Ханна Хірш-Паўлі

Ханна Хірш-Паўлі
шведск.: Hanna Hirsch-Pauli
Імя пры нараджэнні	шведск.: Hanna Pauli
Дата нараджэння	13 студзеня 1864(1864-01-13)[1][2][…]
Месца нараджэння	Стакгольм, Стакгольм[d], Стакгольмскае обер-губернатарства[d], Швецыя[1][3]
Дата смерці	29 снежня 1940(1940-12-29)[1][4][…] (76 гадоў)
Месца смерці	Nacka församling[d], камуна Накка, лен Стакгольм, Швецыя[2][5]
Месца пахавання	Nacka Northern Cemetery[d][5]
Грамадзянства	Швецыя[6]
Бацька	Abraham Hirsch[d][3][1]
Муж	Georg Pauli[d][1]
Род дзейнасці	мастачка
Месца працы	Валандская акадэмія[d]
Вучоба	Акадэмія Каларосі[d] (1887)[1] мастацкая школа Аўгуста Мальмстрома[d] (1879)[7][1] Каралеўская акадэмія вольных мастацтваў (1885)[1]
Уплыў на	Eda Douscha[d] і Helga Stenhammar[d]
Член у	Шведскі дом[d] Tolfterna[d]
Медыяфайлы на Вікісховішчы

Ханна Хірш-Паўлі (шведск.: Hanna Hirsch Pauli; 13 студзеня 1864, Стакгольм — 29 снежня 1940, Сольна) — шведская мастачка-партрэтыстка.

Ханна Хірш-Паўлі нарадзілася 13 студзеня 1864 года ў Стакгольме ў сям'і музычнага выдаўца Абрагама Хірша, яе дзядзька — Адольф Хірш быў мастаком-пейзажыстам. Жывапіс дзяўчынка стала вывучаць з дванаццаці гадоў^[8].

З дзяцінства Ханна сябравала з Евай Боніер, яны разам вырашылі стаць мастачкамі. Разам вучыліся спачатку ў мастацкай Школе для жанчын у Аўгуста Мальмстрэма, куды Ханна паступіла ў 1880 годзе.

Праз год Ханна была прынятая ў Шведскую Каралеўскую Акадэмію мастацтваў у Стакгольме, дзе таксама вучылася разам з Боніер. Іх аднакурсніцай была таксама Карын Берг, якая ў той час была жонкай Карла Ларсана.

У 1885 Ханна за карціну «Пад лямпай» атрымала ў Каралеўскай акадэміі залаты медаль і стыпендыю для працягу вучобы за мяжой. Увосень гэтага ж года Ханна ў кампаніі з сяброўкай Евай адправілася ў Парыж, дзе яны паступілі ў Акадэмію Каларосі. Там яна вучылася з 1885 па 1887 год у майстэрні Паскаля Данье-Бювера і Рафаэля Коліна. У 1886 годзе ў Барбізоне пазнаёмілася са сваім будучым мужам, мастаком Георгам Паўлі.

У 1887 годзе яны пажаніліся, а мядовы месяц правялі ў Італіі. У 1889 годзе на Сусветнай выставе ў Парыжы Ханна Хірш-Паўлі атрымала медаль за сваю працу «Сябры»^[8].

У 1905 годзе Ханна і Георг пабудавалі вілу ў муніцыпалітэце Нака. У сям'і было трое дзяцей: Торстэн, які нарадзіўся ў 1889 годзе, Георг (1891) і Рут (1896). У 1940 годзе яе сын Георг і яго жонка Ліза загінулі ў аўтамабільнай катастрофе.

За сваё творчае жыццё мастачка Ханна Хірш-Паўлі стварыла шэраг партрэтаў мастакоў і пісьменнікаў, якія ўваходзяць у кола яе сяброў і сяброў яе мужа. Сярод іх - жывапісец Карл Нордстрэм, пісьменнік Вернер фон Хейдэнстам, пісьменніца Сельма Лагерлёф (1932, Нацыянальны музей), групавы партрэт «Сябры» (1907, Нацыянальны музей), на якім таксама намаляваная пісьменніца Элен Кей^[9].

У 1935 годзе муж і жонка Георг і Ханна Паўлі падарылі калекцыю карцін мастацкаму музею горада Ёнчэпінга.

Ханна Хірш-Паўлі памерла 29 снежня 1940 года.

Зараз творы мастачкі знаходзяцца ў Мастацкім музеі горада Ёнчэпінга, Нацыянальным музеі Швецыі^[9], у мастацкім музеі Гётэбарга, у прыватнай калекцыі твораў мастацтва сям'і Боніер.

Адна з вуліц на паўднёвым захадзе Стакгольма названая ў гонар мастачкі - вуліца Ханны Паўлі. У гэтым раёне го��ада шмат іншых вуліц таксама названыя ў гонар вядомых жанчын першай паловы ХХ стагоддзя.

• 
  Партрэт мастачкі Вені Солдан, 1887.
• 
  Герда, 1891
• 
  Сябры, 1885
• 
  Партрэт Джорджа Паўлі, 1910
• 
  Вернер фон Хейдэнстам, 1896
• 
  Час сняданку. 1887 г. Нацыянальны музей Швецыі, Стакгольм

• Gynning, Margareta: "Pauli, Hanna", Svenskt biografiskt lexikon, 28, pp. 746–749
• Gynning, Margareta: Det ambivalenta perspektivet: Eva Bonnier och Hanna Hirsch-Pauli i 1880-talets konstliv, Stockholm: Bonnier, (Diss. Uppsala University), 1999.
• Hansen, Vibeke Waallann, Women Artists in Paris 1850-1900, p. 76-77.