Jamestown, Santa Helena

Jamestown, Santa Helena
	City of Jamestown (en)
Epónimo	Xacobe II de Inglaterra
Localización
	15°55′31″S 5°43′05″O / -15.92514, -5.71792
Estado	Reino Unido
Territorio Británico	Santa Helena
Illa	Santa Helena
Capital de	Santa Helena ; Santa Helena
Poboación
Poboación	714 (2016) (198,33 hab./km²)
Xeografía
Superficie	3,6 km²
Creación	1659

Jamestown é a capital do territorio de Santa Helena, Ascensión e Tristan da Cunha, situada na illa de Santa Helena no océano Atlántico sur, é a capital e a única cidade de Santa Helena. Ten unha poboación de arredor de 630 persoas.. Tamén é o principal asentamento histórico da illa e atópase na súa costa noroeste. É o único porto e o centro da rede viaria e de comunicación da illa. Fundouse cando colonos da Compañía Británica das Indias Orientais se instalaron na illa en 1659 e foi ocupada brevemente pola Compañía Holandesa das Indias Orientais en 1673 antes de ser recuperada. Moitos dos edificios construídos pola Compañía Británica das Indias Orientais na década de 1700 sobreviven e dan á cidade o seu distintivo sabor xeorxiano.

A cidade albergou brevemente a Napoleón en 1815 durante o exilio en Santa Helena e máis tarde serviu como base da Royal Navy para suprimir o comercio de escravos. Non tivo ningún papel durante a primeira guerra mundial e só tivo un papel menor durante a segunda guerra mundial.

Historia e localización

Jamestown fundouna en 1659 a Compañía Británica das Indias Orientais e chamouse así por James, Duque de York, o futuro Xacobe II de Inglaterra. Está rodeada por desfiladeiros escarpados. A cidade está caracterizada pola presenza de edificacións de estilo gregoriano e pola súa zona portuaria, que se conserva case en estado orixinal. O lugar máis prominente da cidade é Jacob's Ladder, unha escaleira de man con 699 chanzos construída en 1829, que conecta Jamestown coa gornición en Ladder Hill, aínda usada na actualidade.

Poboación

En 2016, a cidade tiña 630 habitantes,^[1] un descenso significativo desde o ano 2008 no que a poboación era de 714 habitantes.^[2] A poboación da cidade diminuíu e xa non é o maior asentamento na illa, superada por Half Tree Hollow, Saint Paul's e Longwood.^[1]

Notas

↑ ^1,0 ^1,1 "St Helena 2016 Population & Housing: Census Summary Report" (PDF). Census 2016. St Helena Statistics Office. p. 12. Consultado o 21 de novembro de 2016.
↑ "2008 Population Census of St Helena" (PDF). St Helena Government. Consultado o 21 de setembro de 2016.

Véxase tamén

Ligazóns externas

Páxina de Información de Santa Helena (en inglés)

[census2016-1] 1,0 ^1,1 "St Helena 2016 Population & Housing: Census Summary Report" (PDF). Census 2016. St Helena Statistics Office. p. 12. Consultado o 21 de novembro de 2016.

[census2008-2] "2008 Population Census of St Helena" (PDF). St Helena Government. Consultado o 21 de setembro de 2016.

[1]