Արթուր Բաղդասարյան

Վիքիպեդիայում կան հոդվածներ Բաղդասարյան ազգանունով այլ մարդկանց մասին։

Արթուր Վահանի Բաղդասարյան
Ծնվել է	նոյեմբերի 8, 1968(1968-11-08)[1] (56 տարեկան)
Ծննդավայր	Երևան, Հայկական ԽՍՀ, ԽՍՀՄ
Քաղաքացիություն	ԽՍՀՄ և Հայաստան
Կրթություն	ԵՊՀ իրավաբանական ֆակուլտետ և Երևանի պետական համալսարան
Գիտական աստիճան	իրավաբանական գիտությունների դոկտոր
Մասնագիտություն	քաղաքական գործիչ
Զբաղեցրած պաշտոններ	Հայաստանի Ազգային ժողովի պատգամավոր, Եվրոպայի խորհրդի խորհրդարանական վեհաժողովի փոխարինող և Հայաստանի Ազգային ժողովի նախագահ
Կուսակցություն	Օրինաց երկիր
Պարգևներ և մրցանակներ
Անդամություն	Եվրոպայի խորհրդի խորհրդարանական վեհաժողով
Artur Baghdasaryan Վիքիպահեստում

Արթուր Վահանի Բաղդասարյան (նոյեմբերի 8, 1968(1968-11-08)^[1], Երևան, Հայկական ԽՍՀ, ԽՍՀՄ), կուսակցական, քաղաքական, պետական գործիչ Հայաստանում, խոշոր բիզնեսմեն^{[2][3][4][5][6]}, մեծահարուստ^[6], «Օրինաց երկիր» (նախկինում Հայկական Վերածնունդ) կուսակցության նախագահ, ՀՀ ԱԺ նախկին նախագահ, ՀՀ Ազգային անվտանգության խորհրդի նախկին քարտուղար, Հայաստանում Ֆրանսիական համալսարանի հոգաբարձուների խորհրդի նախագահ, ՀԱՊԿ ակադեմիայի խորհրդի նախագահ, Եվրոպական համալսարանի հոգաբարձուների խորհրդի նախագահ։

Արթուր Բաղդասարյանը ծնվել է 1968 թվականիի նոյեմբերի 8-ին ՀԽՍՀ մայրաքաղաք Երևանում։

• 1985 թ. ավարտել է Երևանի Խ. Աբովյանի անվան թիվ 2 միջն. դպրոցը։
• 1985-1986 թթ. սովորել և ավարտել է Մոսկվայի պետական համալսարանի իրավաբանական դասընթացները։
• 1986-1992 թթ. սովորել և ավարտել է Երևանի պետական համալսարանի իրավաբանական ֆակուլտետը։
• 1988-1989 թթ. ծառայել է Խորհրդային բանակում։
• 1994-1997 թթ. սովորել և ավարտել է Ռուսաստանի Դաշնության Նախագահին առընթեր պետական ծառայության ակադեմիան (գերազանցության դիպլոմով)։

• 1989-1993 թթ. աշխատել է «Ավանգարդ» թերթի խմբագրությունում որպես թղթակից, բաժնի պետ, խմբագրի տեղակալ։
• 1992 թ. սեպտեմբերին ընտրվել է Շենգավիթի շրջանային խորհրդի պատգամավոր։
• 1993-1995 թթ. վարել է Երևանի Շենգավիթի շրջխորհրդի գործկոմի նախագահի տեղակալի պաշտոնը՝ այդպիսով լինելով ամենաերիտասարդ պաշտոնյան ՀՀ տեղական ինքնակառավարման համակարգում։
• 1995 թ. ընտրվել է Հայաստանի իրավագետների և քաղաքագետների միության նախագահ։
• 1999-2003 թթ. - Հայ-ֆրանսիական խորհրդարանական խմբի ղեկավար։
• 2004 թ. ընտրվել է Միջազգային քրիստոնեադեմոկրատական համաշխարհային խորհրդարանական Ինտերնացիոնալի փոխնախագահ։
• 2007 թ. փետրվարին ընտրվել է Եվրոպական հանձնաժողովի ֆինանսավորմամբ հիմնադրված Կովկաս-Կասպյան միջազգային հանձնաժողովի համանախագահ։
• 2000 թվականից Հայաստանում Ֆրանսիական համալսարանի հոգաբարձուների խորհրդի նախագահն է, 2002 թվականից՝ Եվրոպական տարածաշրջանային ակադեմիայի հոգաբարձուների խորհրդի նախագահը։ 2013 թ. մայիսին Մոսկվայում ընտրվել է Հավաքական անվտանգության պայմանագրի կազմակերպության Ակադեմիայի հոգաբարձուների խորհրդի նախագահ։ 2013 թ. սեպտեմբերի 19-ին ընտրվել է Հայաստանի Հանրապետության Վոլեյբոլի ֆեդերացիայի նախագահ։ Մի շարք գիտական մենագրությունների, 100-ից ավելի գիտական և հրապարակախոսական հոդվածների հեղինակ է։

• 1995 թ. ընտրվել է ՀՀ Ազգային Ժողովի 1-ին գումարման պատգամավոր՝ դառնալով ամենաերիտասարդ պատգամավորը։
• 1997 թ. հիմնադրել է «Օրինաց երկիր» կուսակցությունը և 1998 թ. կայացած կուսակցության անդրանիկ համագումարում ընտրվել կուսակցության նախագահ։
• 1998 թ. փետրվարին ընտրվել և մինչև 1999 թ. հունիս պաշտոնավարել է ՀՀ ԱԺ պետական-իրավական հարցերի մշտական հանձնաժողովի նախագահի պաշտոնում։
• 1999 թ. մայիսի 30-ին ընտրվել է ՀՀ Ազգային Ժողովի 2-րդ գումարման պատգամավոր թիվ 21 ընտրատարածքից։ 1999-2003 թթ. - «Օրինաց Երկիր» խմբակցության ղեկավար։
• 2003 թ. մայիսի 25-ին ընտրվել է ՀՀ Ազգային Ժողովի 3-րդ գումարման պատգամավոր «Օրինաց երկիր» կուսակցության համամասնական ընտրացուցակով։
• 2003 թ. հունիսի 12-ին ընտրվել է ՀՀ Ազգային Ժողովի նախագահ՝ Հայաստանի երեք հանրապետությունների և աշխարհի խորհրդարանների պատմության մեջ խորհրդարանի ամենաերիտասարդ ղեկավարը։
• 2005 թ. մարտին ընտրվել է Հայկական բարեկամության խորհրդարանական վեհաժողովի նախագահ։
• 2006 թ. մայիսի 29-ին ներկայացրել է հրաժարական ՀՀ Ազգային ժողովի նախագահի պաշտոնից։
• 2006-2007 թթ. - ՀՀ Ազգային Ժողովի պատգամավոր, ԱԺ «Օրինաց Երկիր» խմբակցության ղեկավար։
• 2007 թ. մայիսի 6-ին ընտրվել է ՀՀ Ազգային Ժողովի 3-րդ գումարման պատգամավոր «Օրինաց երկիր» կուսակցության համամասնական ընտրացուցակով։ ԱԺ «Օրինաց երկիր» խմբակցության ղեկավար։
• 2007 թ. նոյեմբերին «Օրինաց երկիր» կուսակցության համագումարում առաջադրվել է ՀՀ Նախագահի թեկնածու։
• 2008 թ. փետրվարի 19-ին կայացած ՀՀ Նախագահի ընտրություններում զբաղեցրել է 3-րդ տեղը։
• 2008 թ. մայիսի 4-ին ՀՀ Նախագահի հրամանագրով նշանակվել է ՀՀ Ազգային անվտանգության խորհրդի քարտուղար^[7]։
• 2014 թ. ապրիլին ներկայացրել է հրաժարական ՀՀ Ազգային անվտանգության խորհրդի քարտուղարի պաշտոնից, որից ազատվել է 2014 թ. ապրիլի 30-ին՝ ՀՀ Նախագահի հրամանագրով^[8]։
• 2016 թ. փետրվարի 21-ին «Հայկական վերածնունդ միավորում» կուսակցության անդրանիկ համագումարում ընտրվել է «Հայկական վերածնունդ միավորում» կուսակցության նախագահ^[9]։
• 2018 թ. փետրվարի 24-ին "Օրինաց երկիր" կուսակցության համագումարում վերընտրվել է "Օրինաց երկիր" կուսակցության նախագահ։

• Իրավագիտության թեկնածու (1995)։
• Իրավագիտության դոկտոր (1997)։
• Պրոֆեսոր (1998,ՀՀ ամենաերիտասարդ պրոֆեսոր)։
• Գյումրու պատվավոր քաղաքացի (2009)^[10]։
• Ինֆորմատիզացիայի միջազգային ակադեմիայի իսկական անդամ, պրոֆեսոր (2010)։
• Ռուսաստանի Դաշնության անվտանգության և պաշտպանության ակադեմիայի իսկական անդամ, պրոֆեսոր (2011)։
• «Հայրենիքին մատուցած ծառայությունների համար» 1-ին աստիճանի մեդալ (2012)^[11]։
• ԱՊՀ երկրների սահմանային անվտանգության ամրապնդման գործում ունեցած ներդրման համար պարգևատրվել է ԱՊՀ անդամ պետությունների Սահմանապահ զորքերի հրամանատարների խորհրդի բարձրագույն մեդալ (2010)։
• Ռուսաստանի Դաշնության անվտանգության խորհրդի քարտուղար Նիկոլայ Պատրուշևի կողմից հայ-ռուսական հարաբերությունների զարգացման և ամրապնդման գործում ունեցած ներդրման համար պարգևատրվել է ՌԴ Անվտանգության խորհրդի մեդալով (2011)։
• Ռուսաստանի Դաշնության ռազմատեխնիկական համագործակցության դաշնային ծառայության բարձրագույն մեդալ (2012)։
• «Հավաքական անվտանգության պայմանագրի» կազմակերպության բարձրագույն պարգև՝ մեդալ ՀԱՊԿ հավաքական անվտանգության համակարգի զարգացման և ամրապնդման գործում մեծ ավանդի, ռազմական և ռազմատեխնիկական համագործակցության ամրապնդման, ՀԱՊԿ հավաքական անվտանգության խորհրդի որոշումների գործնական իրականացմանն ակտիվ մասնակցության համար (2013)։

Պարգևատրվել է նաև Ֆրանսիայի Հանրապետության, Ռուսաստանի Դաշնության, Ավստրիայի Հանրապետության, Ղազախստանի Հանրապետության պետական բարձր պարգևներով, շքանշաններով և մեդալներով, ԱՊՀ խորհրդարանական վեհաժողովի շքանշանով, Համաշխարհային խորհրդարանական միության, ԵԱՀԿ խորհրդարանական վեհաժողովի և Եվրոպայի Խորհրդի խորհրդարանական վեհաժողովի պարգևներով։ Պարգևատրվել է նաև Ֆրանսիայի սենատի, Իտալիայի խորհրդարանի, ՌԴ Դաշնային ժողովի մեդալներով։

Տիրապետում է հայերեն, ռուսերեն, ֆրանսերեն, անգլերեն լեզուներին։ Ամուսնացած է, ունի երեք երեխա^[12]։

դ ք խ  Հայաստանի ազգային անվտանգության խորհրդի քարտուղարները Աշոտ Գառնիկի Մանուչարյան (1991-1994) • Ժիրայր Սեդրակի Լիպարիտյան (1994-1998) • Ալեքսան Մաքսիմի Հարությունյան (1998-1999) • Սերժ Ազատի Սարգսյան (1999-2007) • Արմեն Անդրանիկի Գևորգյան (2007-2008) • Արթուր Վահանի Բաղդասարյան (2008-2014) • Արմեն Գևորգյան (2016) • Յուրի Խաչատուրով (2016-2017) • Արմեն Գրիգորյան (2018-2021)

դ ք խ ՀՀ Ազգային ժողովի պետական-իրավական հարցերի մշտական հանձնաժողովի նախագահներ Էդուարդ Շմավոնի Եգորյան (1995-1998) • Վիգեն Սուրենի Խաչատրյան (1998-1999) • Արթուր Վահանի Բաղդասարյան (1998-1999) • Յուրի Գուրգենի Բախշյան (1999) • Վիկտոր Երվանդի Դալլաքյան (1999-2003) • Ռաֆիկ Գարեգինի Պետրոսյան (2003-2007) • Դավիթ Էդոնիսի Հարությունյան (2007-2014) • Հովհաննես Միշայի Սահակյան (2014-2017) • Գևորգ Կոստանյան(2017-2018) • Վլադիմիր Վարդանյան (2019-)

դ ք խ ՀՀ Ազգային ժողովի «Օրինաց երկիր» խմբակցության ղեկավարները Արթուր Վահանի Բաղդասարյան (1999-2003) • Սամվել Միսակի Բալասանյան (2003-2007) • Արթուր Վահանի Բաղդասարյան (2007-2008) • Հեղինե Վաչեի Բիշարյան (2008-ից)

Վիքիքաղվածքն ունի նյութեր, որոնք վերաբերում են «Արթուր Բաղդասարյան» հոդվածին։

Վիքիդարանն ունի նյութեր, որոնք վերաբերում են «Արթուր Բաղդասարյան» հոդվածին։

Վիքիպահեստն ունի նյութեր, որոնք վերաբերում են «Արթուր Բաղդասարյան» հոդվածին։

Թեմատիկ կայքեր Հայաստանի Ազգային ժողով · Հայաստանի Ազգային ժողով · Հայաստանի Ազգային ժողով Բառարաններ և հանրագիտարաններ Արմենիապեդիա · Լենտապեդիա Չափորոշչային վերահսկողություն ՀԳՀԳ: 9513 · LCCN: n99051163 · VIAF: 78111776 · WorldCat VIAF: 78111776