Son G

Pol discramiaedje des årtikes avou l' mot « G », loukîz cial.

Li son G, c' est ene vuzlêye cossoune ålwetrinne cloyrece.

Elle egzistêye dins toplin des lingaedjes. End a portant ki n' l' ont nén, come l' arabe classike.^[1]

Li son g est todi scrît avou l' lete G e walon. Portant divant les voyales "i" et "e", il î fåt radjouter on halcrosse "u", sorlon ene piceure ki vént di l' ortografeye francesse. Ci régue la a stî clawêye dins l' sistinme Feller et nén candjeye e rfondou walon.^[2]

1. ↑ Mins on l' ritrove dins les arabes coinrece d' Afrike bijhrece (come l' arabe marokin), dandjreus a cåze di l' amazir k' est leu lingaedje-sômî.
2. ↑ Mins, dins ces deus sistinmes ortografikes la, li lete G ni sieve måy po scrire li son J (/ʒ/), adon ki l' shuvion "ge" esteut co siervou pol son J dins les sistinmes di dvant Feller.