白撞雨

白撞雨，雨一種，突然間一陣嘅大雨，來得急又去得急，好似白撞咁。白撞雨又叫急雨、驟雨。佢由濃積雲引起，若果冰點以上，就會落雨，不然就會落雪落冰粒。大氣空氣偏濕偏唔穏定，某處地面熱量多過周圍，就會蒸發得好快，帶濕氣流上升。上空遇冷，急變成雨落返地。由於氣流好快畀急雨抵消，就唔能持續，即時消散，雨亦隨之而止。

上升去到極急，就有機會放電，變成雷雨。

英文稱為Shower。