Sierra Carrascosa

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Sierra Carrascosa
Cheografía
Cordelera	Sistema Iberico
Sector	{{{sector}}}
{{{tpran}}}	{{{ran}}}
Maxima altaria	1.288 m (muela d'el Reguero)
Cimas importants
Largaria
Amplaria
Superficie
Vértiz cheodesico
Subsistemas	{{{subsistemas}}}
Administración
Estau
País	Aragón
Comarca	Mayestrato
Cheolochía
Edat	Terciario[1]
Materials	Arenitas
Tipo	{{{tipo}}}
Mapa

La sierra Carrascosa ye una aliniación montanyosa de lo Sistema Iberico que fa parte de la branca levantina^[2] y de la unidat morfoestructural dita "serranías de Gúdar".^[1] Se troba en la part oriental de la provincia de Teruel.

La sierra Carrascosa ye a lo nordesde de muela Mujer (despartidas por lo barranco d'el Reguero), y a lo sudueste de la sierra de Bordón, (que encomienza en lo canto de Valfollé).

La suya superficie perteneixe principalment a lo termin municipal de Villar Luengo, con parz chicas en los termins municipals de Bordón y Castellot (los puertos de Bordón).

L'altaria mes gran ye la muela d'el Reguero con 1.288 m, en lo suyo cabo sudoriental cerca de mas d'el Reguero y sobre una ripa chunto a lo barranco d'el Reguero. Bi ha una altaria de 1.215 m bien vistable dende Bordón conoixida como muela Carrascosa pero que no ye lo solo punto de la sierra que responde a esta denominación.

L'oronimo sierra Carrascosa indica formación vechetal u abundancia de carrascas (Quercus ilex).

La versant norte u nordueste desaugua enta lo río Guadalop, la versant sud u sudeste lo fa enta barrancos de la compleganza de lo río Bordón.

La sierra Carrascosa ye en lo cabo septentrional de las plataformas de Cantaviella y Tronchón. A diferencia de las atras plataformas y muelas de la redolada presenta un nuclio terciario.^[1]

La superficie d'erosión fundamental ye a bels 1.200 m d'altaria en lo cabalto de la sierra Carrascosa, que quedó despartiu d'atra part de la mesma superficie en El Raspador por formar lo río Guadalop una foz de mas de 500 m de fondaria respecto a l'altaria orichinal.^[3]

A lo norte de la sierra Carrascosa bi ha un clima mediterranio continentalizau seco caracteristico de lo Baixo Aragón,^[4] a lo sud lo clima ye mes frido y humido a causa de l'altaria como en las serranías de Gúdar.

• (es) J. Vilá Valentí, Lluís Solé Sabarís, Manuel Terán: Geografía general de Espanya. Ariel Geografía. 1194.
• (es) Julio Muñoz Jiménez, Concepción Sanz Herráiz: Guía Física de España. 5 Las Montañas. Alianza Editorial, 1995.

• Muela Mujer.