海底撈

海底撈（Hidilao，簡化字：海底捞，港交所：06862，OTCBB：HDALF）係源自四川成都簡陽嘅麻辣火鍋舖，1994年開張，喺亞洲多國、英國、美國同加拿大都有分舖。香港嘅海底撈喺2017年開張。

根據海底撈2021年3月公佈嘅資料，全球共有1298間海底撈餐廳，其中93間位於中國以外、14個國家同地區^[1]。

讀音

「撈」喺粵語有兩個音：lou1 同 laau4。好多人都將「海底撈」讀做 hoi2 dai2 lou1，但「海底撈」個名係嚟自打麻雀入面嘅「海底撈月」，所以讀 hoi2 dai2 laau4 會配合返原意。

服務

^[2]

爭議

被揭監視器侵犯食客私隱

喺海底撈中國同海外嘅分店，每張枱都裝咗2個監控鏡頭，佢哋話要保障客戶權益，但喺2021年4月，就有媒體揭發，就算係海外分店，拍到嘅片段都會送返去中國。佢哋所用嘅監控鏡頭牌子海康威視，亦曾經協助過對新疆維吾爾族人嘅監控^[1]。事件首先喺加拿大嘅分店被揭發，之後有記者跟進，發現台灣嘅分店有同樣嘅情況^[3]。

事件被報道後，引起唔少關注。例如，台灣民進黨立委陳亭妃同鄭運鵬就要求海底撈交代啲影像去咗邊，同埋佢哋噉做係咪喺台灣複製中共天網系統^[3]^[4]。鄭運鵬又話，個人私隱唔係店家嘅財產，中國冇人權法治嘅保障，而中國海康威視嘅監控設備已經被多國禁止使用，對台灣嚟講，國家安全嘅必要性更高^[4]。

參考

↑ ^1.0 ^1.1 〈【有片】遭爆「每桌裝2監視器」還回傳中國《蘋果》察看台灣海底撈驚見電眼滿天花板｜蘋果新聞網｜蘋果日報〉。《蘋果新聞網》 (臺灣中文)。喺2021-04-22搵到。
↑ 〈海底捞餐厅的管理理念和服务理念_经营管理〉。www.fdcew.com。原著喺2018-03-13歸檔。喺2018-02-13搵到。
↑ ^3.0 ^3.1 〈「海底撈」錄影傳中國？台立委籲查辦 - 大紀元〉。《大紀元 www.epochtimes.com》 (繁體中文)。2021-04-22。喺2021-04-22搵到。
↑ ^4.0 ^4.1 〈海底撈遭爆監視影像回傳陸鄭運鵬：台灣業者應公布如何處理 | ETtoday政治新聞 | ETtoday新聞雲〉。www.ettoday.net (繁體中文)。喺2021-04-22搵到。{{cite web}}: CS1 maint: url-status (link)

出面網頁

[:0-1] 1.0 ^1.1 〈【有片】遭爆「每桌裝2監視器」還回傳中國《蘋果》察看台灣海底撈驚見電眼滿天花板｜蘋果新聞網｜蘋果日報〉。《蘋果新聞網》 (臺灣中文)。喺2021-04-22搵到。

[2] 〈海底捞餐厅的管理理念和服务理念_经营管理〉。www.fdcew.com。原著喺2018-03-13歸檔。喺2018-02-13搵到。

[:1-3] 3.0 ^3.1 〈「海底撈」錄影傳中國？台立委籲查辦 - 大紀元〉。《大紀元 www.epochtimes.com》 (繁體中文)。2021-04-22。喺2021-04-22搵到。

[:2-4] 4.0 ^4.1 〈海底撈遭爆監視影像回傳陸鄭運鵬：台灣業者應公布如何處理 | ETtoday政治新聞 | ETtoday新聞雲〉。www.ettoday.net (繁體中文)。喺2021-04-22搵到。{{cite web}}: CS1 maint: url-status (link)

[1]