天佑吾王

《天佑吾王》（God Save the King，《願上帝保佑國王》）或者 《天佑女王》（God Save the Queen，《願上帝保佑女王》），係一首愛國歌曲，作者不明。

傳統上佢係英國國歌同英聯邦王國嘅皇室頌歌，亦係英國皇室嘅「室歌」。隻歌分男女版本，男性君主在位唱《天佑吾王》；女性君主在位就唱《天佑女王》。

呢首歌冇一個官方承認嘅版本，實際上亦都從來冇一條聖旨或者國會法令宣佈佢係官方國歌。一般只係唱第一段（好少時候有兩段）^[1]。

有人話應該用第首著名嘅愛國歌曲兼英倫國歌《耶路撒冷》代替《天佑吾王》做聯合王國國歌，但係嗌晒交都未講掂。

一般認為呢首歌而家嘅曲調由亨利·凱里博士所作，就算喺一啲早期版本入面出現過嘅樂段都出現在而家嘅版本當中，導致咗一啲混淆。

啲人相信，呢首歌係喺1740年嘅一次宴會上第一次公演，嗰陣凱里為咗祝賀由西班牙人手中奪得港口皮特貝羅嘅愛德華·弗農海軍上將而演唱呢首歌。

傳統上，呢隻曲嘅第一次公開演唱被認為發生喺1745年。喺英王佐治二世嘅時代，要求英國王位嘅占士黨領袖查理斯·愛德華·斯圖亞特（即係「小覦位王子」，係詹姆士二世長孫，喺蘇格蘭有好多擁躉，所以有咗呢首歌嘅反對蘇格蘭嘅最後一段）返返去英倫，想復辟斯圖亞特王朝，喺一次叛軍獲勝嘅戰鬥後，啲人唱呢首歌來支援國王。

呢首歌曾經被包括澳大利亞，加拿大同埋牙買加等國在內嘅大部分英聯邦成員國做國歌。而家，呢啲國家中國歌嘅地位已經俾《前進嘅澳大利亞》，《哦！加拿大》同埋《牙買加，我哋愛嘅土地》等所代替，而《天佑吾王》就用作皇室頌歌。

喺紐西蘭，呢首歌同《天佑紐西蘭》一齊係國歌。

呢首歌亦曾經係愛爾蘭自由邦嘅國歌。喺20世紀20年代俾《戰士之歌》代替。

呢首歌係世界歷史上嘅第一首國歌。佢嘅曲調曾經俾幾個其他嘅國家嘅國歌所採用，包括丹麥、德國（1871年至1922年），俄羅斯（1816年至1833年），瑞典同埋瑞士。

而家，呢首歌嘅曲調仍然俾列支敦士登喺國歌用住。挪威嘅王室頌歌，美國嘅愛國流行歌曲《我嘅國家，咁係為咗你》同埋法屬新喀里多尼亞其中一首土著創作嘅獨立運動歌曲個曲調都同佢相同。

搖滾樂團皇后樂隊喺佢哋音樂會嘅尾聲不溜都奏埋呢首歌。

喺要播放聯合王國成員國國歌嘅場合（如國際體育比賽）通常會用下列歌曲：

• 威爾斯使用《我先賢嘅地方》；
• 蘇格蘭使用《蘇格蘭嘅花》或《勇敢嘅蘇格蘭人》；
• 英倫使用《耶路撒冷》或《希望同光榮嘅土地》。

喺國際足球賽嘅演奏國歌儀式入面：

• 英倫、北愛爾蘭以及一啲海外領土（好似英治時代嘅香港）用《天佑吾王》；
• 蘇格蘭用《蘇格蘭嘅花》；
• 威爾斯用《我先賢嘅地方》。

故此喺英格蘭隊及北愛爾蘭隊對賽嗰陣就會出現只奏一次《天佑吾王》嘅情況。

傳統上，呢首歌以慢而低沉嘅節奏演奏，有好多人覺得好悶。喺某啲情況下為減輕呢種效果，呢首歌會以一個快啲又活潑啲嘅節奏演奏。喜劇演員比利·康諾利喺一場電視節目中比較英國慢而低沉嘅國歌同埋好多其他國家嘅活潑嘅國歌，並建議將呢首歌嘅曲調以「The Archers」嘅主題曲代替。

喺2002年6月4號，白金漢宮舉行嘅紀念英女王伊利沙伯二世即位50周年嘅流行音樂會上，皇后樂隊嘅布賴恩·梅喺宮頂用電結他演奏呢首歌。

歷年嚟唔同人作咗好多個版本同段落嘅歌詞，但流傳到今日受民間接納嘅「完整」版本嘅只有下列六段。當中英國皇室官方網站展示嘅只有第一同三段，實際上喺官方場合多數只會唱第一段，有時加埋第三段，唱埋第二段好罕見；而尾三段更加幾乎唔會出現 ^[2][3]。

爾首歌係加拿大嘅皇室歌，爾首歌喺加拿大有單段、唱得出嘅法文版^[5]：

加拿大另外有一個唱唔出嘅三段法文翻譯，喺2022年有人將爾個翻譯嵌咗入英文版嘅第一段，整出個雙語版出來，喺2022年渥太華嘅國殤紀念日紀念儀式由渥太華兒童合唱團唱咗出來，歌詞係咁^[6]：

以前佢仲係加拿大國歌嘅時候，呢首歌有時會有附加嘅一段，係 Robert Murray 牧師作嘅詞^[7]：

爾首歌係紐西蘭有毛利文版，係喺1860年由 Edward Marsh Williams 翻譯嘅詞^[8]：

喺紐西蘭爾首歌有特別提紐西蘭嘅一段，原本係 David Scott 為1993年嘅英聯邦日寫嘅，用爾段嘅時候係唱原版第一段，然後唱紐西蘭段^[9]。

喺80年代香港出現過「惡搞」嘅廣東話版本，第一句係「個個揸住個兜」，但後面點「譯」就無定案。版本包括「嗰啲湯啱啱夠」^[10]、「刀叉都生晒鏽」、「踎（mêu）响（hóeng）街邊乞米」^[11][12]、「踎响天星碼頭」等。相傳呢啲惡搞版本，係源自���廳。「揸住個兜」係指監倉排隊食皇家飯。

• 英國皇室官方網站——國歌
• 加拿大文化遺產部——皇室頌歌