Maracaibo

Maracaibo

Epónimo	Lago de Maracaibo
Localización
10°38′N 71°38′O / 10.63, -71.63
Estado	Venezuela
Estado da Venezuela (pt)	Zulia
Capital de	Zulia Municipio Maracaibo (pt)
Poboación
Poboación	1.551.539 (2011) (1.113,81 hab./km²)
Xeografía
Superficie	1.393 km²
Bañado por	Lago de Maracaibo
Altitude	6 m
Datos históricos
Fundador	Ambrosius Ehinger (en)
Creación	8 de setembro de 1529
Identificador descritivo
Código postal	4001 a 4046
Fuso horario	UTC−04:00
Prefixo telefónico	0261
Outro
Irmandado con	Zonguldak (pt) Isfahán Miami ../... 23+
Páxina web	maracaibo.gob.ve

A cidade de Maracaibo é a capital do Estado do Zulia, en Venezuela, e mais do Municipio Maracaibo. É alcumada "Tierra del Sol Amada".^[1]

Maracaibo é unha das cidades máis quentes de Venezuela e de toda América do Sur, de clima entre semiárido (Köppen: BSh) e de sabana tropical (Köppen: Aw) atenuado pola influencia moderadora do lago de Maracaibo; A temperatura histórica media de Maracaibo é de 29 °C (84,2 °F). No pasado, o clima da cidade, de feito en toda a costa do lago de Maracaibo, era insalubre debido á combinación de altas temperaturas e alta humidade. Hoxe, o control das pragas e os efectos do desenvolvemento urbano erradicaron en boa medida eses problemas.

Posúe unha poboación aproximada de algo máis de dous millóns e medio de habitantes, converténdose así na segunda cidade con máis poboación de toda Venezuela e a cidade máis extensa do país.

Situada no occidente do territorio venezolano, en terreos de orixe aluvial, dentro da depresión do lago de Maracaibo na beira noroeste deste.

A cidade foi fundada por primeira vez en 1529 polo conquistador alemán Ambrosius Einger como Neu Nürnberg ("novo Nürnberg") na colonia de Klein-Wenedig, pero pronto foi abandonada.

Foi refundada o 20 de xaneiro de 1571 polo capitán Alonso Pacheco co nome de Nueva Zamora, despois de tres anos de guerras cos indios Sáparas, Kyrikiris, Alliles e Toas locais.

Até o século XVII foi un importante porto colonial, tras varios ataques piratas perdeu a súa importancia.

Despois do descubrimento dos campos petrolíferos en 1917, a cidade comezou a desenvolverse activamente.

Unha das manifestacións culturais típicas de Maracaibo é a gaita zuliana.

En Maracaibo hai diversas universidades, sendo as principais a Universidade do Zulia - (LUZ, fundada en 1891) e a Universidade Rafael Urdaneta (fundada en 1973).

Ademais están radicadas en Maracaibo a Universidade Nacional Experimental de la Fuerza Armada UNEFA, Universidade Rafael Belloso Chacín - (URBE), Universidade Católica Cecilio Acosta, Universidade Dr. José Gregorio Hernández, Universidade Bolivariana de Venezuela sede Zulia e a Universidade Nacional Aberta (UNA).

Wikimedia Commons ten máis contidos multimedia na categoría:  Maracaibo

• Estado Zulia
• Lago de Maracaibo
• Coquivacoa
• Relampo do Catatumbo
• El Saladillo

• Turismo de Maracaibo.
• Alianza Francesa de Maracaibo.
• Información sobre o centro histórico da cidade.----

Este artigo é, polo de agora, só un bosquexo. Traballa nel para axudar a contribuír a que a Galipedia mellore e medre.