Jijé
Joseph Gillain
| Skepiaedje | 13 di djanvî 1914, Djedene |
|---|---|
| Moirt | 19 di djun 1980, Versaye |
| Nåcionålité | Bedje |
| Activités | auteur ou autrice de bande dessinée, illustrateur ou illustratrice, dessineu, céramiste, scrijheu, mwaisse pondeu, edvinteu, spiroutî, scénariste de bande dessinée |
Jijé, di s' vraiy no Joseph Gillain (riwalnijhåve Djôzef Djîlin), c' esteut on rlomé spiroutî walon.
I vna-st å monde li 13 di djanvî 1914 a Djedene, et mori l' 19 di djun 1980 a Versailles el France.
Vicåreye
[candjî | candjî l’ côde wiki]Ses parints, Eugène Gillain eyet Marie Doffagne, ont-st avou 7 ôtes efants, Marie (1909), Paul (1911), Henri (1913), Joseph (1914), Albert (1916), Louise (1918), Thérèse (1920) et Monique (1923).
Jijé fourit on soûmint del gazete Spirou, k' il î animéve les istweres di Jean Valhardi, Spirou et Fantasio, Blondin et Cirage (k' ont stî ahivés dins l' presse crustinne) et co Jerry Spring.
Poy i moussa-st el gazete Pilote, wice k' i va rprinde li dessinaedje di Tanguy et Laverdure des mwins da Uderzo et so des sinnårios da Jean-Michel Charlier.
E 2003, on Muzêye Jijé a-st askepyî a Brussele avou èn ecwårlaedje privé. I dva clôre e 2005. Mins, avou des subzides, i pola rdrovi e 2006, rowe do såvlon (Zandstraat), dizo l' alomåcion Måjhon del binde d' imådjes del Beldjike. On î prezinte l' ouve da Jijé, mins ossu l' cene di bråmint des ôtes spiroutîs k' on bouté avou lu al gazete Spirou (scole di Mårcinele del binde d' imådjes).
E 2023, ene espôzucion so si ouve a stî metowe so pî a Djedene. On î voet k’ dins èn albom di « Blondin et Ciraedje », i cåze do docteur Serckx, on vraiy medcén k’ a pratiké a Djedene.[1]
Tecnike des desséns da Djôzef Djîlin
[candjî | candjî l’ côde wiki]C' esteut çou k' on lome des bwès. I boutéve so les desséns di s' fré (come po les Cayés Walons) u so des cis des ôtes (come po les Contes d' aprandjire da Paul Moureau).
-
onk des Cayés walons -
-
-
Jijé et l’ walon
[candjî | candjî l’ côde wiki]Joseph Gillain a-st enimådjî les 30 prumîs limeros des Cayés Walons (e 1937 pu di 1940 a 1943), et des lives di des scrijheus des Relîs Namurwès k' ont rexhou adon. Metans :
- Paul Moureau.
- Contes d' aprandjire
- Fleurs d' al vesprêye (1936)
- Padzo l' tiyoû (sins date)
- Edmond Wartique
- Anatole Marchal : Å tins des nûtons (1937)
- Eugène Gillain (si pa)
- Do minme tonea (1951)
Alére
[candjî | candjî l’ côde wiki]- Bernard Louis : Joseph Gillain, spoté Jijé, Li Rantoele l° 51, erî-såjhon 2009.
Difoûtrinne hårdêye
[candjî | candjî l’ côde wiki]- (fr) Si biyografeye