Lāi-tan-su̍t

Lāi-tan-su̍t (內丹術) sī Tō-kàu lāi ê chi̍t khoán tiōng-iàu ê siu-liān hong-sek, chit-má it-poaⁿ khoàⁿ-chò sī Tō-kàu khì-kong ê chi̍t chióng. Lāi-tan-su̍t kā thian-jîn ha̍p-it kap thian-jîn siong-èng ê su-sióng chò-ûi lí-lūn ki-chhó͘ lâi chìn-hêng sèⁿ-miā ê siu-liān; kā lâng ê sin-khu chò-ûi tiáⁿ-lô͘ lâi siu-liān cheng (精), khì (氣), sîn (神), ta̍t-sêng kiông-sin-kiàn-thé, thê-ko jîn-thé ê sèⁿ-miā kong-lêng, iân-tn̂g siū-miā, chòe-āu oân-sêng éng-seng ê bo̍k-te̍k.