Prosper Mérimée (1803–1870)

Nga pena e klasikut francez dalin veçse kryevepra. I tillë është rasti i “Tamangoja & Mateo Falkoneja”. Të shesë skllevërit si bagëti dhe t’i shkëmbejë ata, për ca sende me shumë pak vlerë është biznesi i shefit famëkeq, Tamango.

Por, çfarë do të ndodhë kur të këmbehen rolet dhe ai të bëhet pjesë e ngarkesave, që ia ka shitur vetë, Kapiten Ledouksit? “Mateo Falkone” është një histori e shkurtër, por tejet komplekse – në qendër të veprës është vrasja e një djali 10-vjeçar nga babai.

Në zemër të maleve të Korsikës, Fortunato tradhton nderin e të atit, Mateo Falkone. Ndëshkimi i tij është i tmerrshëm…

Nën qiejt jugorë, tradhtitë janë fatale dhe vdekjet të dhunshme… (more)

Një emër i famshëm në historinë e prozës botërore të shekullit të kaluar, i cili pëlqente misticizmin, historinë dhe të pazakonshmen.

Lindi në Paris në vitin 1803 dhe vdiq në Kanë në 1870. Pjesë e plejadës së klasikëve francezë, Merime kashkruar romane, novela, tregime të shkurtra, drama, si: “Kolomba”, “Mashtrim i dyfishtë”, “Kolomba”, ‘Tamango” etj.

“Karmen” ka në epiqendër një cigane, e cila si plot të tjera ka plot vese, por ka edhe ndjenjën e fortë të lirisë personale. Ajo kërkon të jetë zonjë e vetvetes, madje për këtë pavarësi ajo jep edhe jetën.… (more)

Mjeshtri francez, emër i famshëm në historinë e prozës botërore të shekullit të 19-të, ka lënë në repertorin e vet një pafundësi kryeveprash.

“Kolomba” – Një histori hakmarrjeje, ku autori pikturon Korsikën e dikurshme, me zakonet dhe traditat sa prapanike, aq edhe të egra.

Në Korsikë nëse keni një armik, duhet të zgjidhni midis pushkës, shtizës ose arratisë.

Orso della Rebias, një toger i ri, i duhet të përballet me këtë tragjedi pavarësisht dëshirës. Dredhi, provokime, dyluftime të heshtura, grindje, urrejtje dhe sfida. Orso, i dashuruar me zonjushë Lidian, gjendet i dyzuar midis respektit ndaj drejtësisë dhe domosdoshmërisë për hakmarrje…… (more)