見本

見本（英文：Sample，日文：サンプル盤、見本盤）一詞出自日本，係唱片公司（可以係歌手嘅經理人公司）正式派台歌曲之前所提供嘅原裝產品。呢隻樣本專輯或者單曲，主要畀電台、CD舖頭作宣傳同演示用途。通常係作為抽獎方式送畀歌迷同埋聽眾，唔可以出售（Not for sale／非売品）。不過響日本本地隨意買賣見本商品，即屬犯罪。按照相關法例，違者可遭刑事檢控。但係呢啲產品本身並非翻版，其中亦都有中古唱片店收購。不過好少聽聞有人坐監，總之係使用方式嘅分別。

見本唱片可以係黑膠碟、卡式錄音帶、數碼CD、MD唱碟等等。由於呢啲產品嘅外表都有編號標示，所以過咗一陣都要全面回收（返却／へんきゃく）。根據了解有少部分嘅商品擺埋店頭貨倉，或者係使用其他方式出口到其他國家。譬如中國大陸、香港、臺灣連同歐美地區，而且不受上述法律嘅限制。對於鍾意蒐集影碟產品嘅發燒友嚟講，見本盤其實係無本生利（類似資源回收，主要原因係冇人試過買碟）。之不過有啲嘢喺互聯網上都好難搵，只可以講真係買少見少。