იბნ ბაჯა
| იბნ ბაჯა | |
| არაბ. ابن باجة | |
 | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
1138 (52-53 წანერი) |
| ღურაშ აბანი: | |
| ომენცარე სფერო: | |
| ომენცარე ხემანჯღვერი: | |
აბუ ბაქრ მუჰამად იბნ იაჰია იბნ ას-საიღ ათ-თუჯიბი იბნ ბაჯა, უმოსო შინელი რე მუჭოთ იბნ ბაჯა, ლათინიზებული ჯოხო ავემპასე (დ. 1085, სარაგოსა, სარაგოსაშ თაიფა, ალ-ანდალუსია — ღ. 1138, ფესი, ალმორავიდეფიშ იმპერია) — ანდალუსიარი არაბი ასტრონომი, ფიზიკოსი, ფილოსოფოსი, მედიკოსი, ბოტანიკოსი, მუსიკოსი დო პოეტი.
იბნ ბაჯაშ არძაშე უმოსო შანულამი ნახანდი რე "ჩანარეფიშ წინგი", სოდეთ მოჩამილი რე ჩანარეფიშ სქესიშ დეფინიცია. მუჭოთ ფილოსოფოსიქ, იბნ ბაჯაშ თეორიეფქ კაბეტ გაულა იღვენუ იბნ რუშდიშა დო ალბერტ დიდიშა. იბნ ბაჯაშ უკაბეტაშ ფილოსოფიურ კონტრიბუციათ მერჩქინელი რე თიში იდეა შურიშ ფენომენოლოგიაშ გეშა, ნამუშ ბოლოშა აკომუშებაქ იბნ ბაჯას ვაჭიშუ.
იბნ ბაჯას უღუდჷ კაბეტი რჩქინა მედიცინაშ, მათემატიკაშ, ფიზიკაშ დო ასტრონომიაშ დისციპლინეფს. თიში ასტრონომიულ დო ფიზიკურ რკვიებეფს ჩქინი ბორჯიშა ვამუჭირინუაფჷ მარა თინეფს ექიაქო შეთმოფხვადუთ მაიმონიდიშ დო იბნ რუშდიშ ნაჭარეფს. იბნ ბაჯაშ იდეეფქ მიშეღჷ კაბეტ თია ისლამური ცივილიზაციაშ დო ევროპული რენესანსიშ წჷმმარინაფალეფიშ, სამანგათ გალილეო გალილეიშ არზუანობაშა.
იბნ ბაჯა ღურჷ 1138 წანას ნოღა ფესის (ასეიანი მაროკო). ართ-ართი ვერსიათ თინა მუწამალჷნა.