Марыя Ігараўна Фляйчук
| Марыя Ігараўна Фляйчук | |
|---|---|
| Марія Ігорівна Флейчук | |
 | |
| Дата нараджэння | 7 студзеня 1979 (45 гадоў) |
| Месца нараджэння | |
| Грамадзянства |
 Украіна |
| Маці | Зяновія Міхайлаўна Шульга |
| Род дзейнасці | выкладчыца ўніверсітэта, вучоная |
| Навуковая сфера | эканоміка і бяспека |
| Месца працы | Львоўскі гандлёва-эканамічны ўніверсітэт |
| Навуковая ступень | доктар эканамічных навук |
| Навуковае званне | прафесар |
| Альма-матар | |
| Навуковы кіраўнік | Анатоль Іванавіч Мокій |
| Вядомыя вучні | Уладзімір Аляксандравіч Ганскі, Ульяна Васілеўна Шчурко |
Марыя Ігараўна Фляйчук (нар. 7 студзеня 1979, Львоў) — украінскі эканаміст, педагог, доктар эканамічных навук, прафесар, акадэмік АНВШ Украіны.
Біяграфічныя звесткі
[правіць | правіць зыходнік]Нарадзілася ў Львове ў 1979 годзе. У 2001 годзе скончыла Львоўскі гандлёва-эканамічны ўніверсітэт па спецыяльнасці «Міжнародныя эканамічныя адносіны», атрымаўшы кваліфікацыю эканаміста з веданнем замежных моў. У 2001—2004 гадах была суіскальнікам вучонай ступені пры кафедры міжнародных эканамічных адносін Львоўскага гандлёва-эканамічнага ўніверсітэта, пасля чаго паспяхова абараніла дысертацыю на суісканне вучонай ступені кандыдата эканамічных навук на тэму «Метады ацэнкі і асновы процідзеяння іллегалізацыі пераходных эканомік ва ўмовах глабалізацыі».
У 2009 годзе скончыла дактарантуру Нацыянальнага інстытута стратэгічных даследаванняў пры Прэзідэнце Украіны. У 2010 годзе у Нацыянальным інстытуце праблем міжнароднай бяспекі пры Савеце нацыянальнай бяспекі і абароны Украіны паспяхова абараніла дысертацыю на суісканне вучонай ступені доктара эканамічных навук па спецыяльнасці «Эканамічная бяспека дзяржавы» на тэму «Тэарэтыка-метадалагічныя асновы дэценізацыі эканомікі і процідзеяння карупцыі ва Украіне ва ўмовах глабалізацыі».
У 2001 годдзе пачала працаваць на кафедры міжнародных эканамічных адносін Львоўскага гандлёва-эканамічнага ўніверсітэта, з 2006 года на пасадзе дацэнта, з 2011 года — прафесара. З’яўлялася вядучым навуковым супрацоўнікам філіяла Нацыянальнага інстытута стратэгічных даследаванняў у Львове. Прафесар Вышэйшай школы прадпрымальніцтва і адміністрацыі ў Любліне і Гуманітарна-эканамічнай акадэміі ў Лодзі. З 2018 па 2024 год была прафесарам кафедры маркетынгу факультэта эканомікі і менеджменту Львоўскага нацыянальнага ўніверсітэта ветэрынарнай медыцыны і біятэхналогій імя С. З. Гжыцкага. З 2024 года займае пасаду прафесара кафедры маркетынга Львоўскага гандлёва-эканамічнага ўніверсітэта.
Была членам спецыялізаванага вучонага савета па абароне дысертацый на суісканне ступеняў кандыдата і доктара эканамічных навук у Львоўскім гандлёва-эканамічным універсітэце. Аўтар некалькіх сотняў навуковых і навукова-метадычных публікацый, навучальных дапаможнікаў і манаграфій. Кіруе падрыхтоўкай аспірантаў, пад яе кіраўніцтвам абаронены тузін дысертацый на суісканне вучонай ступені кандыдата эканамічных навук, а таксама дзве доктарскія дысертацыі.
Навуковая дзейнасць
[правіць | правіць зыходнік]Асноўныя навуковыя даследаванні сканцэнтраваны вакол дэценізацыі эканомікі, эканамічнай бяспекі дзяржавы і міжнародных эканамічных адносін. Займаецца пытаннямі легалізацыі гаспадарчай дзейнасці і процідзеяння карупцыі ў сістэме эканамічнай бяспекі, уплыву ценявога сектара народнай гаспадаркі і карупцыі на эканамічныя сістэмы розных узроўняў, пытаннямі ўзаемаабумоўленасці ценізацыі, карупцыі і паказчыкаў росту эканомікі, удасканалення сістэмы барацьбы з кантрабандай і злоўжываннямі ў мытнай сферы і інш.
Даследуе тэарэтычныя пытанні эканамічнага абгрунтавання структурных змяненняў на міжнародным, нацыянальтным і рэгіянальным узроўні, метадычныя падыходы да ацэнкі ўзроўня эканамічнай бяспекі дзяржавы і рэгіёну, унутраныя і вонкавыя ыэканамічныя перадумовы канкурэнтаздольнасці эканомікі, напрамкі інтэнсіфікацыі ўкраінска-беларускай і ўкраінска-польскіх гападарчых сувязяў у прыгранічных рэгіёнах, праблем інстытуцыйнага ўдасканалення працэсаў міжнароднай міграцыі ва ўмовах паглыблення еўраінтэграцыі і інш.
Бібліяграфія
[правіць | правіць зыходнік]Найбольш цытаваныя навуковыя працы
[правіць | правіць зыходнік]- Флейчук М. І. Легалізація економіки та протидія корупції у системі економічної безпеки: теоретичні основи та стратегічні пріоритети в умовах глобалізації. — Львів: Ахіл, 2008.
- Флейчук М. І. Вплив тіньового сектора та корупції на економічні системи // Економіка і прогнозування. — 2009. — № 2.
- Флейчук М. І. Вплив зовнішніх запозичень на соціально-економічний розвиток посттрансформаційних країн // Економіка України. — 2010. — № 1.
- Флейчук М. І. Стратегія економічного розвитку України в умовах кризи // Бюлетень Міжнародного Нобелівського економічного форуму. — 2012. — № 1.