Landschappn van Zweedn

De 25 Zweedsche landschappn (Zweeds: landskap) vormn een historische indêelienge van Zweedn die nu nog alsan belangryk is ip gebied van culteure, folklore, streektoale, toerisme en geografie.

De landschappn èn gêen administratieve funcsje. Die rolle wordt vervuld deur de provinsjes (Zweeds: län). Ze bluuvn wel van grôot belang vo de regionale identiteit van de Zweedn.

Toet 1809 maktn d' historische provinsjes van Finland ook dêel uut van die lyste. Achter 't verlies dervan an Rusland veranderde Zweedn under administratieve indêelienge.

Ofbeeldiengn die ier by passn ku je vien in de categorie Provinces of Sweden van Wikimedia Commons.