Willem van Gulik
.jpg)
Willem van Gulik (de Joengern genoemd) (ca. 1275 - gesneuveld 18 ogustus 1304) was e middelêeuwsche ridder en gêestelikn. In 1299 wast ie prôost in 't Sint-Servaaskapittel van Maastricht. J' is surtout bekend vanwege zyn rolle in de Guldenspôrenslag in 1302.
Willem van Gulik was e zeune van groaf Willem V van Gulik en Maria van Dampierre, e dochter van groaf van Vloandern Gwyde van Dampierre en zyn vrouwe Mathilde van Béthune.
De môord ip groaf Walram van Gulik in de Slag by Bulskamp in 1297, en 't feit da zyn grotvoader Gwyde van Dampierre in 1300 in Vrankryk in 't gevang vloog t'hope mè zyn noenkels Robrecht van Béthune en Willem van Dendermonde, brochtn hem der toe vor hem an te sluytn by 't kamp van de Vloamingn teegn 't beleid van keunink Philippe IV van Vrankryk.
Achter een oenverwachte overwinninge in de Guldenspôrenslag in 1302, wonnen de Vlamsche troepn oender leidinge van Willem van Gullik ook de Slag by Arke in 1303.
In 1304 kêerde de Fransche keunink were met e leger en versloeg de Vloamingn binst de Slag by Pevelenberg (Mons-en-Pévèle) woarby da Willem van Gulik sneuvelde.
|
Ofbeeldiengn die ier by passn ku je vien in de categorie William of Jülich van Wikimedia Commons. |