محمد طه
| ||||
|---|---|---|---|---|
 | ||||
| معلومات شخصيه | ||||
| الميلاد | 24 سبتمبر 1922 | |||
| الوفاة | 12 نوفمبر 1996 (74 سنة)[1] | |||
| مواطنه |  | |||
| الحياه العمليه | ||||
| المهنه | مغنى | |||
| الآلات الموسيقيه | ناى ، وصوت بشرى | |||
| المهنه | مغنى | |||
| اللغات المحكيه او المكتوبه | عربى | |||
تعديل مصدري - تعديل  | ||||
محمد طه مغنى شعبى مصرى اسمه بالكامل "محمد طه مصطفى ابو دوح"، اتولد فى بلد أبوه "طهطا" بصعيد مصر فى 24 سبتمبر 1922، واتربى فى بلدأمه "عزبة عطا الله سليمان" بقرية "سندبيس" التابعة لمركز "قليوب".
- فنان"بلدي" شعبى تلقائى صاحب الـ10 الاف موال من غير اى إعداد و كان بيؤلف ويلحن ويغنى، كمان كان صاحب فرقة مزيكا وشركة اسطوانات
- غنى على مسارح الفن الشعبى فى القاهرة ، ومنها قهاوى حى "الحسين" و"السيدة زينب" اللى كان بيغنى فيها فى احتفالات بالموالد والمناسبات الدينية
- فى سنة 1954 تصادف أنه استمع ليه الإذاعيان "طاهر ابو زيد" و"ايهاب الأزهرى" و هو بيغنى فى قهوه "المعلم على الأعرج" بالحسين، فجابوه للاذاعة فسجل شويه من مواويله
- زكريا الحجاوى ضم "محمد طه" ل"فرقة الفلاحين للفنون الشعبية" اللى كلفته "وزارة الثقافة" بتشكيلها
- ضمه الإذاعى جلال معوض لإحياء حفل اضواء المدينة، فى غزة
- غنى فى الاحتفال بعيد الثورة قدام جمهور يتقدمه جمال عبد الناصر و عبد الحكيم عامر وكمال الدين حسين وغيرهم من القادة
- كون فرقته المزيكا الخاصة "الفرقة الذهبية للفنون الشعبية" وضم ليها أخوه "شعبان طه" اللى يشبهه كمان ضمت الفرقة عازفين للناى والأرغول والكمان والعود والطبلة، هيا الفرقة اللى لازمته فى كل حفلاته و أسفاره ووبرضه فى الافلام اللى شارك فيها.
- كون شركة لطباعة اسطواناته سماها شركة "ابن البلد"
شارك بالغنا فى 30 فيلم زى
[تعديل]ابن الحتة، بنات بحري، أشجع رجل فى العالم، خلخال حبيبي، شقاوة رجالة، السفيرة عزيزة، الزوج العازب، دعاء الكروان، المراهق الكبير، ملك البترول، مرات ليوم واحد، رحلة العجائب، دستة مجانين.
اتوفى فى 12 من نوفمبر 1996 فى حى شبرا
له 8 اولاد، اكبرهم "صالح" و هو الوحيد اللى ورث حلاوة الصوت عن أبوه، وغنى مرة فى برنامج تليفزيونى وعمره 16 سنه لكن أبوه منعه.
