金栗四三

金栗四三

1924年，金栗四三喺斯德哥爾摩辦嘅奧運會入面出過場。
個人資料
全名	金栗 四三
出世	(1891-03-20)1891年3月20號 日本九州熊本縣玉名郡和水町
死	1983年11月13號(1983-11-13)（92歲） 日本九州熊本縣玉名市
身高	1.70米（5呎7吋）
體重	64公斤 （141磅，128市斤）
運動
國家/地區	日本
運動	馬拉松

金栗四三（粵拼：gam1 leot6 sei3 saam1；日文：金栗 四三かなぐり しそう^{(Kanaguri Shisou)}；1891年8月20號—1983年11月13號）係日本九州熊本縣玉名郡春富村（而家係和水町）出世，重係玉名市名譽市民、日本嘅馬拉松選手、熊本縣初代教育委員部長。

喺成個日本入面，由於佢引入咗高地賽跑運動，引起咗好大嘅反響，先至有「馬拉松之父」嘅名^[1]。而家世界上最長時間嘅馬拉松紀錄（54年又8個月6日又5個鐘頭32分20秒3）就係佢搞出嚟嘅^{[2][3][4][5][6]}。佢喺比賽半路唔單止生咗6個仔，重養咗幾個孫^{[4][7][8][9][10][11]}，而佢嘅事跡响2019年被改編做一部電視劇：《韋馱天～東京奧運故事～》。

金栗四三喺明治43年（1910年）從舊制玉名中學畢咗業之後就去咗東京高等師範學校（而家係筑波大學）讀書。到咗第年，佢參加咗第5屆奧林匹克運動會嘅馬拉松比賽入面打破咗世界紀錄。佢將嗰陣時嘅世界紀錄（全程40.225公里）快咗差唔多27分鐘（2個鐘頭又32分45秒）去到終點咁滯。結果佢就變咗成個日本國家代表團入面，派出2位參加比賽入面嘅其中一位運動員，重有位係短跑運動員——三島彌彦。

到咗1912年奧林匹克運動會嘅馬拉松賽跑項目比賽入面，嗰日天氣熱辣辣，運動員未開跑就成身水咁滯喇。開咗比賽之後，參賽嗰34位運動員都去嗮終點喇，凈係得返金栗四三未去到終點。而奧組委驚住佢出事，就嗌咗差佬去搵金栗四三，點知搵咗半日都未搵到佢。原嚟金栗四三喺半路因為中暑就暈咗，冇嗮意識咁滯，而附近有位農夫咁啱得咁橋睇到金栗四三中咗暑，就抱咗佢返去，匿埋喺間屋入面狂飲咗幾杯飲料同靚酒，嗰時已經係馬拉松結束咗之後嘅第二日朝早喇。

就係噉，佢就錯過咗好幾次攞獎牌嘅機會。佢喺第6屆奧林匹克運動會因為爆咗第一次世界大戰而取消咗；第7屆奧林匹克運動會同第8屆奧林匹克運動會凈係攞到第16位；而第5屆奧林匹克運動會嘅全程比賽就一直都未搞掂。

1920年，第1屆東京箱根間環大學車站競走大賽喺箱根度開跑，佢就參加咗呢次大賽^[2]。之後過咗4年（1924年）就退咗休喇。

到咗1967年，由於斯德哥爾摩辦咗成功舉辦第5屆奧運會55週年慶典，奧組委就揀咗喺馬拉松度之後一直都冇繼續跑落去嘅金栗四三返嚟，嗰時金栗四三已經係76歲。佢就坐飛機嚟到喺1912年退咗比賽嗰度，之後一步慢慢行噉成功去到終點，結果佢就搞出咗個最長時間嘅馬拉松世界紀錄。而呢個世界紀錄係有54年又8個月6日又5個鐘頭32分20秒3咁耐^{[2][4][5][6][3][7][8][9][10][11]}。喺去到終點之後，佢俾記者接受咗採訪，佢就話：「呢次真係場好長好長嘅長跑，但係都值得嘅。因為呢半個世紀入面，我搵咗老婆，重生咗6個仔同10個孫。呢啲都要好耐下。」^[7][9][10]

佢喺1983年11月13號與世長辭，終年92歳。

喺日本嗰邊，啲人為咗記得金栗四三搞出咗最長時間嘅馬拉松世界紀錄，就喺富士登山車站大賽同東京箱根間環大学車站競走大賽整咗個「金栗四三盃」出嚟。富士登山車站大賽係對攞咗冠軍嗰隊先至攞到金栗四三盃。而東京箱根間環大學車站競走大賽就係喺2004年開始向最優秀嘅賽跑選手嚟頒發金栗四三盃。之後日本有幾個賽跑大賽就係用咗「金栗」嘅名嚟做大賽嘅。

• 第5屆奧林匹克運動會　　【墊底（54年又8個月6日又5個鐘頭32分20秒3）】（因為半路失咗蹤）
• 第7屆奧林匹克運動會　　【第16位（2個鐘頭又48分45秒4）】
• 第8屆奧林匹克運動會　　【半路唔玩喇】

佢嘅個人最出名嘅一句係「體力、氣力、努力」（日文：体力、気力、努力）^[12]

• Sports Illustrated. April 3, 1967
• Shizo Kanakuri at www.sports-reference.com
• 金栗四三的橘子汁奥运 新浪蘭州奧運博客
• 奥运会马拉松最慢记录创造者金栗四三 艾動全民健身網
• 【日本知識】 金栗四三先生與大阪固力果運動員像!!
• 長跑名將系列【31】 金栗四三 Shizo Kanakuri 運動筆記
• 54年后，金栗四三跑完马拉松剩余的路程 新浪 人生的河流博客
• マラソンの父　金栗四三 玉名市ホームサイト
• 【繞著地球跑】 古意的百年奧運馬拉松 運動筆記
• 体坛趣闻 知網空間
• Shizo Kanakuri SR/OLYMPIC SPORTS
• 1912, le disparu des Jeux olympiques de Stockholm Le Point, 喺2012年7月3號搵到

• 『ランニング』（金栗四三・明石和衛（共著）、菊屋出版部、1916年（大正5年））
• 『小学校に於ける競技と其の指導法』（南光社、1924年（大正13年））
• 『走れ25万キロ マラソンの父 金栗四三伝』（豊福一喜・長谷川孝道（共著）、講談社、1971年（昭和46年））^[13]
• 『走ったぞ! 地球25万キロ マラソンの父・金栗四三（ノンフィクション・シリーズ かがやく心）』（浜野卓也（著）、清水耕蔵（イラスト）、佼成出版社、1987年（昭和62年）5月、ISBN 978-4333012749）
• 『箱根駅伝に賭けた夢「消えたオリンピック走者」金栗四三がおこした奇跡』（佐山和夫（著）、講談社、2011年（平成23年）12月、ISBN 978-4062173896）
• 『最長嘅馬拉松用咗幾耐先至跑嗮』 少年萬事通 內蒙古少年兒童出版社 ISBN 7-5312-1106-8/I·225