Cawete -î

Pol discramiaedje des årtikes avou l' mot « Cawete -î », loukîz cial.

Li cawete -î et ses femrins -resse et (pus rålmint -ire) polèt siervi :

• a des nos d' mestîs : ovrî, cinsî, banslî, tchertî, tchårlî, coibjhî, munujhî, boledjî, botchî.
• a des nos di dmanants d' on viyaedje, d' ene måjhon : barakî, Transinî, Bouyonî, Curfotî, Clairmonî.
• a des nos d' åbes ou d' ôtès plantes : pemî; poerî; biyokî; djaeyî; purnalî; fordinî; hotalî; pronnî; cerijhî; åbricotî; mesplî; bôlî; frambåjhî; amponî; rodje-åmonî; noer-åmonî; amandî; rôzî; cerijhî; tchersî.
• a totès sôres : bovrî, mestî.

Dins les noûmots, i polnut siervi :

• a des noveas mestîs : politikî, politicresse, infôrmatikî
• a des dmorants d' viyaedje :

Li cawete omrinne -î vént del cawete latene -arius.

Mins li femrin -resse ni rmonte nén å latén. Il a dandjreus skepyî sol cogne del cawete -resse dobe femrinne del cawete -euse^[1].

E rfondou, on-z a ptchî di relire eto li cawete -resse. C' est l' seule k' on rtrouve dins les noûmots. Mins li cawete -ire dimane po les mots avou ene dobe cossoune å coron (po n' nén aveur troes cossounes ki s' sujhèt) : tchårlire, coibjhire.

Candjmint del cawete -î et di s' femrin ezès accints do walon.

Li cawete -î est cåzu sins bodjî so tote li Walonreye^[2].

Po les mots "classikes", li femrin avou "-resse" est foirt lådje oyou^[3].

So les aschates walon-picård et walon-gåmès, on-z a eto -ière (cinsière).

1. ↑ Jules Feller, Notes di filolodjeye walone, p. 177.
2. ↑ Loukîz al mape ey el notule A.L.W. 1. 60 (mestî).
3. ↑ Loukîz al mape A.L.W. 9. 1 ey ezès notules 9. 1 et 2. (cinsresse).