Васіль Іванавіч Парменаў

Васіль Іванавіч Парменаў
руск.: Василий Иванович Парменов
Дата нараджэння	6 снежня 1905(1905-12-06)
Месца нараджэння	в. Краева, Валагодская губерня, Расійская імперыя
Дата смерці	13 сакавіка 1984(1984-03-13) (78 гадоў)
Грамадзянства	Расійская імперыя  СССР
Род дзейнасці	урач, навуковец
Навуковая сфера	хірургія
Месца працы	Гомельскі дзяржаўны ўніверсітэт
Навуковая ступень	доктар медыцынскіх навук
Навуковае званне	прафесар
Альма-матар	Санкт-Пецярбургская дзяржаўная медыцынская акадэмія імя І. І. Мечнікава[d]
Узнагароды

Васіль Іванавіч Парме́наў (руск.: Василий Иванович Парменов, 6 снежня 1905—13 сакавіка 1984) — вучоны ў галіне хірургіі. Доктар медыцынскіх навук (1964), прафесар (1969).

В. І. Парменаў нарадзіўся ў вёсцы Краева Валагодскай губерні (у сучаснай Валагодскай вобласці Расіі). Працаваў санітарам у бальніцах Волагды і Ленінграда. У 1926 годзе паступіў у 2-і Ленінградскі медыцынскі інстытут (сучасная Санкт-Пецярбургская дзяржаўная медыцынская акадэмія імя І. І. Мечнікава) і скончыў яго ў 1931 годзе. З 1931 года працаваў урачом ва Уральскай вобласці. У 1933 годзе пераехаў у Гомель, працаваў урачом у чыгуначнай бальніцы і адначасова выкладаў у Гомельскім педагагічным інстытуце. У 1939—1941 гг. працаваў на чыгуначнай станцыі Унеча (Бранская вобласць). З першых дзён Вялікай Айчыннай вайны В. І. Парменаў у дзеючай арміі. У 1941—1945 гг. начальнік 2-а аддзялення эвакашпіталя, вядучы хірург 193-а асобнага медсанбата 116-й стралковай дывізіі, вядучы хірург спецыялізаванага палявога шпіталя. Быў тройчы паранены. Пасля дэмабілізацыі ў званні маёра медыцынскай службы, В. І. Парменаў з 1948 года працаваў у медыцынскіх установах Гомельскага чыгуначнага вузла. У 1950 годзе абараніў кандыдацкую дысертацыю, пачаў выкладаць у Гомельскім педагагічным інстытуце імя В. П. Чкалава і адначасова галоўны хірург Беларускай чыгункі. У 1952—1973 гг. загадчык кафедрай анатоміі чалавека і жывёл Гомельскага педагагічнага інстытута.

В. І. Парменаву належаць навуковы працы па пытаннях агнястрэльных раненняў жывата, хвароб грудной і брушной поласцей, па гематалогіі, ангіялогіі і інш.

Сярод апублікаванага:

• Анатомические особенности головного мозга человека. — Мн., 1969.
• Операция до выведения из шока при повреждениях и заболеваниях живота. // Хирургия, 1974, № 2.

• Ордэн Чырвонага Сцяга
• Ордэн Айчыннай вайны 2-й ступені
• Медаль «За адвагу»
• Медаль «За абарону Сталінграда»
• Медаль «За перамогу над Германіяй у Вялікай Айчыннай вайне 1941—1945 гг.»

• Беларуская энцыклапедыя: У 18 т. Т. 12: Палікрат — Праметэй / Рэдкал.: Г. П. Пашкоў і інш. — Мн. : БелЭн, 2001. — Т. 12. — 576 с. — 10 000 экз. — ISBN 985-11-0035-8. — ISBN 985-11-0198-2 (т. 12). — С. 99.

• Ветераны Великой Отечественной войны, трудившиеся в ГГУ имени Франциска Скорины