冰壶

冰壶又叫「冰上溜石」，是一项队制个冬季奥林匹克运动会项目。冰壶用个「壶」称为「石壶」，运动员要拿对方个「石壶」击跑，並拿己队个「石壶」留拉比赛场地个圆心里。

历史

冰壶起源于16世纪个苏格兰，当时冬天个人会得来拉冰冻个水塘湿地上薄相一種推石球游戏。顶早个冰壶来拉1511年个苏格兰首次出现比赛，后头17世纪比赛用个石头加仔隻手把变成功现代冰壶个最初外形。

18世纪时期，冰壶游戏由英国军队传至北美洲，並且逐渐普及。之后20世纪，出现室内运动场，冰壶个发展更进一步。1966年，国际冰上石壶总会来拉英国成立。1980年，箇種来拉冰上推石壶到目标地个游戏成为奥运会一个认可体育运动。长野冬季奥运，男、女冰壶赛首度成为正式个比赛项目。

比赛用个「石壶」必须是隻花岗岩打磨而成、並加上光油个圆球，佢个球身稍呈扁状，外加有柄，直径29厘米、重量19.1公斤横里。比赛时共有五个运动员，一个后备，四个分别是「主力」（Lead）、「第二人」（Second）、「第三人」（Third）搭顶重要个「队长」（Skip）。

运动员来拉长44.5米、阔7.5米个比赛场地里，拿“石壶」推向场中「大本营」（House）个圆心（Tee）。大本营直径12英吋，圆心半径0.15米，「石壶」要滑行至「大本营」再有机会得分。

比赛当中，每队要派上4位运动员，4位运动员来拉一局之中，各要两趟拿“石壶”推向圆心范围。一局之尾，“石壶”位置比对手距离中心点顶近个可得到1分。一场冰壶比赛拢共10局，总分高个一方获胜。

比赛中，一位运动员要着比赛专用个鞋子，从起点线拿「石壶」推出时，另外两位运动员要来拉「石壶」前用鬃毛或麦秆制成刷子协助「石壶」滑动，好让「石壶」到达圆心里向。而两位以刷子协助「石壶」滑动个运动员到仔栏线（Hog line）上，需要让「石壶」自行滑行。