը։ Այն երկրներում, որտեղ դժվար է ստանալ բամիա, այն փոխարինում են նեխուրի ցողունով։ Գամբոյի կազմի մեջ են մտնում բանջարեղեն՝ լոլիկ, սոխ, քաղցր պղպեղ, միս, հավի միս, երշիկ, խոզապուխտ կամ ծովամթերք (ծովախեցգետին, ոստրե)։
Ուտեստը թանձրացնում են ռու սոուսով, որը պատրաստվում է ալյուրից և կարագից (ալյուրը տապակում են կարագի մեջ մինչև այն ստանա վառ-աղյուսի գույն), ինչի շնորհիվ էլ ապուրը ստանում է իր թանձրությունը, ինչպես նաև համեմում են կրեոլյան համեմունքներով։ Սովորաբար ուտեստը մատուցվում է խաշած բրձնի հետ։
ԱՄՆ
Gumbo Վիքիպահեստում
