生熟程度
.jpg)
生熟程度（Doneness），簡稱熟度，日常溝通叫幾成熟，係指肉食（絕大多數係指牛扒）煮到幾熟。皆因好多人唔會將牛扒煮到全熟，所以需要搞清楚個熟度。
常見熟度
[編輯]- 全生（Raw）：完全未煮過嘅生牛肉，呢種做法只會用喺某啲菜式例如韃靼牛肉、基特富（Kitfo，埃塞俄比亞菜餚）或生牛肉沙律。
- 一成熟（Rare）：僅表面煎熟，呈灰啡色，切面為血紅色，裏面溫度約 48.9 °C（120 °F）。
- 三成熟（Medium-Rare）：外圍呈灰啡色，切面為血紅色，裏面溫度約 52.2 °C（126 °F）。
- 五成熟（Medium）：外圍呈灰啡色，切面為粉紅色，裏面重有血紅色，溫度約 57.2 °C（135 °F）。
- 七成熟（Medium-Well）：大部分呈灰啡色，裏面係粉紅色，溫度約 62.8 °C（145 °F）。
- 全熟（Well-Done）：表面少少燒燶，切面完全為灰啡色，裏面溫度約 73.9 °C（165 °F）。用免治牛肉整嘅漢堡扒一般會建議去到呢個熟度。