NOP

  想搵體育組織嘅話，請睇國家奧林匹克委員會。

NOP（no operation）係組合語言當中嘅指令，叫部電腦乜嘢都唔好做，亦都指機械語言嘅對應機械碼。佢嘅主要用途有兩個​——​一係用嚟楔位，二係用嚟食時間​——​但係喺某啲處理器另外可能會有其他副作用（如果有副作用就唔係真係乜都唔做）。

楔位主要係針對直接用機械語言寫嘅程式：如果寫咗嘅邏輯有啲想改走，可以用 NOP 冚走佢；或者寫之前用 NOP 清空將會寫嘢嘅地方，等反組合嘅時候唔好出咁多亂碼。

佢可以用嚟食時間係因為 NOP 雖然唔做嘢，但係處理器仍然要用一定嘅時間嚟處理佢。如果個處理器唔將執行嘅機械碼做最佳化，一段機械碼行幾耐係會計得出，咁將 NOP 擺喺一個廻圈入面就可以將廻圈運行嘅時間拖長。呢種叫做 timing loop（計時廻圈），可以用 6502 處理器做實例：

廻圈由 255 掉轉數數到 1，總共 255 次。6502 嘅速度係 1 MHz，所以行呢個廻圈用嘅時間係 ${\displaystyle 2+255\times (2+2+3)-3+2=1786}$ 微秒。如果用兩個 NOP 會用 2296 微秒，三個 NOP 用 2806 微秒，如此類推。

喺其他語言或者其他語境，如果講某個命命等同 ｢乜嘢都冇做｣，通常會寫 no-op，唔寫 NOP。

 NOP係電算楔位文，你可以編輯佢充實內容。