Kosovo

Kosovo (en albanés Kosovë u Kosova, en serbio Косово/Kosovo) ye un territorio interior d'a peninsula d'os Balcans, en o sudeste d'Europa, que proclamó la suya independencia de Serbia de trazas unilaterals o 17 de febrero de 2008. Ista independencia ha estau reconoixida per muitos estaus relevants en a politica mundial -como Estaus Unius, Australia u, adintro la Unión Europea, Reino Uniu, Francia y Alemanya- pero no per altros como Rusia, China u estaus europeus como Espanya u Grecia. Tampoco no ha ingresau en a Organización d'as Nacions Unidas. De iure, o territorio contina estando una provincia autonoma de Serbia. A mayor parti d'a población, mayoritariament albanesa (en un 88% seguntes os datos d'o 2003), ya heba declarau la independencia d'a Republica de Kosovo en 1990, pero no fue reconoixida, excepto por Albania, dica que, o 17 de febrero de 2008, o Parlamento la declaró.

Republica de Kosovo Republika e Kosovës Република Косово
(En detalle) (En detalle)
Lema nacional: No'n tien
Himno nacional: Evropa
Capital  • Población	Pristina 214.688
Mayor ciudat	Pristina
Idiomas oficials	Albanés y serbio
Forma de gubierno President Primer Ministro	Administrato por a ONU Vjosa Osmani Albin Kurti
Independencia  •Declarada	De Serbia 17 de febrero de 2008
Superficie  • Total  • % augua Mugas Costas	Posición 167º 10.908 km² Espernible n/d 0
Población  • Total  • Densidat	Posición n/dº 1.795.666 (2019) 164,62 hab/km²
PIB (PPA)  • Total (2019)  • PIB per capita	Posición 144º 7.079.623.000 EUR€ 3.942,61 EUR€
Moneda	Euro (€, EUR)
Chentilicio	Kosovar
Zona horaria  • en Verano	UTC +1 n/d
Dominio d'Internet	n/d
Codigo telefonico	+383
Prefixo radiofonico	n/d
Codigo ISO	XKX, XK
Miembro de: UNPO

Kosovo s'asocia historicament con o puesto de naiximiento d'a nación serbia. Mientres a existencia d'a Republica Federal Socialista de Yugoslavia, a rechión formó a Provincia autonoma socialista de Kosovo, adintro de Serbia. Con a desaparición d'a Republica Socialista Yugoslava, Kosovo pasó a fer parte d'a Republica Federal de Yugoslavia, que dimpués formarba o estau de Serbia y Montenegro.

Anque bi heba dominio politico serbio, a población de Kosovo yera mayoritariament d'orichen albanés. O gubierno de Slobodan Milosevic en a Republica Federal de Yugoslavia redució l'autonomía de Kosovo y prencipió un proceso ta augmentar a proporción de serbios en o territorio. Dimpués de bellas anyadas de tensión y accions separatistas, en 1999 esclató a Guerra de Kosovo que enfrentó a Yugoslavia contra las tropas d'a OTAN que aduyaban a os albanokosovars.

En rematar o conflicto belico, a ONU establió una misión de paz. Encara que Kosovo ye dende allora de iure una provincia autonoma baixo lo gubierno d'a Republica de Serbia, a UNMIK se mantiene a la capeza de l'administración d'o territorio chunto con dirichents d'etnia albanesa. Dimpues d'anyos de pleitos y negociacions, Kosovo declara la suya independencia unilateral o 17 de febrero de 2008, que anque ha estau reconoixida por muitos países com os Estaus Unius y organizacions como a Unión Europea, no ha estau reconoixida por Serbia y Rusia.^[1]