بديعة صادق
| ||||
|---|---|---|---|---|
 | ||||
| معلومات شخصيه | ||||
| الميلاد | 22 اغسطس 1923 | |||
| الوفاة | 7 يناير 2010 (87 سنة) | |||
| مواطنه |  | |||
| الاب | محمد صادق | |||
| اخوه و اخوات | ||||
| الحياه العمليه | ||||
| المهنه | مغنيه | |||
| المهنه | مغنيه | |||
| اللغات المحكيه او المكتوبه | اللغه المصريه الحديثه | |||
تعديل مصدري - تعديل  | ||||
بديعة محمد صادق مطربة اشتهرت فى الأربعينات والخمسينات اتولدت فى 22 اغسطس 1923 فى مدينة ملوى فى محافظة المنيا فى صعيد مصر أبوها الملحن محمد صادق كان المدير الفنى لفرقة فوزى منيب .
امها كانت بتروح مع ابوها فى رحلاته الفنيه و عشان كده اشتغلت فى الفن. رقصت بديعة هيا عندها 4 سنين و بعدين سابت الرقص للغنا ، وتولاها زكريا احمد ، وعلمها لغنا، وسمعها من النغمات الكثير ، وعملت فى فرقة بديعة مصابنى ، وقدمت استعراضات خفيفة والمونولوجات الفكاهية ،وعملت وتجولت مع فرق استعراضيه تانيه فى كل البلادالعربية زى فرقه على الكسار و فرقه حسين المليجى اللى بقت مع الوقت "فرقه بديعة صادق"
اتجوزت من الفنان عبد الغنى النجدى ، و كان يكتب الاسكتشات والمسرحيات لفرقة بديعة ، ولها منه ابن واحد خالد اللى عايش دلوقتى فى سيدنى باستراليا لكن انفصلت من عبد الغنى النجدى, واتجوزت بعده من الموسيقار احمد على سنة1952 وخلفت منه 5 ابناء هم احمد وطاهر وبديعة وناصر و إسماعيل.
اشتغلت بالإذاعة مطربة ، و كانت بتقدم وصلتين كل شهر لغاية ماأعجب بصوتها محمد عبد الوهاب فقدمها معه فى فيلمه "يوم سعيد" ، وغنت له لحن ما أحلاها عيشة الفلاح ، لكن اسمهان لجأت للقضاء لأنها صاحبة الاغنية الاصلية ؛ فاضطر محمد عبد الوهاب لتقديم الاغنية على أسطوانة فى الفيلم ، بصوت أسمهان وبطريقة الدوبلاج تغنى بديعة ( بلاى باك ) .
اشتغلت بديعة برضه فى السينما وغنت ، بصوتها وصورتها فى فيلم تحت السلاح سنة1940 ، وغنت بصوتهابس فى فيلم "سى عمر" 1941سنة وفيلم ليلة الحظ سنة1945 وفى الفيلم الخامس "ابن الشرق" غنت بصوتها وصورتهاسنة 1947 ، واشتغلت برضه وغنت فى مسرحية "العشرة الطيبة" فشاركت الغنامع عبد الغنى السيد و شهر زاد .
قدمت كل الوان الغنا من الأدوار والطقاطيق والقصايد والأوبريتات زى "الدندورمة" و"مسعود الحطاب" و"عاشقة النيل" وبرضه الاغنيات الوطنية والعاطفية ولها روائع فى الاعمال الشعبية زى اغنية الافراح يا محلى جمالك يا عروسة.
ومن اشهر اغانىها بالإذاعة "يا ما أحلى جمالك ياعروسة" وهى من تأليف محمود فهمى ابراهيم ومن تلحين زوجها التانى عازف الكمان احمد على ، وغنت من ألحان عزت الجاهلى وعبد العظيم محمد وعبد الحليم نويرة ورياض البندك ومحمد صادق .
سافرت فى أواخر الستينات للكويت مع جوزها اللى اشتغل فى الإذاعة الكويتية ، وغنت هناك . ولها أخت اخت كانت بتغنى برضه هيه كوكب صادق ام الممثلة اسعاد يونس ، واعتزلت وعمرها 70 سنه فى بداية التمانينات و رجعت واستقرت فى مصر فى بداية التسعينيات من القرن اللى فات. من اعمالها المعروفة دورها فى الصورة الغبعيده : "الدندرمة"
|اتوفت الفنانة فى 7 يناير 2010
فيلموجرافيا
[تعديل]تمثيل
1. عبيد المال فيلم 1953
2. ابن الشرق فيلم 1947
3. خاتم سليمان فيلم 1947
4. ليلة الحظ فيلم 1945
5. سى عمر فيلم 1941 شاركت بصوتها
6. يوم سعيد فيلم 1940
7. بعد الستار فيلم 1937 غناء
مزيكا
1. الريف الحزين فيلم 1948
مسرحية
- العشرة الطيبة
اوبريتات
- الدندورمة
- مسعود الحطاب
- عاشقة النيل
اشهر اغانيها
[تعديل]- ارض بلادى
- هلت دموع العين
- يا محلا جمالك يا عروسه
- محلاها عيشة الفلاح
- الجواب - بدون مزيكا
- الله اكبر
- الدندورمة مع سعاد مكاوى و ابراهيم حموده
- حب ايه
- اشغل قلبك بغرام تانى
- الزفة من فيلم خاتم سليمان
- دور العفو يا سيد الملاح
- بعد الخصام بدون مزيكا
- يا منصفا فى الورى المظلوم من ظالم من اوبريت عاشقة الليل
- شباك الحبايب أهو نور وانفتح
- الربيع
- شهر السجود
- بعد كل ده التقيك كده
- مبروك يا أمى
- سلو الكاعب الحسناء