Сэсар Асьпілікуэта
| Сэсар Асьпілікуэта | ||
| ||
| Пэрсанальная інфармацыя | ||
|---|---|---|
| Нарадзіўся | 28 жніўня 1989[1][2][3][…] (35 гадоў)
| |
| Рост | 178 см[4] | |
| Вага | 76 кг | |
| Пазыцыя | скрайні абаронца, цэнтральны абаронца | |
| Клюбная інфармацыя | ||
| Клюб | Атлетыка Мадрыд | |
| Нумар | 3 | |
| Клюбы | ||
| Гады | Клюб | Гульні (галы)¹ |
| 2007—2010 2010—2012 2012—2023 2023— |
Асасуна Алімпік Марсэль Чэлсі Атлетыка Мадрыд |
98 (0) 47 (1) 349 (10) 31 (0) |
| Зборныя | ||
| 2013— | Гішпанія | 44 (1) |
|
¹ Колькасьць гульняў і галоў за прафэсійны клюб лічыцца толькі | ||
Сэсар Асьпілікуэта Танка (па-гішпанску: César Azpilicueta Tanco; нарадзіўся 28 жніўня 1989 году, Памплёна, Гішпанія) — гішпанскі футбаліст басконскага паходжаньня, унівэрсальны правы й левы абаронца клюбу «Атлетыка» й зборнай Гішпаніі.
Кар’ера
[рэдагаваць | рэдагаваць крыніцу]Клюбная
[рэдагаваць | рэдагаваць крыніцу]Сэсар зьяўляецца выхаванцам футбольнай акадэміі «Асасуны». 8 красавіка 2007 году ён дэбютаваў у Ля Лізе ў матчы супраць мадрыдзкага «Рэала» (0:2), паралельна застаючыся ў складзе другой каманды. Першапачаткова гуляў на пазыцыі паўабаронцы. У сэзоне 2007—2008 гадоў Сэсар пасьпяхова замяняў траўмаваных аднаклюбнікаў, да канца чэмпіянату заняўшы месца ў аснове каманды й перакваліфікаваўшыся ў лятэраля. У сэзоне 2008—2009 гадоў Асьпілікуэта стабільна выходзіў на поле ў стартавым складзе, а на наступны год стаў адным зь вядучых гульцоў «Асасуны», згуляўшы ва ўсіх матчах лігі без заменаў.
Паводле чутак, якія зьявіліся ў чэрвені 2010 году, гулец увайшоў у сфэру інтарэсаў францускага «Марсэля», а «Асасуна», з прычыны дрэннага фінансавага стану клюбу, таксама была зацікаўлена ў трансфэры[5]. 21 чэрвеня афіцыйны сайт французаў абвесьціў аб пераходзе гульца[6]. Сума ўгоды склала 7 млн эўра[7].
24 жніўня 2012 году 22-гадовы гулец узгадніў ўмовы асабістага кантракту з «Чэлсі» й прайшоў мэдычнае абсьледаваньне. Паводле некаторых дадзеных, сума ўгоды склала ад 7 да 9 млн фунтаў[8]. Дэбютаваў у складзе «сініх» 25 верасьня ў матчы Кубка лігі супраць «Ўулвэргэмптану».
Міжнародная
[рэдагаваць | рэдагаваць крыніцу]11 траўня 2010 году настаўнік галоўнай зборнай Гішпаніі Вісэнтэ дэль Боске ўключыў Асьпілікуэту ў пашыраную заяўку з 30 футбалістаў на чэмпіянат сьвету 2010 году, але ў выніку на мундыяль Сэсар не патрапіў. 20-гадовы абаронца зьяўляўся самым маладым пасьля Давіда дэ Хэа гульцом у сьпісе.
1 лютага 2013 году ён быў уключаны Дэль Боске ў заяўку на таварыскі матч супраць зборнай Ўругваю. Празь пяць дзён Сэсар адгуляў усе 90 хвілінаў, матч скончыўся перамогай зь лікам 3:1 на карысьць гішпанцаў[9].
Дасягненьні
[рэдагаваць | рэдагаваць крыніцу]«Марсэль»:
- Уладальнік Кубка францускае лігі: 2011, 2012
- Уладальнік Супэркубка Францыі: 2010, 2011
«Чэлсі»:
- Чэмпіён Ангельшчыны: 2015, 2017
- Уладальнік Кубка Ангельшчыны: 2018
- Уладальнік Кубка футбольнай лігі: 2015
- Пераможца Лігі чэмпіёнаў: 2021
- Пераможца Лігі Эўропы: 2013, 2019
- Уладальнік Супэркубка УЭФА: 2021
- Пераможца клюбнага чэмпіянату сьвету: 2021
Крыніцы
[рэдагаваць | рэдагаваць крыніцу]- ^ а б в César Azpilicueta // Transfermarkt (мн.) — 2000.
- ^ а б в César Azpilicueta // FBref (мн.)
- ^ а б в AZPILICUETA cesar tanco // Argentine Soccer Database (гішп.)
- ^ а б https://www.chelseafc.com/en/teams/first-team/cesar-azpilicueta?pageTab=biography
- ^ Аспиликуэта близок к переходу в «Марсель». Championat.com
- ^ Accord de principe pour le transfert de César Azpilicueta. Olympique de Marseille
- ^ OM: «Azpi» pour 9,5 millions d'euros? Mercato
- ^ «Марсель» и «Челси» подтвердили трансфер Аспиликуэты. Championat.com
- ^ Campeón hasta en los simulacros. Marca
Вонкавыя спасылкі
[рэдагаваць | рэдагаваць крыніцу]- Старонка на афіцыйным сайце ФК «Чэлсі»
- Профіль на L'Équipe
- Профіль на ESPN
- Статыстыка на National Football Teams