巴羅洛宮

巴羅洛宮
明細
原名	巴羅洛宮; Palacio Barolo
類型	多層大廈, 摩天大廈
用途	辦公樓
建築風格	新藝術、裝飾風、折衷主義、哥德式
設計	馬利柯·巴蘭鐵（意大利文：Mario Palanti）
施工	Wayss & Freytag
樓數	22層
高度	100米
逳手	1919年
落成	1923年
喺邊	阿根廷布宜諾斯艾利斯芒石剌區（Monserrat）五月大道（西班牙文：Avenida de Mayo）1370號
座標	34°36′34.4″S 58°23′9.1″W / 34.609556°S 58.385861°W
保護單位	阿根廷國家歷史紀念物
登錄	1997年

巴羅洛宮（粵拼：baa1 lo4 lok6 gung1；西班牙文：Palacio Barolo）係喺阿根廷布宜諾斯艾利斯嘅高層建築物。高100米。由馬利柯·巴蘭鐵（意大利文：Mario Palanti）設計，1923年竣工。

特徵

佢位於阿根廷首都布宜諾斯艾利斯嘅芒石剌區嘅五月大道（西班牙文：Avenida de Mayo）1370號，係當地地標嘅辦公樓。喺烏拉圭首都蒙特維多，同巴羅洛宮對住嘅係薩和宮（西班牙文：Palacio Salvo）。設計師同巴羅洛宮一樣都係馬利柯·巴蘭鐵，薩和宮高95米。

1997年，佢指定爲阿根廷國家歷史紀念物（西班牙文：Monumentos nacionales de Argentina）^[1]。今日嘅巴羅洛宮入面有旅行社、教外國人嘅西班牙文學校、探戈用嘅衣裝店、建築設計事務所、會計事務所、法律事務所等。

歷史

意大利人建築家馬利柯·巴蘭鐵（意大利文：Mario Palanti），喺1890年從意大利過阿根廷，佢要依賴企業家路易斯·巴羅洛（Luis Barolo）去設計建築。佢嘅基本設計係折衷主義，佢同烏拉圭蒙特維多建設嘅薩和宮（西班牙文：Palacio Salvo）係同一時期嘅設計，所以佢哋風格相似。

巴蘭鐵係但丁嘅狂熱支持者，巴羅洛宮係基於但丁嘅《神曲》嘅世界觀來設計嘅。呢100米高嘅22層同樣按照《神曲》分成三部分。地下一層同一樓表示地獄，二樓到14樓表示煉獄，15樓到22樓表示天堂。建築嘅業主自己使用三層，淨低嘅計劃攞去放租。

1923年竣工時，佢不但係布宜諾斯艾利斯乃至阿根廷、甚至係南美最高嘅建築物。1934年巴西聖保羅高130米嘅馬芝尼利大廈（葡萄牙文：Edifício Martinelli）竣工，南美最高嘅建築物轉移爲馬芝尼利大廈。1935年布宜諾斯艾利斯利鐵羅區高120米嘅卡華納大廈（西班牙文：Edificio Kavanagh）竣工，阿根廷最高嘅建築物轉移爲卡華納大廈。