Марыя Рэса

Марыя Рэса
Марыя Рэса
	англ.: Maria Angelita Ressa
Імя пры нараджэнні	ісп.: María Angelita Delfín Aycardo
Род дзейнасці	журналістка, рэдактар, выкладчыца ўніверсітэта
Дата нараджэння	2 кастрычніка 1963 (61 год)
Месца нараджэння	Маніла, Сталічны рэгіён[d], Філіпіны;
Грамадзянства	Філіпіны; ЗША;
Месца працы	Rappler[d];
Альма-матар	Прынстанскі ўніверсітэт; Філіпінскі ўніверсітэт у Дзілімане[d]; Toms River High School North[d]; St. Scholastica's College[d];
Член у	International Consortium of Investigative Journalists[d];
Узнагароды і прэміі	Залатое пяро свабоды[d] (2018) 100 жанчын (2019) праграма Фулбрайта Прэмія Чатырох свабод — Свабода слова[d] UNESCO/Guillermo Cano World Press Freedom Prize[d] (2021) прэмія Тухольскага[d] (2020) Asia's Most Influential Philippines[d] (2022)
Сайт	mariaressa.com (англ.)
	Медыяфайлы на Вікісховішчы

Марыя Ангеліта Рэса (нар. 2 кастрычніка 1963(1963-10-02), Маніла^[1]) — філіпінска-амерыканская журналістка і пісьменніца, сузаснавальнік і генеральны дырэктар навіновага сайта «Rappler (малайск.) (бел.». Лаўрэатка Нобелеўскай прэміі міру разам з расійскім журналістам Дзмітрыем Муратавым за 2021 год^[5]. Першы філіпінскі лаўрэат Нобелеўскай прэміі.

Біяграфія

Бацька Марыі Ангеліты памёр, калі ёй быў усяго год. Яе маці выйшла замуж за амерыканца, і Марыя Ангеліта з 1973 года па 1986 год жыла ў ЗША, дзе скончыла Прынстанскі ўніверсітэт.

Марыя Ангеліта вярнулася на радзіму ў 1986 годзе, пасля Жоўтай рэвалюцыі, і пачала працаваць на тэлебачанні. З 1987 па 1995 год яна ўзначальвала бюро CNN у Маніле, а з 1995 па 2005 год узначальвала бюро CNN у Джакарце. З 2005 года яна ўзначальвала службу навінаў філіпінскай тэлекампаніі ABS-CBN, а ў 2011 годзе стварыла і ўзначаліла навіновы сайт «Rappler (малайск.) (бел.».

У 2020 годзе яна была асуджана за паклёп у інтэрнэце на падставе спрэчнага філіпінскага закона аб барацьбе з кіберзлачыннасцю. Пераслед Марыі Рэсы быў асуджаны праваабарончымі групамі і журналістамі як замах на свабоду прэсы.

Была ўключана ў спіс Person of the Year 2018 часопіса Time як адзін з журналістаў, якія змагаюцца з фэйкавымі навінамі. 13 лютага 2019 года была арыштаваная па абвінавачванні ў тым, што Rappler апублікаваў нібыта ілжывую навіну пра бізнесмена Вільфрэда Кенга (Wilfredo Keng). 15 чэрвеня 2020 года суд Манілы прызнаў яе вінаватай у паклёпе. Рэса з’яўляецца пастаянным крытыкам прэзідэнта Філіпін Радрыга Дутэртэ, яе арышт і асуджэнне былі расцэненыя многімі ў апазіцыі і міжнароднай супольнасці як палітычна матываваны акт.

Рэса — адна з 25 вядучых фігур у Камісіі па інфармацыі і дэмакратыі, заснаванай арганізацыяй «Рэпарцёры без межаў».

Зноскі

↑ ^а ^б Maria Ressa – Facts Праверана 28 студзеня 2022.
↑ https://www.manilatimes.net/2022/03/02/opinion/columns/comelec-spokesman-responsible-for-scandalous-illegal-deal-with-rappler/1834811
↑ https://www.rappler.com/about-rappler/about-us/6677-the-people-behind-rappler Праверана 18 красавіка 2020.
↑ https://www.icij.org/journalists/maria-ressa/ Праверана 28 чэрвеня 2023.
↑ Філь, Анна. Нобелівську премію миру отримають журналісти Марія Ресса і Дмитро Муратов (укр.). Deutsche Welle (8 кастрычніка 2021). Праверана 8 кастрычніка 2021.

[_341172eddb72b6ef-1] а ^б Maria Ressa – Facts Праверана 28 студзеня 2022.

[_caf9411b78c830fc-2] ttps://www.manilatimes.net/2022/03/02/opinion/columns/comelec-spokesman-responsible-for-scandalous-illegal-deal-with-rappler/1834811

[_82a43b2a9d383be1-3] ttps://www.rappler.com/about-rappler/about-us/6677-the-people-behind-rappler Праверана 18 красавіка 2020.

[_2fe3a654edf3c014-4] ttps://www.icij.org/journalists/maria-ressa/ Праверана 28 чэрвеня 2023.

[5] Філь, Анна. Нобелівську премію миру отримають журналісти Марія Ресса і Дмитро Муратов (укр.). Deutsche Welle (8 кастрычніка 2021). Праверана 8 кастрычніка 2021.

[1]