ომენოღალე ავიაცია

ომენოღალე ავიაცია — ავიაცია, ნამუთ გჷმორონაფაშ ღანკიშ მეჯინათ ირთჷ სატრანსპორტე დო ართამ დონიშულაფაშ ავიაციათ. ომენოღალე ავიაცია, ნამუთ გჷმირინუაფუ ოჰეერე გინოჸონაფა-გინოღალაშ გახორციაფალო, ორხველჷ სატრანსპორტე ავიაციას. ომენოღალე ავიაცია, ნამუთ ვეგჷმირინუაფჷ სატრანსპორტე ავიაციაშ ღანკეფშო, ორხველჷ ართამ დანიშულობაშ ავიაციას. ომენოღალე ავიაცია, ნამუქჷთ ასეშო ვა ხვალე დინოხოლენ, თაშნეშე ოერეფოშქაშე მიმოულაშ შანულამ მეშქაშაფათ, ქიანეფს დო კათეფს შქას პოლიტიკური, ეკონომიკური, კულტურული დო შხვა რსხუეფიშ გოჭყაფას ჸოფურ როლს ასრულენს. ოერეფოშქაშე ავიაციაშ მეშქაშაფათ გიმიქიმინჷ ოერეფოშქაშე ოჰეერე მიმოულაშ მოსოფელიშ რშვილი, ნამუთ სახენწჷფოეფს შქას თონჩალი ურთიართობაშ უგურთუ ელემენტო გინირთჷ. თეშ გეშა, ოერეფოშწაშე ოჰეერე მიმოულაშ უკულიანი გოვითარაფაშო ხეშენწყუალა მეჭედელო რე მერსხილი თეხანურალაშ შანულამ ეშაჩინებუწკჷმა — ოერეფოშქაშე თინჩალაშ თხილუაშ დო გამანგარაფაშო. ომენოღალე ავიაცია გიშმურს მუჭოთ ოერეფოშქაშე ოჰეერე ტრანსპორტი. ათე საქვარუაშ შედეგო, სახენწჷფოეფიშ შქას თონეფიშ ტერიტორიაშ ჟი რეგულ��რული დო ვარეგულარული ოერეფოშქაშე ფურინუეფიშ ორგანიზაციაშ გალეჩა, გიჭყჷ სპეციფიკურ სახენწჷფოეფოშქაშე საავიაციე ურთიართობეფქ. თეჯგურა ფურინუეფიშ რსულაფა ირეგულირებჷ სპეციალური აეროსანავიგაციე წესეფით, ნამუეფჷთ აკმოქიმინჷნს ოერეფოშქაშე ფურინუეფიშ რეჟიმს.

• დავით გეფერიძე, საერთაშორისო საჰაერო სამართალი, თბ.2009 ,გამომცემლობა „მერიდიანი“)