Provincia de Cuenca

Provincia de Cuenca

Cuenca (es)
Localización
40°N 2°O / 40, -2
Estado	España
Comunidade autónoma	Castela-A Mancha
Capital	Cuenca
Poboación
Poboación	198.718 (2017) (11,59 hab./km²)
Xeografía
Superficie	17.141 km²
Punto máis alto	cerro San Felipe (1.839 m)
Punto máis baixo	Río Cabriel (480 m)
Comparte fronteira con	provincia de Madrid provincia de Cidade Real provincia de Toledo provincia de Albacete provincia de Valencia Provincia de Teruel provincia de Guadalaxara
Organización política
Órgano executivo	Diputación Provincial de Cuenca
• Q56189625	Benjamín Prieto Valencia (2011–)
Identificador descritivo
Código postal	16
Fuso horario	UTC+01:00
ISO 3166-2	ES-CU
Código NUTS	ES423
Código INE	16
Páxina web	dipucuenca.es

A provincia de Cuenca é unha provincia española situada na parte oriental de Castela-A Mancha. No ano 2006 estaban censadas na provincia 208.616 persoas, nunha área de 17.061 km², repartida entre 238 municipios. Unha cuarta parte da poboación residía na capital.

Limita ao sur coas provincias de Albacete e Cidade Real, ao norte coa provincia de Guadalaxara e máis a Comunidade Autónoma de Aragón, ao leste coa Comunidade Valenciana, e ao oeste coa provincia de Toledo e a Comunidade de Madrid.

• La Alcarria
• La Mancha
• La Manchuela
• Serranía de Cuenca

Cuenca, cunha economía algo deprimida debido principalmente á emigración continuada, parece renacer agora co turismo e o progresivo coñecemento das súas excelentes paisaxes e recursos. A economía estivo tradicionalmente centrada nas actividades agrarias e forestais: cereais, vide, oliveira, azafrán, allos, garavanzos, lentellas, cultivo de fungos (Villanueva de la Jara, Altarejos, Las Pedroñeras, Los Hinojosos, Mota del Cuervo, Poboa de Almenara). A industria céntrase sobre todo no sector derivado da riqueza forestal conquense: serradoiros (Conca, Almodóvar del Pinar) e resinas (Conca, Arcos de la Sierra). Os seus mananciais de augas minerais de gran calidade, principalmente ao norte da provincia, dan lugar a unha industria embotelladora de importancia crecente (por exemplo, as augas de Beteta e de Huerta del Marquesado). Ten no seu territorio os encoros de Buendía, La Toba, Alarcón e Contreras que hoxe día están nunha situación moi deficitaria.

Os seus produtos máis característicos son os derivados cárnicos, sobremesas como o alajú, bebidas como o resolí, o viño e a augardente de Ribatajada, o queixo, o allo morado de Las Pedroñeras, os cogomelos e o champiñón da Manchuela e o mel da Alcarria.

• Lista de concellos de Cuenca
• Provincias de España

• Deputación Provincial de Cuenca

Wikimedia Commons ten máis contidos multimedia na categoría:  Provincia de Cuenca