開平

  想搵第二個意思嘅話，請睇開平 (搞清���)。

開平（粵拼：hoi1 ping4）喺中國廣東，家下係江門市下便一個縣級市，叫開平市。開平原本係個縣，叫開平縣。開平同恩平、台山、新會夾埋叫做四邑。

東北有梁金山。西南有北獵山、羅漢山^[1]。

開平有蜆江水，上承恩平江，向東南流，右納長塘水，東南去到赤磡叫赤磡水。有北雙橋水，向南流入赤磡水，去到縣治南，同獨鶴水合，叫尖石水。再向東南流，叫長沙河，過赤水口，入新會^[1]。

根據蒼城鎮同埋赤水鎮出土嘅文物判斷，開平起碼三千年前已經有人住^[2]。

開平設立之前，先後由唔同嘅縣管轄。

南明永曆三年（大清順治六年，1649年），新興縣開平屯獨立出來，加上部份新會同恩平兩縣地嘅地，開縣^[1]。

大清時有松柏、沙岡兩個巡司^[1]。

開平最開先嘅縣城喺蒼城鎮，1949年10月去到1952年，縣城搬去赤坎鎮，1953年，縣城由赤坎鎮搬去三埠鎮。

• 開平碉樓—喺開平嘅特色建築

維基同享有多媒體嘅嘢：
Kaiping