Նովիգրադ (Իստրիա)
| Քաղաք | |||||
|---|---|---|---|---|---|
| Նովիգրադ | |||||
| խորվ.՝ Novigrad | |||||
| |||||
.jpg) | |||||
| Երկիր |  Խորվաթիա | ||||
| Ժուպանություն | Իստրիա | ||||
| Համայնք | Իստրիա | ||||
| Քաղաքապետ | Անտե Միլոչ | ||||
| Մակերես | 26,6 կմ², 4,3 կմ² | ||||
| ԲԾՄ | 1 մետր | ||||
| Բնակչություն | 4345 մարդ (2011) | ||||
| Ժամային գոտի | UTC+1 | ||||
| Հեռախոսային կոդ | 052 | ||||
| Փոստային դասիչ | 52466[1] | ||||
| Պաշտոնական կայք | novigrad.hr | ||||
| |||||
Նովիգրադ[2] (խորվ.՝ Novigrad, իտալ.՝ Cittànova d'Istria), քաղաք Խորվաթիայում։ Գտնվում է Իստրիա թերակղզու արևմտյան ափին, Ադրիատիկ ծովի Ումագ և Պորեչ քաղաքների միջև։ Համայնքի կազմում ընդգրկված են 5 գյուղեր՝ Անտենալ (խորվ.՝ Antenal), Բուժինիյա (խորվ.՝ Bužinija), Դայլա (խորվ.՝ Dajla), Մարեդա (խորվ.՝ Mareda) և Նովիգրադ (խորվ.՝ Novigrad):
Ընդհանուր տեղեկություններ
[խմբագրել | խմբագրել կոդը]Այն մասին, որ քաղաքը բնակեցված է եղել դեռևս հին դարերում, վկայում են շատ հնագիտական հետազոտություններ։ Նեապոլիս (խորվ.՝ Neapolis) անվամբ քաղաքը առաջին անգամ հիշատակվել է 7-րդ դարում։
6-7-րդ դարերում քաղաքը գտնվում էր Բյուզանդիայի կազմում, 8-9-րդ դարերում՝ Ֆրանկոնիայի կազմում, 10-12-րդ դարերում՝ Գերմանիայի կազմում։ 1270-1797 թվականներին քաղաքը եղել է Վենետիկի գերիշխանության տակ, 1805-1813 թվականներին՝ Նապոլեոնի իշխանության տակ։ 1814-1918 թվականներին Նովիգրադ քաղաքը եղել է Ավստրո-Հունգարիայի կազմում։
Բնակչություն
[խմբագրել | խմբագրել կոդը]Ըստ 2011 թվականի մարդահամարի տվյալների քաղաքը բաղկացած է 5 բնակավայրերից, որտեղ ապրում են 4345 բնակիչներ։
Ազգային կազմը հետևյալն է[3] ՝
- խորվաթներ - 66,4 %
- իտալացիներ - 10,2 %
- ալբանացիներ - 3,4 %
- սերբեր - 2,8 %
- սլովեններ - 2,1 %
Կրթություն
[խմբագրել | խմբագրել կոդը]Քաղաքում կրթական հաստատություններից գտնվում է միայն տարրական դպրոց։ Միջնակարգ կրթություն ստանալու համար անհրաժեշտ է այցելել հարևան Բուե և Պորեչ քաղաքներ։ Աշակերտների մի մասը այցելում է Պուլայի, Պազինի և Ռիեկայի ուսումնական հաստատություններ։
Տնտեսություն
[խմբագրել | խմբագրել կոդը]Նովիգրադը անցյալում հայտնի էր որպես ձկնորսության քաղաք։ 20-րդ դարի 60-ական թվականների տնտեսական բուռն զարգացման շրջանում բնակչությունը սկսել է աշխատել տեքստիլ արդյունաբերության և գյուղատնտեսության ոլորտներում։ 70-ական թվականներին բնակչությունը սկսում է աշխատել հյուրանոցային և ռեստորանային բիզնեսներում։ Այսօր Նովիգրադի տնտեսության կարևոր ոլորտները մնում են ձկնորսությունը, տեքստիլ արդյունաբերությունը և գյուղատնտեսությունը։
Տեսարժան վայրեր
[խմբագրել | խմբագրել կոդը]- Սուրբ Պելագիյա և Սուրբ Մաքսիմ ծխական եկեղեցի - իր գոյության ընթացքում 1408, 1580, 1746 և 1775 թվականներին վերականգնվել է։ 1935 թվականին շենքի արտաքին տեսքը փոփոխություններ չի կրել։
- Զանգակատուն - կառուցվել է 1883 թվականին։
- Քաղաքային պատեր - կառուցվել են 13-րդ դարի կեսերին, բայց տարբեր ժամանակահատվածներում վերականգնվել են։
- Սուրբ Ագաթա եկեղեցի - գտնվում է հին քաղաքային գերեզմանոցում։ Շենքը հետաքրքիր է իր ճարտարապետությամբ։ Եկեղեցին 1993-1955 թվականներին ենթարկվել է վերականգնողական աշխատանքների։
- Սուրբ Անտոն եկեղեցի - պահպանվում է մինչև օրս։
Ծանոթագրություններ
[խմբագրել | խմբագրել կոդը]- ↑ List of Croatian settlements and delivery post offices — 2022.
- ↑ Արտասահմանյան երկրների աշխարհագրական անվանումների բառարան / խմբ․ Ա․ Մ․ Կոմիկով. — 3֊րդ հրատարակություն. — Մոսկվա: Նեդրա, 1986. — С. 255.
- ↑ Данные переписи 2011 года
Արտաքին հղումներ
[խմբագրել | խմբագրել կոդը]- Официальный веб-сайт города (խորվ.)
- Итальянская коммуна Новиграда Արխիվացված 2010-01-31 Wayback Machine (իտալ.)
- Фото Новиграда
 | Վիքիպահեստն ունի նյութեր, որոնք վերաբերում են «Նովիգրադ (Իստրիա)» հոդվածին։ |
| ||||||
