趙昀

趙昀（1205年1月26號—1264年11月16號），本名趙與莒、趙貴誠，係南宋第五個皇帝，趙擴嘅遠房堂侄，老頭係榮文恭王趙希瓐，1224年到1264年在位，跟廟號叫宋理宗。

1224年，宋寧宗過身，丞相史彌遠立趙昀做皇帝，就係宋理宗。

1234年，南宋聯合蒙古滅金。之後南宋想攞返黃河以南嘅地方，就喺金朝滅亡幾個月之後出兵北上，但係最終因為補給困難，宋軍被迫撤退，仲引發埋之後嘅宋蒙戰爭。

佢在位後期，唔止荒廢朝政、荒淫無度，重親小人、遠賢臣，當中「閻馬丁當」（閻貴妃、馬天驥、丁大全、董宋臣）專權亂政，令到南宋加速走上敗亡之路。

1264年，宋理宗駕崩，由趙禥繼位，就係宋度宗。