Якуб Юр’евіч Варанецкі

Якуб Юр’евіч Варанецкі (? — 1598) — рэлігійны дзеяч Вялікага Княства Літоўскага.

Біяграфія

Паходзіў з княжацкага роду Варанецкіх герба «Карыбут». Нарадзіўся ў сям’і Юрыя Фёдаравіча. У 1568 годзе каралеўскі сакратар і дваранін. У 1570 годзе пробашч геранёнскі, плябан ковенскі, адначасова з 1578 года пробашч ловіцкі і скерневіцкі (Польшча), з 1594 года плябан кейданскі. У 1578 годзе прызначаны Жыгімонтам Аўгустам жамойцкім біскупам, а ў 1585 годзе Стафанам Баторыем — кіеўскім біскупам, але абодва разы не быў зацверджаны (у 1585—1588 тытулаваўся біскупам-намінатам кіеўскім).

Валерый Пазднякоў. Варанецкія // Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 1: Абаленскі — Кадэнцыя. — 688 с. — ISBN 985-11-0314-4 (т. 1), ISBN 985-11-0315-2.